1 तीमुथियुस 6:2 - काँगड़ी

² जिन्हां दे मालक बसुआसी हन तिन्हां जो बसुआसी होणे दे नाते घटिया ना समझन, बल्कि सैह़ तिन्हां भी ठीक ढंगे नैं सेवा करन, क्जोकि इसते फायदा लैणे आल़े बसुआसी कने प्रेमी हन। इन्हां गल्लां दी सिक्षा कने पालण करणे तांई लोकां जो हौंसला देआ कर।

1 तीमुथियुस 6:2 Iomraidhean Croise

मत्ती 23:8

अपर तुहां लोकां जो एह़ मौका नीं दैणा कि सैह़ तुहां जो गुरू ग्लांन, क्जोकि तुहां दा इक्को ई गुरू ऐ, कने तुहां सारे भाऊ-बैह्णी इक्क बराबर हन।

मत्ती 25:40

ताह़लू मैं जेह्ड़ा राजा ऐ, तिन्हां जो जवाब दिंगा, ‘मैं तुहां नैं सच्च ग्लांदा ऐ कि तुहां जेह्ड़े मेरे इन्हां लोक्के ते लोक्केयां चेलेयां च कुसी इक्की सौगी कित्ता, सैह़ समझा मिन्जो सौगी कित्ता।’

मत्ती 6:24

“कोई भी माणु इक्की बग्ते च दूँ मालकां दी सेवा नीं करी सकदा, होई नीं सकदा कि सैह़ इक्की नैं बैर कने दूये नैं प्यार रखगा, इक्की नैं बफादार रैंह्गा कने दूये दी निंदा करगा। कने तिंआं ई तुहां परमात्मे दी कने धन दौलता दी दून्नी दी सेवा नीं करी सकदे।

प्रेरितां दे कम्म 1:15

कने तिन्हां दिनां च पतरस लगभग इक्क सौ बीआं लोकां बिच्च खड़ोई करी ग्लाणा लग्गा,

रोमियो 11:17

इस्राएल देसे दे लोक जैतूने दे इक्की रूखे दियां डाल़िआं साइआं हन। कने पूर्वज अब्राहम, इसहाक कने याकूब तिस रूखे दियां जड़ां साइआं हन। कने होरनी जातिआं दे लोक जंगली डाल़िआं साइआं हन। जेह्ड़ियां छागियां डाल़िआं च पियुन्द करी नैं तिस रूखे पर लगाईयां हन, हुण तिन्हां जंगली डाल़िआं जो खुराक तिसा जड़ा ते मिलदी ऐ।

रोमियो 8:29

क्जोकि जिन्हां जो तिन्हीं पैहल्ले ते चुणी लेआ ऐ, तिन्हां दे बारे च ऐदेया इरादा भी करी लेआ ऐ कि तिसदे पुत्तर यीशु मसीह साइआं होन, तांजे यीशु मसीह सारे बसुआसियां च जेठा पुत्तर बणी सकैं।

गलातियों 5:6

जे तुहां यीशु मसीह जो मनदे हन, तां इसते कोई फर्क नीं पोंदा, कि तुहां दा खतणा होएया या नीं होएया। अपर जरूरी गल्ल एह़ ऐ, कि अहां मसीह पर बसुआस करदे हन, कने अहां च परमात्मे तांई कने दूये लोकां तांई प्यार ऐ।

इफिसियों 1:1

मैं पौलुस जेह्ड़ा परमात्मे दिया इच्छा ते यीशु मसीह दा इक्क प्रेरित ऐ, मैं एह़ चिठ्ठी इफिसुस सैहरे च रैहणे आल़े पवित्र कने यीशु च बसुआस करणे आल़े लोकां दे नांऐ पर लिखदा ऐ।

इफिसियों 1:15

इसा बज़ाह ते, जाह़लू ते मैं प्रभु यीशु पर तुहां दे बसुआसे कने परमात्मे दे सारे लोकां तांई तुहां दे प्यारे दे बारे च समाचार सुणी नैं,

इफिसियों 3:6

मतलब एह़ कि यीशु मसीह च सुसमाचारे दे जरिये होरनी जातिआं दे लोक सैई आसीषां हासल करदे हन, कने तिसी सरीरे दे हिस्से कने तिस वादे दे जेह्ड़ा परमात्मे यहूदी लोकां सौगी कित्या था साझी हन।

कुलुस्सियों 1:2

मैं एह़ चिठ्ठी मसीह दे तिन्हां पवित्र कने सच्चे बसुआसी भाऊआं दे नांऐ पर लिखदा ऐ, जेह्ड़े कुलुस्से सैहरे च रैंह्दे हन। मैं प्रार्थना करदा ऐ, कि अहां दे पिता परमात्मे दिया तरफा ते तुहां जो अनुग्रह कने सांति मिलदी रैंह्।

कुलुस्सियों 1:4

क्जोकि अहां सुणेया ऐ, कि यीशु मसीह पर तुहां दा बसुआस ऐ, कने सारे परमात्मे दे लोकां नैं तुहां प्यार रखदे हन।

कुलुस्सियों 4:1

हे सुआमियो, अपणे-अपणे दासां सौगी न्याय कने इक्क देहया बर्ताब करा, एह़ समझी करी कि सुअर्गे च तुहां दा भी इक्क मालक ऐ।

2 थिस्सलुनीकियों 1:3

हे प्यारे साथी बसुआसियो, तुहां दे बारे च अहां जो हमेसा परमात्मे दा धन्यावाद करणा चाइदा, कने एह़ ठीक भी ऐ, इसतांई कि तुहां दा बसुआस यीशु मसीह च बड़ा जादा बधी गेआ ऐ, कने तुहां सारेयां दा प्यार अप्पु च बड़ा ई बधदा जा दा ऐ।

1 तीमुथियुस 4:11

बसुआसी लोकां जो इन्हां गल्लां दा हुक्म दे, कने सखांदा रैंह्।

1 तीमुथियुस 5:1

कुसी भी बुढे माणुये जो मत झिड़क, अपर तिसियो अपणे बुढ़े साइआं समझी करी प्यारे नैं समझाई दे, कने जुआनां जो अपणे भाऊये साइआं समझी करी;

तीतुस 2:1

अपर तीतुस तिज्जो तांई एह़ जरूरी ऐ कि तू बसुआसियां जो यीशु मसीह दे बारे च सिर्फ सैई सिक्षां दे, जेह्ड़ियां सच्चियां हन।

तीतुस 2:15

इसतांई तीतुस तू पूरे हक्के नैं क्रेते दे बसुआसियां जो इन्हां गल्लां जो ग्ला, कने समझा कने सखांदा रैह्। इआं करणे दा मेरे पास्से ते पूरा हक्क ऐ, कोई भी तिज्जो नजर अंदाज नीं करैं।

तीतुस 3:8

एह़ गल्लां सच्चियां हन, कने मैं चांह़दा ऐ कि तू इन्हां गल्लां दे बारे च मजबूतिया नैं सखा। इसतांई कि जिन्हां परमात्मे दे रस्ते जो दिख्या कने बसुआस कित्या ऐ, सैह़ खरे-खरे कम्मां च लग्गी रैहणे दा ध्यान रखन। एह़ गल्लां खरियां कने लोकां दे फायदे दियां हन।

इब्रानियों 3:1

इसतांई हे प्यारे साथी बसुआसियो, तुहां परमात्मे नैं मिलणे तांई सद्देयो गै हन, यीशु पर ध्यान देआ, जेह्ड़ा अहां तांई परमात्मे दा संदेस लेई करी ओणे आल़ा दूत कने महायाजक ऐ।

इब्रानियों 3:14

जे अहां अपणे पैहल्ले भरोसे जो अन्त तिकर मजबूत बणाई रखदे हन, तां अहां मसीह दे हिस्सेदार बणी जांदे हन।

1 पतरस 5:1

मैं कुच्छ होर भी तुहां स्याणेयां जो ग्लाणा चांह़दा ऐ, क्जोकि मैं भी तुहां साइआं इक्क स्याणा ऐ मसीह दे दुखां जो जेह्ड़े तिन्हीं बड़ी पैहल्ले झेलेयो थे, तिन्हां जो मैं अप्पु ई दिख्या ऐ, कने मैं भी तिसदिया तिसा महिमा च साझीदार होई नैं इक्क स्याणे साइआं तिन्हां जो समझांगा, जाह़लू सैह़ इस संसारे च बापस ओंगा।

2 पतरस 2:10

खास करी नैं परमात्मा तिन्हां झूठे सिक्षकां जो जरूर सज़ा दिंगा, जेह्ड़े बुरिआं इच्छां दे पचांह़ सरीरे मताबक चलदे कने परमात्मे दे अधिकारां जो घटिया समझदे हन, सैह़ ढीठ, कने जिद्दी हन, कने ऐत्थु तिकर कि सुअर्गदूतां दी निंदा करदे हन।

यहूदा 1:8

इन्हां उदारणा जो जाणने दे बावजूद भी झूठे सिक्षक एह़ दावा करदे हन, कि परमात्मैं तिन्हां जो सुपणे च एह़ दस्सेया कि सैह़ पाप करी नैं अपणे सरीरां जो भरष्ठ करदे हन, कने प्रभु दे अधिकारां जो नीं मनदे हन, कने सुअर्गदूतां दी निंदा करदे हन।