1 तीमुथियुस 5:15 - काँगड़ी

¹⁵ क्जोकि कुच्छ जुआन बिधवां हन, जेह्ड़ियां बसुआसे ते भटकी करी सैताने दे पचांह़ चली पेईआं हन।

1 तीमुथियुस 5:15 Iomraidhean Croise

मत्ती 4:10

ताह़लू यीशुयैं तिस नैं ग्लाया, “हे सैतान दूर होई जा, क्जोकि पवित्रशास्त्रे च लिख्या ऐ, ‘तू प्रभु अपणे परमात्मे जो झुकी नैं प्रणांम कर, कने सिर्फ तिसदी भक्ति कर।’ ”

1 तीमुथियुस 1:20

मैं हुमिनयुसे कने सिकन्दरे जो कलीसिया ते कड्डी दित्या ऐ कने तिन्हां जो सैताने दे बसे च देई दित्या ऐ, तांजे सैह़ लोक समझी जान कि तिन्हां जो परमात्मे दी निंदा नीं करणी चाइदी।

2 तीमुथियुस 1:15

तू जाणदा ऐ, कि आसिया प्रदेसे दे सारे बसुआसी लोकां मिन्जो छड्डी दित्या ऐ, जिन्हां च फूगिलुस कने हिरमुगिनेस हन।

2 तीमुथियुस 2:18

तिन्हां सच्चाईया पर बसुआस करणा छड्डी दित्या ऐ, सैह़ एह़ ग्लांदे हन, कि परमात्मे मरेयां बसुआसियां जो सदा दी ज़िन्दगिया तांई पैहल्ले ते ई जिन्दा करी दित्या ऐ। जिसदा नतीजा एह़ ऐ कि सैह़ कुच्छ बसुआसियां जो मसीह दिया सिक्षा जो नीं करणे तांई मनांदे हन।

2 तीमुथियुस 4:10

क्जोकि देमासें इस संसारे दियां चीज्जां जो प्यारा समझी करी मिन्जो छड्डी दित्ता ऐ, कने थिस्सलुनीक सैहरे जो चली गेआ। कने क्रेसकेंस गलातिया प्रदेसे जो कने तीतुस दलमतिया प्रदेसे जो चली गेआ ऐ।

2 पतरस 2:2

मते लोक तिन्हां झूठे सिक्षकां साइआं रिस करगे, जिन्हां दिया बज़ाह ते सच्चाईया दे रस्ते दी निंदा कित्ती जांगी।

2 पतरस 3:16

तिंआं ई तिन्हीं अपणियां सारियां चिठ्ठियां च भी इन्हां गल्लां दी चर्चा कित्तियो ऐ, जिन्हां च कुच्छ गल्लां ऐदिआं हन जिन्हां जो समझणा औखा ऐ, जिन्हां जो अणपढ़ कने चंचल लोक बगाड़ी दिंदे हन जिंआं सैह़ पवित्रशास्त्रे दे कुच्छ हिस्सेयां जो भी बगाड़दे हन, जिसते सैह़ अपणे आप्पे दा नास करी लैंदे हन।

1 यूहन्ना 2:19

मसीह दे बरोधी तां अहां ते ई निकल़ेयो हन, अपर सैह़ अहां दे अपणे नीं थे। क्जोकि जे सैह़ अहां दे अपणे हुंदे, तां अहां सौगी रैंह्दे; अपर इसतांई निकल़ी गै तांजे एह़ पता लग्गी जां कि सैह़ सारे अहां दे अपणे नीं हन।

प्रकाशितवाक्य 12:9

ताह़लू सैह़ बड्डा अजगर, कने सैई पराणा सर्प जेह्ड़ा इबलीस कने सैतान ऐ कने सारे संसारे जो भरमाणे आल़ा ऐ, धरतिया पर सट्टी दित्ता, कने तिसदे दूत तिस सौगी सट्टी दित्ते,