1 तीमुथियुस 6:11 - काँगड़ी

¹¹ अपर हे परमात्मे दे जण तीमुथियुस, तू इन्हां गल्लां ते दूर होई जा, कने सच्चाई, परमात्मे दी भक्ति, मसीह पर बसुआस, लोकां नैं प्यार कने सबर कने नम्रता दा पीछा कर।

1 तीमुथियुस 6:11 Iomraidhean Croise

रोमियो 14:19

इसतांई अहां तिन्हां गल्लां दी कोसस करदे रैह़न जिन्हां ते लोक अप्पु च मिल्ली जुली नैं रैह़न, कने इक्की दूये जो बसुआसे च मजबूत करन।

1 कुरिन्थियों 10:14

इसा बज़ाह ते, हे मेरे प्यारे साथी बसुआसियो, मूर्तिपूजा करणे ते बची रेह्आ।

1 कुरिन्थियों 14:1

इक्की दूये नैं प्यार करणे दी कोसस करा, कने आत्मिक वरदानां दी इच्छा करदे रेह्आ, खास करी नैं एह़, कि परमात्मे दा वचन सणा।

1 कुरिन्थियों 6:18

ब्यभिचारे ते दूर रेह्आ। माणुये दे जरिये कित्ते गै होर पाप तिसदे सरीरे ते बाहर हन, अपर ब्यभिचार करणे आल़ा अपणे सरीरे दे खलाफ पाप करदा ऐ।

1 तीमुथियुस 1:14

यीशु मसीह च अहां दे प्रभु दा मता सारा अनुग्रह बसुआसे कने प्यारे नैं मिन्जो पर होएया।

1 तीमुथियुस 4:12

इस तरीके नैं बर्ताब कर कोई भी तेरी जुआनिया दिया बज़ाह ते तेरी बेइज्जती नीं करैं, अपर तिज्जो अपणे सब्दां च जेह्ड़ा तू ग्लांदा ऐ, अपणे चाल-चलण च, प्यारे च, मसीह दे बसुआस च, कने पवित्र ज़िन्दगिया च बसुआसी लोकां तांई खरा उदारण बण।

1 तीमुथियुस 5:10

कने खरेयां कम्मां करणे च तिसादा खरा नां होयैं, जिन्नै बच्चेयां दा पालण-पोसण कित्या होयैं, परोणेयां दी आदर-खातर कित्तियो होयैं, परमात्मे दे लोकां दी सेवा कित्तियो होयैं, दुखियां दी मदत कित्तियो होयैं, कने हर इक्की खरे कम्मे च मन लगाया होयैं।

1 तीमुथियुस 6:20

हे तीमुथियुस, तू एह़ निस्चा कर जेह्ड़ा परमात्मे तिज्जो दित्या ऐ कि तू सैई करदा ऐ। कने तिन्हां लोकां दी मत सुणदा जेह्ड़े हमेसा मूर्ख गल्लां करदे हन, जिन्हां नैं परमात्मे दी इज्जत नीं हुंदी ऐ कने बेकार च बैंह्स करदे हन, कने सैह़ ग्लांदे हन, कि एह़ ज्ञान ऐ, अपर सच्च बिच्च एह़ नीं ऐ।

2 तीमुथियुस 2:21

तिंआं ई जे कोई बसुआसी अपणे आप्पे जो इन्हां बुरिआं चीज्जां ते लग्ग करगा, तां सैह़ तिस भांडे साइआं हुंगा, जिसियो खास मकसदे तांई इस्तेमाल करदे हन, जे तिसदी ज़िन्दगी पवित्र हुंगी, तां तिसदा मालक तिसियो खरे कम्मे तांई इस्तेमाल करगा।

2 तीमुथियुस 2:22

तिन्हां बुरिआं चीज्जां ते अप्पु जो दूर रख, जिन्हां जो जुआन माणु करणा चांह़दे हन, कने जेह्ड़े लोक साफ मने नैं प्रभु दी अराधना करदे हन, तिन्हां सौगी-सौगी सच्चाईया नैं, बसुआस नैं, कने प्यार नैं भी मेल-जोल बणाई नैं रख।

2 तीमुथियुस 3:10

अपर तीमुथियुस तैं मेरिया सिक्षा, चाल-चलण, मकसद, बसुआस, सेहनसक्ति, प्यार, सबर, कने जुल्म होणे पर कने दुखां च मेरा साथ दित्ता।

2 तीमुथियुस 3:17

तांजे परमात्मे दा जण हर इक्क खरे कम्मे जो करणे तांई त्यार होई जां।

इब्रानियों 12:14

सबना नैं मेल-जोल रखा, कने पवित्र ज़िन्दगी जीणे तांई हर तरीके नैं कोसस करदे रेह्आ। जिसदे बगैर कोई भी प्रभु जो कदी नीं दिक्खी सकदा।

1 पतरस 3:11

तिसियो बुरे कम्म करणा छड्डी दैणे चाइदे, कने तिसदिया जगाह तिसियो खरे कम्म करणे चाइदे। कने दूयेयां सौगी मेल-जोल कने सांतिया नैं रैहणे तांई मेहनत करणी चाइदी।