1 तीमुथियुस 5:12 - काँगड़ी

¹² कने इस तरीके नैं सैह़ दोसी बणदियां हन, क्जोकि तिन्हां अपणा पैहल्ला वादा तोड़ी दित्ता।

1 तीमुथियुस 5:12 Iomraidhean Croise

1 कुरिन्थियों 11:34

जे कोई अपणिया भुखा जो बरदासत नीं करी सकैं तां सैह़ अपणे घरे च खाई लैं, तांजे जाह़लू तुहां किठ्ठे होन तां तुहां दा बर्ताब ठीक होयैं जिसते तुहां जो परमात्मा सज़ा नीं दैं, कने बाक्कि गल्लां जो मैं आई नैं सुधारगा।

गलातियों 1:6

मिन्जो हरानी हुंदी कि जिन्हीं तुहां जो मसीह दे अनुग्रह च सद्देया तिसते तुहां इतणी तौल़ी फिरी करी दूईआं सिक्षां दे पास्से मुड़ी गै।

1 तीमुथियुस 5:11

अपर जुआन बिधवां दा नां सूचिया च मत लिखणा, क्जोकि जाह़लू तिन्हां दे सरीरे दी इच्छा परमात्मे दिया सेवा करणे दिया इच्छा ते जादा बधी जांदी ऐ, तां सैह़ मसीह दा बरोध करी नैं दुवारी ते ब्याह करणा चांह़दियां हन।

1 तीमुथियुस 5:13

कने इसदे अलावा तिन्हां जो घर-घर जाई नैं आलसी होणे दी आदत पेई जांदी ऐ, कने सिर्फ आलसी नीं, अपर बक-बक करदियां रैंह्दियां कने दूयेयां दे कम्मे च दखल अंदाजी करदियां हन कने बेकार दियां गल्लां ग्लांदियां हन, जेह्ड़ा तिन्हां जो ग्लाणा नीं चाइदा।

याकूब 3:1

हे मेरे प्यारे साथी बसुआसियो, कलीसिया च मतेआं जो गुरू नीं बणना चाइदा, क्जोकि तुहां जाणदे हन, कि परमात्मा अहां सखाणे आल़ेआं दा सक्तिया नैं न्याय करगा।

1 पतरस 4:17

क्जोकि सैह़ बग्त आई रेह्आ ऐ कि परमात्मा पैहल्ले अपणे लोकां दा न्याय करैं, इसतांई कि जाह़लू सैह़ अहां बसुआसियां दा सबते पैहल्ले न्याय करगा तां तिन्हां खतरनाक गल्लां दे बारे च सोचा जेह्ड़ियां तिन्हां सौगी हुंगिया, जेह्ड़े परमात्मे दे सुसमाचारे जो नीं मनदे?