1 तीमुथियुस 5:23 - काँगड़ी

²³ भविष्य च सिर्फ पाणी ई पीणे आल़ा ना रैह्, अपर अपणे पेटे दी खराबी कने बार-बार बमार होणे दिया बज़ाह ते थोड़ी-थोड़ी अंगूरी मदिरा भी इस्तेमाल कर।

1 तीमुथियुस 5:23 Iomraidhean Croise

प्रेरितां दे कम्म 18:5

जाह़लू सीलास कने तीमुथियुस मकिदुनिया प्रदेसे च आये, तां पौलुस वचन सणाणे दिया धुना च यहूदियां जो गवाही दैणा लग्गा कि यीशु ई मसीह ऐ।

इफिसियों 5:18

नशे च मतवाल़े होई नैं अपणे आप्पे जो नास मत करा, क्जोकि इसते लोक अपणे आप्पे ते बाहर होई जांदे हन, अपर इसदिया जगाह पवित्र आत्मा जो मौका देआ कि सैह़ तुहां जो काबू करैं,

1 तीमुथियुस 3:3

सैह़ पियक्कड़ कने मारपीट करणे आल़ा ना होयैं, अपर नरम दिले दा होयैं, कने ना लड़णे आल़ा, कने ना धन-दौलता दा लालची होयैं।

1 तीमुथियुस 3:8

तिंआं ई कलीसिया दे सेवक भी इज्जतदार कने ईमानदार होणे चाइदे, कने सैह़ पियक्कड़ कने नीच कमाईया दे लालची ना होन।

1 तीमुथियुस 4:4

क्जोकि परमात्मे दी बणाईयो हर इक्क चीज्ज खरी ऐ, कने अहां सब कुच्छ खाई सकदे हन; अपर एह़ कि परमात्मे दा धन्यावाद करी नैं खादी जां।

तीतुस 1:7

क्जोकि अगुआ परमात्मे दा भण्डारी होणे दिया बज़ाह ते बेकसूर होणा चाइदा; ना जिद्द करणे आल़ा, ना गुस्सा करणे आल़ा, ना पियक्कड़, ना मारपीट करणे आल़ा, कने ना नीच कमाईया दा लालची होयैं,

तीतुस 2:3

तिंआं ई स्याणियां जणासा जो भी जीणा चाइदा, जिसते परमात्मे जो इज्जत मिल्लैं। सैह़ दोस लगाणे आल़ी कने पियक्कड़ नीं होणी चाइदी, अपर खरियां गल्लां जो सखाणे आल़ी होणी चाइदी।