1 तीमुथियुस 5:8 - काँगड़ी

⁸ अपर जे कोई अपणे रिस्तेदारां दा कने खास करी नैं अपणे परवारे दा ख्याल ना रखे, तां सैह़ बसुआसे ते मुकरी गेआ ऐ कने बेबसुआसिये ते भी बुरा बणी गेआ ऐ।

1 तीमुथियुस 5:8 Iomraidhean Croise

मत्ती 18:17

जे सैह़ तिन्हां दी भी नीं मन्नैं, तां कलीसिया नैं ग्लाई दे, अपर जे सैह़ कलीसिया दी ना मन्नैं, तां तू तिसियो दूईआं जातिआं कने चुंगी लैणे आल़ेआं साइआं समझ।

मत्ती 7:11

कने जाह़लू तुहां बुरे होई नैं अपणे बच्चेयां जो खरियां चीज्जां दैणा जाणदे हन, तां तुहां दा सुअर्गीय पिता भी अपणे मंगणे आल़ेआं जो खरियां चीज्जां क्जो नीं दिंगा?

यूहन्ना 15:22

जे मैं नीं ओंदा कने तिन्हां नैं गल्लां नीं करदा, अपर हुण तिन्हां अल्ल तिन्हां देयां पापां तांई कोई भाना नीं ऐ।

1 कुरिन्थियों 6:6

अपर इसदिया जगाह इक्क बसुआसी दूये बसुआसिये दे खलाफ इस मुद्दे जो कचेहरिया च लेई नैं जांदा ऐ।

2 कुरिन्थियों 12:14

दिक्खा, हुण मैं त्री बरी तुहां अल्ल ओणे जो त्यार ऐ, कने मैं तुहां पर कोई बोझ नीं बणगा। क्जोकि मैं तुहां दिया धन-दौलता जो नीं, अपर तुहां जो ई चांह़दा ऐ। क्जोकि बच्चेयां जो माँऊ बुढ़े तांई धन-दौलत नीं कठ्ठेरणी चाइदी, अपर माँऊ बुढ़ेआं जो बच्चेयां तांई धन-दौलत कठ्ठेरणी चाइदी।

2 कुरिन्थियों 6:15

कने मसीह दा बलियाल नांऐ दे सैताने सौगी क्या लगाव? या बसुआसिये सौगी बेबसुआसी दा क्या नाता?

गलातियों 6:10

इसतांई जित्थु तिकर मौका मिल्लैं अहां जो सबना दी मदत करणी चाइदी, खास करी नैं बसुआसी भाऊआं दी जेह्ड़े मसीह च हन।

2 तीमुथियुस 2:12

जे अहां सबर रखी नैं तिस तांई दुख झेलदे रैह़न, तां तिस सौगी अहां राजेयां साइआं राज्ज भी करगे, जे अहां ग्लांदे हन कि अहां प्रभु जो नीं जाणदे, तां प्रभु भी ग्लांगा कि मैं तुहां जो नीं जाणदा,

2 तीमुथियुस 3:5

सैह़ एह़ दखावा करगे कि सैह़ परमात्मे दी भक्ति करदे हन, अपर सैह़ परमात्मे दिया सामर्थी जो नीं मनगे। ऐदेयां लोकां सौगी मेल-जोल मत रखा।

तीतुस 1:16

सैह़ झूठे सिक्षक ग्लांदे हन कि अहां परमात्मे जो जाणदे हन, अपर अपणे कम्मां ते तिसदा इन्कार करदे हन। क्जोकि सैह़ घृणित कने हुक्मां नीं मन्नणे आल़े हन, कने कुसी खरे कम्मे जोग्गे नीं हन।

2 पतरस 2:1

जिंआं बड़ी पैहल्ले इस्राएली लोकां च झूठे भविष्यवक्ता थे, तिंआं ई तुहां च भी झूठी सिक्षा दैणे आल़े हुंगे, सैह़ ऐदिआं झूठियां सिक्षां च फंसी जांगे, जिसदिया बज़ाह ते सैह़ यीशु मसीह पर बसुआस करणा छड्डी दिंगे। ऐत्थु तिकर कि एह़ झूठे सिक्षक यीशु मसीह जो अपणा मालक मन्नणे ते इन्कार करगे, जिन्हीं तिन्हां जो अपनाया कने पापे दिया ताकता दे अजाद कित्ता, इस तरीके नैं सैह़ तिन्हां जो चाणचक नास करी दिंगे।

यहूदा 1:4

मैं तिज्जो एह़ लिखा दा ऐ कि कुच्छ झूठे सिक्षक अहां सौगी मिल्ली गियो हन, जिन्हां दे बारे च परमात्मे बड़ी पैहल्ले ते ई पवित्रशास्त्रे च ग्लाई दित्या था, कि सैह़ तिन्हां जो सज़ा दिंगा। तिन्हां परमात्मे दे प्यारे दे सुसमाचारे जो कने अनुग्रह जो बगाड़ी करी नाजायज रिस्तेयां दे कम्मां च बदली दित्या ऐ। सैह़ यीशु मसीह दा भी इन्कार करदे हन, जेह्ड़ा अहां दा इक्को ई मालक कने प्रभु ऐ।

प्रकाशितवाक्य 2:13

मैं एह़ तां जाणदा ऐ कि तू तित्थु रैंह्दा ऐ जित्थु सैताने दा सिंहासण ऐ; तू लगातार मेरे बसुआसे च मजबूत रैंह्दा ऐ, कने मिन्जो पर बसुआस करणे ते तिन्हां दिनां च भी पचांह़ नीं हटेया जिन्हां दिनां च मेरा बसुआसे जोग्गा गवाह अन्तिपास, तुहां दे सामणै तिसा जगाह पर मारे गेआ जित्थु सैतान रैंह्दा ऐ।

प्रकाशितवाक्य 3:8

मैं तेरे कम्मां जो जाणदा ऐ; इसतांई मैं तेरे सामणै इक्क दरवाजा खोली रखेया ऐ, जिसियो कोई बंद नीं करी सकदा; मैं जाणदा ऐ कि तिज्जो अल्ल थोड़ी काबिलियत ऐ, भिरी भी तैं मेरे वचनां दा पालण कित्ता ऐ कने मेरे नांऐ दा इन्कार नीं कित्ता।