1 तीमुथियुस 5:5 - काँगड़ी

⁵ तिसा बिधवा दी जिसादी देखभाल करणे आल़ा कोई नीं ऐ, सैह़ परमात्मे पर आस रखदी ऐ, कने मदत तांई रात दिन परमात्मे नैं विणती कने प्रार्थना च लग्गी रैंह्दी ऐ।

1 तीमुथियुस 5:5 Iomraidhean Croise

लूका 18:1

भिरी यीशुयैं अपणे चेलेयां नैं ग्लाया, कि लगातार प्रार्थना करणी कने हिम्मत नीं हारनी चाइदी, तिसते बाद तिन्हां नैं एह़ उदारण ग्लाया:

लूका 18:7

इसतांई क्या परमात्मा अपणे चुणेयां दा न्याय नीं चुकांगा, जेह्ड़े दिन-रात तिसदी दुहाई दिंदे रैंह्दे हन? क्या सैह़ तिन्हां दे बारे च देर करगा?

लूका 2:37

सैह़ चौरासी साल्लां ते बिधवा थी, कने सैह़ मंदरे जो नीं छड्डदी थी। अपर ब्रत कने प्रार्थना करी नैं रात -दिन अराधना करदी थी।

प्रेरितां दे कम्म 26:7

तिस वादे दे पूरे होणे दी आस लगायो, अहां दे बारांह गोत्र अपणे सारे मने नैं रात दिन परमात्मे दी अराधना करदे आये हन। हे राजा, इसा ई आसा दे बारे च यहूदी मिन्जो पर दोस लगांदे हन।

प्रेरितां दे कम्म 6:1

तिन्हां दिनां च जाह़लू चेलेयां दी गिणती जादा बधणा लग्गी, ताह़लू यूनानी भासा ग्लाणे आल़े यहूदी चेले इब्रानी बोली ग्लाणे आल़े यहूदी चेलेयां पर बुड़बुड़ाणा लग्गे, कि हर रोज दे खाणे दियां चीज्जां कने पैसेयां च अहां दियां बिधवां दा ख्याल नीं रखेया जांदा।

प्रेरितां दे कम्म 9:39

ताह़लू पतरस उठी करी तिन्हां सौगी चली पेआ, कने जाह़लू सैह़ पुज्जा तां सैह़ तिसियो बोड़ी लेई गै। सारियां बिधवां रोंदियां-रोंदियां तिसदे बक्खे आई खड़ोतियां, कने जेह्ड़े कुरते कने कपड़े दोरकासा तिन्हां सौगी रैंह्दे बणायो थे, दस्सणा लगियां।

प्रेरितां दे कम्म 9:41

तिन्हीं वाल देई करी तिसायो ठुआल़ेया, कने पवित्र लोकां कने बिधवां जो सद्दी करी तिसायो जिन्दा दस्सी दित्ता।

रोमियो 1:12

मेरा मतलब एह़ ऐ कि मैं तुहां बिच्च होई नैं तुहां सौगी तिस बसुआसे दे जरिये जेह्ड़ा मिन्जो च ऐ, कने तिस बसुआसे दे जरिये जेह्ड़ा तुहां च ऐ, इक्की दूये जो बसुआसे च मजबूत करदे रैह़न।

रोमियो 1:5

मसीह दे जरिये मिन्जो अनुग्रह कने प्रेरित दी सेवकाई मिल्ली कि तिसदे नांऐ दिया बज़ाह ते सारी जातिआं दे लोक मसीह पर बसुआस करी नैं तिसदी मनन,

1 कुरिन्थियों 7:32

मैं एह़ चांह़दा ऐ, कि तुहां सारे कोई फिकर नीं करन। कने इक्क कुआरा मरद एह़ फिकर करदा ऐ कि परमात्मे दी सेवा किंआं करैं।

1 कुरिन्थियों 7:34

ब्याईया कने कुआरिया च भी फर्क ऐ, कुआरी कुड़ी परमात्मे दी सेवा करणे दे बारे च फिकर करदी रैंह्दी ऐ कि सैह़ अपणे मने कने सरीरे जो प्रभु तांई लग्ग करणा चांह़दी ऐ अपर ब्याईयो संसारे दियां चीज्जां दी फिकर करदी रैंह्दी ऐ कि किंआं अपणे लाड़े जो खुस रखैं।

इफिसियों 6:18

कने हर बग्त जिंआं पवित्र आत्मा दस्सदा ऐ, अहां जो प्रार्थना कने विणती करदे रेह्आ, कने इसतांई जागदे रेह्आ कि सारे परमात्मे दे लोकां तांई लगातार विणती करदे रेह्आ करा,

फिलिप्पियों 4:6

कुसा भी गल्ला दी फिकर मत करा। अपर हर इक्क हलात च तुहां दी दरखास्त, प्रार्थना कने विणती धन्यावाद सौगी परमात्मे सामणै पेस कित्ते जान।

1 तीमुथियुस 2:1

सबना ते पैहल्लैं मैं इसा गल्ला पर जोर पाई नैं ग्लांदा ऐ कि परमात्मे दे सारे लोकां तांई विणती, प्रार्थना कने धन्यावाद कित्ते जान।

1 तीमुथियुस 5:16

जे कुसी बसुआसणी दे परवारे च बिधवां होन, तां सैई तिन्हां दी मदत करैं तांजे सैह़ कलीसिया पर बोझ ना बणन, कि कलीसिया दे लोक तिन्हां दी मदत करी सकन, जिन्हां दी देखभाल करणे आल़ा कोई नीं ऐ।

1 तीमुथियुस 5:3

तिन्हां बिधवां दी जिन्हां दी देखभाल करणे आल़ा कोई नीं ऐ, तिन्हां दी इज्जत करा।

2 तीमुथियुस 1:3

मैं रात-दिन अपणिया प्रार्थना च तुहां जो याद करी नैं परमात्मे जो धन्यावाद दिंदा ऐ, जिसदी सेवा मैं साफ अन्तर आत्मा नैं तिंआं ई करदा ऐ, जिंआं मेरे पूर्वज करदे थे।

1 पतरस 3:5

पराणे जमाने च पवित्र जणासा भी, जेह्ड़ियां परमात्मे पर आस रखदियां थियां, अपणे आप्पे जो इसी तरीके नैं सवांरदियां कने अपणे-अपणे लाड़े दे अधीन रैंह्दियां थियां।