1 तीमुथियुस 5:21 - काँगड़ी

²¹ परमात्मा, कने यीशु मसीह कने चुणेयां सुअर्गदूतां जो सामणै समझी करी मैं तिज्जो हुक्म दिंदा ऐ कि तू बिना भेदभाव ते इन्हां गल्लां जो मन्ना कर, कोई भी कम्म भेदभाव करी नैं मत कर।

1 तीमुथियुस 5:21 Iomraidhean Croise

मत्ती 16:27

मैं माणुये दा पुत्तर अपणे सुअर्गदूतां सौगी अपणे पिता दी महिमा च ओंगा, कने तिस बग्त ‘सैह़ हर इक्की जो तिसदे कम्मां दे मताबक फल़ दिंगा।’

मत्ती 25:41

“ताह़लू सैह़ खब्बे पास्से आल़ेआं नैं ग्लांगा, ‘हे श्रापित लोको, मेरे सामणै ते तिसा सदा दी अग्गी च चली जा, जेह्ड़ी परमात्मे सैताने कने तिसदे दूतां तांई त्यार कित्तियो ऐ।

मत्ती 28:20

कने तिन्हां जो सारे हुक्म जेह्ड़े मैं तुहां जो दित्यो हन, तिन्हां जो मन्नणा सखा कने सुणा मैं संसारे दे अन्त तिकर सदा तुहां सौगी ऐ।”

लूका 20:21

तिन्हां तिसते एह़ पुछया, “हे गुरू, अहां जाणदे हन कि तू ठीक ग्लांदा कने सखांदा भी ऐ, कने कुसी दा भेदभाव नीं करदा, अपर परमात्मे दा रस्ता सच्चाईया नैं दस्सदा ऐ।

लूका 9:26

जेह्ड़ा कोई मिन्जो ते कने मेरियां गल्लां ते सर्मांगा, मैं माणुये दा पुत्तर भी, जाह़लू अपणी कने अपणे पिता दी कने पवित्र सुअर्गदूतां दी महिमा सौगी ओंगा, तां तिसते भी सर्मांगा।

2 कुरिन्थियों 5:16

इसतांई अहां माणुये दिया नजरा नैं कुसी दा भी न्याय नीं करदे। हाँ इक्क बग्त था, जाह़लू अहां मसीह दा अंदाजा माणुये दिया नजरा नैं लगाया था, हुण नीं। हुण अहां तिन्हां जो जाणी गै हन।

1 थिस्सलुनीकियों 5:27

मैं तुहां जो प्रभु दा हुक्म दिंदा ऐ, कि एह़ चिठ्ठी सारे बसुआसी भाऊआं जो पढ़ी नैं सणाई जां।

1 तीमुथियुस 6:13

परमात्मे जो गवाह मन्नी करी जेह्ड़ा सबना जो ज़िन्दगी दिंदा ऐ, कने यीशु मसीह जो भी गवाह मन्नी करी, जिन्हीं पुन्तियुस पिलातुसे दे सामणै अपणे बारे च सच्च ग्लाया था, मैं तिज्जो हुक्म दिंदा ऐ।

2 तीमुथियुस 2:14

जेह्ड़ियां गल्लां मैं तिज्जो दस्सियां हन, तिन्हां जो अपणे लोकां जो भुलणा मत दिंदा, कने प्रभु दी मौजूदगिया च जेह्ड़ा इक्क गवाह ऐ। तिज्जो तिन्हां जो चतौणी दैणी चाइदी, कि सब्दां दे मतलबां जो लेई करी बैंह्सबाजी नीं करणी चाइदी, जिसा जो करणे ते कुच्छ फायदा नीं हुंदा, अपर सुणने आल़े लोकां तांई बड़ा बड्डा नकसान ई हुंदा ऐ।

2 तीमुथियुस 4:1

जाह़लू प्रभु यीशु मसीह राजे साइआं राज्ज करणे ओंगा, तां सैह़ जिन्दे कने मरेयां दा न्याय करदा ऐ। मैं परमात्मे सौगी कने मसीह जो गवाह मन्नी करी तुहां नैं विणती करदा ऐ,

याकूब 3:17

अपर जेह्ड़ा ज्ञान सुअर्गे ते मिलदा ऐ सैह़ पैहल्लैं तां पवित्र हुंदा ऐ, भिरी मिलणसार, नरम, खरा लगणे आल़ा, दया, कने खरे-खरे फल़ां नैं भरोया, बगैर भेदभाव, कने बगैर कपटा ते हुंदा ऐ।

2 पतरस 2:4

क्जोकि जाह़लू परमात्मैं तिन्हां सुअर्गदूतां जो भी माफ नीं कित्ता, जिन्हां पाप कित्या था, अपर तिन्हां जो न्याय दे दिने दा इन्तजार करणे कने सज़ा पाणे तांई नरके च घल्ली दित्ता।

यहूदा 1:6

तुहां जो तिन्हां सुअर्गदूतां दे बारे च भी सोचणा चाइदा, जेह्ड़े अपणिया पदविया ते खुस नीं थे, जेह्ड़ी परमात्मे तिन्हां जो दित्तियो थी, अपर तिसदे बजाये तिन्हां अपणिया पदविया जो छड्डी दित्ता, परमात्मे तिन्हां सुअर्गदूतां जो न्याय दे ओणे आल़े दिने तिकर संगल़ां नैं बन्नी करी नेहरे च रखेया ऐ।

प्रकाशितवाक्य 14:10

तां सैह़ परमात्मे दे गुस्से दी मदिरा पींगा, जेह्ड़ी तिसदे गुस्से दे कटोरे च पाईयो ऐ, कने पवित्र सुअर्गदूतां कने मेम्ने सामणै अग्ग कने गंधका दिया पीड़ा च पोंगा।