1 तीमुथियुस 6:13 - काँगड़ी

¹³ परमात्मे जो गवाह मन्नी करी जेह्ड़ा सबना जो ज़िन्दगी दिंदा ऐ, कने यीशु मसीह जो भी गवाह मन्नी करी, जिन्हीं पुन्तियुस पिलातुसे दे सामणै अपणे बारे च सच्च ग्लाया था, मैं तिज्जो हुक्म दिंदा ऐ।

1 तीमुथियुस 6:13 Iomraidhean Croise

मत्ती 27:11

जाह़लू यीशु पिलातुस हाकमे सामणै खड़ोत्या था तां पिलातुसैं तिसते पुछया, “क्या तू यहूदियां दा राजा ऐ?” यीशु तिस नैं ग्लाणा लग्गा, “तू अप्पु ई तां ग्ला दा ऐ।”

मत्ती 27:2

कने सैह़ यीशुये जो बन्नी करी तित्थु ते लेई गै, कने जाई नैं पिलातुस हाकमे दे हुआलैं करी दित्ता।

यूहन्ना 14:6

यीशुयैं तिस नैं ग्लाया, “रस्ता कने सच्च कने सदा दी ज़िन्दगी दैणे आल़ा मैं ऐ; मिन्जो बगैर कोई भी पिता अल्ल नीं पुज्जी सकदा

यूहन्ना 19:11

यीशुयैं जवाब दित्ता, “क्जोकि एह़ हक्क तिज्जो परमात्मे दित्या ऐ, तां तूं मिन्जो पर एह़ हक्क रखदा ऐ; इसतांई जिन्हीं मिन्जो तेरे हुआलैं कित्या ऐ, तिसदा पाप जादा ऐ।”

यूहन्ना 5:21

जिंआं पिता परमात्मा मरेयां जो ठुआल़दा कने भिरी जिन्दा करदा ऐ, तिंआं ई पुत्तर भी तिन्हां जो चांह़दा ऐ जिन्हां जो जिन्दा करदा ऐ।

यूहन्ना 5:26

क्जोकि जिस तरीके नैं परमात्मा अप्पु च ज़िन्दगी रखदा ऐ, तिसा रीतिया नैं तिन्हीं पुत्तरे जो भी ज़िन्दगी रखणे दा हक्क दित्या;

प्रेरितां दे कम्म 17:25

ना कुसी चीज्जा दी जरूरता दिया बज़ाह ते माणुआं दे हत्थां दी सेवा लैंदा ऐ, क्जोकि सैह़ अप्पु ई सबना जो ज़िन्दगी कने सांस कने सब कुच्छ दिंदा ऐ।

2 कुरिन्थियों 9:13

क्जोकि इसा सेवा दा सबूत मन्नी करी सैह़ परमात्मे दी महिमा जो प्रगट करदे हन, कि तुहां यीशु मसीह दे सुसमाचारे जो मन्नी नैं तिसदे अधीन रैंह्दे हन, कने जरूरतमंद बसुआसियां दी मदत करणे च दिलेरी दस्सदे रैंह्दे हन।

गलातियों 3:26

क्जोकि तुहां सारे तिस बसुआसे दिया बज़ाह ते जेह्ड़ा यीशु मसीह पर ऐ, परमात्मे दी औलाद हन।

1 तीमुथियुस 1:12

मैं अपणे प्रभु यीशु मसीह दा धन्यावाद करदा ऐ, कि तिन्हीं मिन्जो सामर्थ दित्ती, कने मिन्जो बसुआसे जोग्गा समझी नैं अपणिया सेवा तांई चुणेया।

1 तीमुथियुस 1:15

जेह्ड़ी गल्ल मैं तुहां जो दस्सी सैह़ सच्च कने पूरे तरीके नैं बसुआस करणे जोग्गी ऐ। क्जोकि यीशु मसीह अहां पापी लोकां दा उद्धार करणे तांई इस संसारे च आया कने तिन्हां च सबते बड्डा पापी मैं ऐ।

1 तीमुथियुस 2:5

क्जोकि इक्क ई परमात्मा ऐ, कने सिर्फ परमात्मा ई माणुआं च मेल-जोल कराई सकदा कने सैह़ यीशु मसीह ई ऐ जेह्ड़ा इक्क माणु दे रूपे च पैदा होएया था।

1 तीमुथियुस 5:21

परमात्मा, कने यीशु मसीह कने चुणेयां सुअर्गदूतां जो सामणै समझी करी मैं तिज्जो हुक्म दिंदा ऐ कि तू बिना भेदभाव ते इन्हां गल्लां जो मन्ना कर, कोई भी कम्म भेदभाव करी नैं मत कर।

1 तीमुथियुस 6:12

जिंआं इक्क खरा सपाई लड़ाईया च लड़ाई करणा कदी नीं छड्डदा, तिंआं ई तिज्जो भी परमात्मे पर बसुआस करणा कने तिसदे पचांह़ चलणा कदी नीं छड्डणा चाइदा। तांजे तू अपणे इनामे दे रूपे च सदा दी ज़िन्दगिया जो पाई सकैं, जिस तांई तू सद्देया गेआ, जाह़लू तैं मते लोकां सामणै साफ-साफ ग्लाया था, कि तू मसीह पर बसुआस करदा ऐ।

प्रकाशितवाक्य 1:5

कने यीशु मसीह दे पास्से ते जेह्ड़ा बसुआसे जोग्गा गवाह कने मरेयां ते जिन्दा होणे आल़ेआं च जेठा कने धरतिया दे राजेयां दा हाकम ऐ, तुहां जो अनुग्रह कने सांति मिलदी रैंह्। जेह्ड़ा अहां नैं प्यार रखदा ऐ, कने तिन्हीं अपणे खूने दे जरिये अहां जो पापां ते छड्डाया ऐ।

प्रकाशितवाक्य 21:6

भिरी तिन्हीं मिन्जो ग्लाया, “एह़ गल्लां पूरियां होई गियां हन। मैं अलफा कने ओमेगा, मतलब सुरुआत कने अन्त ऐ। मैं प्यासे जो ज़िन्दगिया दे पांणिये दे झरनेयां ते मुफ्ते च पियांगा।

प्रकाशितवाक्य 22:1

भिरी तिन्हीं मिन्जो साफ सीशे साइआं झलकदी होई, ज़िन्दगिया दे पांणिये दी नदी, जेह्ड़ी परमात्मे कने मेम्ने दे सिंहासणे ते निकल़ी करी

प्रकाशितवाक्य 3:14

भिरी तिन्हीं मिन्जो नैं एह़ भी ग्लाया, कि “लौदीकिया सैहरे दी कलीसिया दे सुअर्गदूते जो एह़ लिख: कि मैं सैई ऐ जेह्ड़ा आमीन कने बसुआसे जोग्गा कने सच्चा गवाह ऐ, कने सैई ऐ जिसदे जरिये परमात्मे सब कुच्छ बणाया ऐ, तिसदा ग्लाणा ऐई ऐ: