1 तीमुथियुस 5:16 - काँगड़ी

¹⁶ जे कुसी बसुआसणी दे परवारे च बिधवां होन, तां सैई तिन्हां दी मदत करैं तांजे सैह़ कलीसिया पर बोझ ना बणन, कि कलीसिया दे लोक तिन्हां दी मदत करी सकन, जिन्हां दी देखभाल करणे आल़ा कोई नीं ऐ।

1 तीमुथियुस 5:16 Iomraidhean Croise

1 तीमुथियुस 5:10

कने खरेयां कम्मां करणे च तिसादा खरा नां होयैं, जिन्नै बच्चेयां दा पालण-पोसण कित्या होयैं, परोणेयां दी आदर-खातर कित्तियो होयैं, परमात्मे दे लोकां दी सेवा कित्तियो होयैं, दुखियां दी मदत कित्तियो होयैं, कने हर इक्की खरे कम्मे च मन लगाया होयैं।

1 तीमुथियुस 5:8

अपर जे कोई अपणे रिस्तेदारां दा कने खास करी नैं अपणे परवारे दा ख्याल ना रखे, तां सैह़ बसुआसे ते मुकरी गेआ ऐ कने बेबसुआसिये ते भी बुरा बणी गेआ ऐ।

1 तीमुथियुस 5:9

बिधवां दिया सूचिया च तिसा बिधवा नां लिख्या जां जिसादी उम्र सठ साल ते ऊपर होयैं, कने जेह्ड़ी अपणे लाड़े दे प्रति बफादार रेई होयैं,