1 तीमुथियुस 5:3 - काँगड़ी

³ तिन्हां बिधवां दी जिन्हां दी देखभाल करणे आल़ा कोई नीं ऐ, तिन्हां दी इज्जत करा।

1 तीमुथियुस 5:3 Iomraidhean Croise

मत्ती 15:6

तां सैह़ अपणे बुढ़े दा आदर ना करैं, इआं करी नैं तुहां अपणे रीति रिवाजां दिया बज़ाह ते जिन्हां जो तुहां बणाया ऐ, परमात्मे दा वचन टाल़ी दित्ता।

मत्ती 23:13

“हे पाखंडी सास्त्री कने फरीसी माणुओ, तुहां पर हाय। तुहां माणुआं तांई सुअर्गे दे राज्जे दा रस्ता बंद करदे हन, ना तां तुहां अप्पु तिस च जांदे हन कने ना तिस च जाणे आल़ेआं जो जाणा दिंदे।

लूका 2:37

सैह़ चौरासी साल्लां ते बिधवा थी, कने सैह़ मंदरे जो नीं छड्डदी थी। अपर ब्रत कने प्रार्थना करी नैं रात -दिन अराधना करदी थी।

लूका 7:12

जाह़लू यीशु सैहरे च पुज्जा ई था, तां क्या दिख्या, कि लोक इक्की मुड़दे दा अन्तिम संस्कार करणे जो लेई करी रस्ते च जा दे थे। जेह्ड़ा अपणिया माँऊ दा इक्को ई पुत्तर था, कने सैह़ बिधवा थी; कने सैहरे दे मते भरी लोक अन्तिम संस्कार करणा तिसा सौगी चलेयो थे।

यूहन्ना 1:47

यीशु नतनएले जो अपणे अल्ल ओंदे दिक्खी नैं तिसदे बारे च ग्लाणा लग्गा, “सुणा, एह़ पक्का इस्राएली ऐ, जेह्ड़ा बड़ा ईमानदार ऐ।”

प्रेरितां दे कम्म 6:1

तिन्हां दिनां च जाह़लू चेलेयां दी गिणती जादा बधणा लग्गी, ताह़लू यूनानी भासा ग्लाणे आल़े यहूदी चेले इब्रानी बोली ग्लाणे आल़े यहूदी चेलेयां पर बुड़बुड़ाणा लग्गे, कि हर रोज दे खाणे दियां चीज्जां कने पैसेयां च अहां दियां बिधवां दा ख्याल नीं रखेया जांदा।

प्रेरितां दे कम्म 9:39

ताह़लू पतरस उठी करी तिन्हां सौगी चली पेआ, कने जाह़लू सैह़ पुज्जा तां सैह़ तिसियो बोड़ी लेई गै। सारियां बिधवां रोंदियां-रोंदियां तिसदे बक्खे आई खड़ोतियां, कने जेह्ड़े कुरते कने कपड़े दोरकासा तिन्हां सौगी रैंह्दे बणायो थे, दस्सणा लगियां।

प्रेरितां दे कम्म 9:41

तिन्हीं वाल देई करी तिसायो ठुआल़ेया, कने पवित्र लोकां कने बिधवां जो सद्दी करी तिसायो जिन्दा दस्सी दित्ता।

1 थिस्सलुनीकियों 2:6

हलांकि अहां मसीह दे प्रेरित होणे दिया बज़ाह ते तुहां पर बोझ बणी सकदे थे, भिरी भी अहां लोकां ते आदर नीं चांह़दे थे, कने ना तुहां ते, ना होर कुसी ते।

1 तीमुथियुस 5:2

बुढियां जणासां जो अपणिया माँऊ साइआं समझी करी; कने जुआन जणासां जो पूरी पवित्रता नैं बैह्णी साइआं समझी करी प्यारे नैं समझाई दे।

याकूब 1:27

अहां दे पिता परमात्मे दे सामणै सुद्ध कने सच्ची भक्ति एह़ ऐ कि अनाथां कने बिधवां दे दुखां च तिन्हां दा ख्याल रखन, कने अपणे आप्पे जो संसारे दे बुरे कम्मां ते बचाई करी रखन।

1 पतरस 2:17

साबना दी इज्जत करा, बसुआसी बैह्णी-भाऊआं नैं प्यार रखा, परमात्मे ते डरा, कने बड्डे अधिकारियां दी इज्जत करा।

1 पतरस 3:7

तिंआं ई हे लाड़ेयो, तुहां भी समझदारिया नैं लाड़ियां सौगी ज़िन्दगी जीआ करा, कने तुहां जो एह़ गल्ल याद रखणा चाइदी कि जणासां तुहां ते कमजोर हन, इसतांई तुहां जो तिन्हां दी इज्जत करणी चाइदी। क्जोकि तुहां दोयो परमात्मे दे तिस वरदाने दे साझी हन, जेह्ड़ा सदा दी ज़िन्दगी ऐ, इआं करदे रेह्आ, तांजे जाह़लू तुहां प्रार्थना करन, ताह़लू परमात्मा तुहां दिया तिसा प्रार्थना जो सुणैं।