1 तीमुथियुस 5:10 - काँगड़ी

¹⁰ कने खरेयां कम्मां करणे च तिसादा खरा नां होयैं, जिन्नै बच्चेयां दा पालण-पोसण कित्या होयैं, परोणेयां दी आदर-खातर कित्तियो होयैं, परमात्मे दे लोकां दी सेवा कित्तियो होयैं, दुखियां दी मदत कित्तियो होयैं, कने हर इक्की खरे कम्मे च मन लगाया होयैं।

1 तीमुथियुस 5:10 Iomraidhean Croise

मत्ती 25:17

इस तरीके नैं जिसियो दो मिल्लेयो थे, तिन्हीं भी दो होर तोड़े कमाये।

मत्ती 5:16

तिंआं ई तुहां दी लौ माणुआं दे सामणै चमकी नैं सैह़ तुहां दे खरे कम्मां जो दिक्खी नैं तुहां दे पिता दी, जेह्ड़ा सुअर्गे च ऐ, तरीफ करन।”

लूका 7:38

कने सैह़ पचांह़ खड़ोई करी रोंदी-रोंदी यीशुये दे पैरां जो आसुंआं नैं सेड़ी करी कने अपणे सिरे दे बाल़ां नैं पुज्जणा लग्गी, कने तिसदे पैरां जो बार-बार चुम्मी करी तिन्हां पर इत्तर मल़ेया।

लूका 7:44

कने तिसा जणासा दे पास्से भिरी ध्यान करी नैं यीशुयैं शमौने नैं ग्लाया, “क्या तू इसा जणासा जो दिक्खा दा ऐ? मैं तेरे घरैं आया अपर तैं मिन्जो पैरां धोणे तांई पाणी नीं दित्ता, अपर इन्नै मेरे पैर अखीं दे आसुंआं नैं धोते कने अपणे बाल़ां नैं पुज्जें।”

प्रेरितां दे कम्म 10:22

तिन्हां ग्लाया, “कुरनेलियुस सूबेदार जेह्ड़ा धर्मी कने परमात्मे ते डरणे आल़े कने सारी यहूदी जाति च नेक माणु ऐ, तिन्हीं इक्क पवित्र सुअर्गदूते दा दर्शन पाया ऐ कि तिज्जो अपणे घरैं सद्दी करी तिज्जो ते वचन सुणे।”

प्रेरितां दे कम्म 22:12

“ताह़लू हनन्याह नांऐ दा इक्क माणु था सैह़ व्यबस्था दा पालण करणे आल़ा इक्क भक्त था, जेह्ड़ा तित्थु रैहणे आल़े सारेयां यहूदियां सौगी तिसदा अच्छा बोल चाल था, मिन्जो अल्ल आया,

प्रेरितां दे कम्म 6:3

इसतांई, हे भाऊओ, अपणे च सत खास मर्दां जो चुणी लेआ, जेह्ड़े पवित्र आत्मा च भरोयो कने अक्लमंद होन, कि अहां तिन्हां जो एह़ कम्म देई सकन।

प्रेरितां दे कम्म 9:36

याफा सैहरे च तबीता मतलब दोरकास नांऐ दी इक्क बसुआसणी रैंह्दी थी। सैह़ मते खरे-खरे कम्म कने गरीबां जो दान दिंदी थी।

प्रेरितां दे कम्म 9:39

ताह़लू पतरस उठी करी तिन्हां सौगी चली पेआ, कने जाह़लू सैह़ पुज्जा तां सैह़ तिसियो बोड़ी लेई गै। सारियां बिधवां रोंदियां-रोंदियां तिसदे बक्खे आई खड़ोतियां, कने जेह्ड़े कुरते कने कपड़े दोरकासा तिन्हां सौगी रैंह्दे बणायो थे, दस्सणा लगियां।

रोमियो 12:13

परमात्मे दे लोकां जो जेह्ड़ा कुच्छ जरूरी ऐ, तिस च तिन्हां दी मदत करा; कने परोणेयां दी आदर खातर करदे रेह्आ।

इफिसियों 2:10

क्जोकि अहां परमात्मे दे बणायो हन, कने यीशु मसीह च तिन्हां खरेयां कम्मां तांई बणायो हन जिन्हां जो परमात्मैं पैहल्ले ते अहां दे करणे तांई त्यार कित्यो।

कुलुस्सियों 1:10

इस तरीके नैं तुहां प्रभु दे मताबक ज़िन्दगी जी करी सारियां गल्लां च तिसियो खुस करगे। कने हर किस्मां दे खरे कम्म करदे रैंह्गे कने परमात्मे दे ज्ञाने च फल़दे कने बधदे जांगे।

1 तीमुथियुस 2:10

अपर इन्हां चीज्जां जो करणे दे बजाये तिन्हां जो दूये लोकां तांई भलाई दे कम्म करी नैं अप्पु छैल़ बणाणा चाइदा क्जोकि मसीह जणासां जो इआं करणा सजदा।

1 तीमुथियुस 3:2

इसतांई एह़ जरूरी ऐ कि कलीसिया दा अगुआ बेकसूर, कने इक्की लाड़िया दा लाड़ा, हर हालता च अपणे आप्पे जो काबू करणे आल़ा, सांत सभावे आल़ा, इज्जतदार, परोणेयां दी आदर-खातर करणे आल़ा, कने परमात्मे दे वचने जो खरे तरीके नैं सखाणे आल़ा होयैं।

1 तीमुथियुस 3:7

कने कलीसिया दे बाहरे आल़े लोकां च भी तिसदी इज्जत होणी चाइदी, तांजे सैह़ बेइज्जत होई नैं सैताने दे फंदे च नीं फंसी जां।

1 तीमुथियुस 5:16

जे कुसी बसुआसणी दे परवारे च बिधवां होन, तां सैई तिन्हां दी मदत करैं तांजे सैह़ कलीसिया पर बोझ ना बणन, कि कलीसिया दे लोक तिन्हां दी मदत करी सकन, जिन्हां दी देखभाल करणे आल़ा कोई नीं ऐ।

1 तीमुथियुस 5:25

इसी तरीके नैं कुच्छ लोकां दे खरे कम्म साफ तौर पर दुस्सदे हन; कने जेह्ड़े साफ तौर पर दुस्सदे भी नीं, सैह़ छुपी नीं सकदे।

1 तीमुथियुस 6:18

तिन्हां जो खरे कम्म करणे तांई हुक्म दे, तांजे खरे कम्मां च अमीर बणन, कने दान दैणे कने दूयेयां दी मदत करणे जो हमेसा त्यार रैह़न,

2 तीमुथियुस 1:5

मैं तेरिया माँऊ यूनीके दे तिस सच्चे बसुआसे जो भी याद करदा ऐ। कने तेरिया नानिया लोईसा दा बसुआस भी सैदेया था, मैं इसा गल्ला च पक्का ऐ कि सैई बसुआस तिज्जो च भी ऐ।

2 तीमुथियुस 2:21

तिंआं ई जे कोई बसुआसी अपणे आप्पे जो इन्हां बुरिआं चीज्जां ते लग्ग करगा, तां सैह़ तिस भांडे साइआं हुंगा, जिसियो खास मकसदे तांई इस्तेमाल करदे हन, जे तिसदी ज़िन्दगी पवित्र हुंगी, तां तिसदा मालक तिसियो खरे कम्मे तांई इस्तेमाल करगा।

2 तीमुथियुस 3:15

कने तू बचपणे ते ई पवित्रशास्त्रे जो जाणदा ऐ। कने एह़ तिज्जो तिस उद्धारे दा ज्ञान देई सकदा ऐ, जेह्ड़ा तिज्जो यीशु मसीह च बसुआस करणे दे जरिये मिलदा ऐ।

2 तीमुथियुस 3:17

तांजे परमात्मे दा जण हर इक्क खरे कम्मे जो करणे तांई त्यार होई जां।

तीतुस 2:14

जेह्ड़ा अप्पु अहां तांई सूल़िया पर चढ़ी गिया, कि अहां जो हर किस्मा दिया बुराईया ते छड्डाई लैं, कने पापां ते सुद्ध करी नैं अप्पु तांई इक्क ऐदई प्रजा बणां जेह्ड़ी खरे कम्मां तांई पूरे जोशे नैं हमेसा त्यार रैंह्।

तीतुस 2:7

तुहां जो हमेसा खरे कम्म करणा चाइदा, तांजे तुहां दूयेयां लोकां तांई उदारण बणन। जाह़लू तुहां बसुआसियां जो सखांदे हन, तां तुहां जो खरे इरादे सौगी सखाणा चाइदा, जिसते लोक तुहां दी इज्जत करन।

तीतुस 3:1

बसुआसी लोकां जो याद करांदा रैह् कि हाकमां कने अधिकारियां दे अधीन रैह़न, कने तिन्हां दे हुक्म मनन, कने हर इक्क खरे कम्मे तांई त्यार रैह़न।

तीतुस 3:14

कने अहां दे लोक भी जरूरतां जो पूरियां करणे तांई खरेयां कम्मां च लग्गी रैहणा सीखन, तांजे कुच्छ कम्माई सकन।

तीतुस 3:8

एह़ गल्लां सच्चियां हन, कने मैं चांह़दा ऐ कि तू इन्हां गल्लां दे बारे च मजबूतिया नैं सखा। इसतांई कि जिन्हां परमात्मे दे रस्ते जो दिख्या कने बसुआस कित्या ऐ, सैह़ खरे-खरे कम्मां च लग्गी रैहणे दा ध्यान रखन। एह़ गल्लां खरियां कने लोकां दे फायदे दियां हन।

इब्रानियों 10:24

अपणा प्यार, कने खरे कम्मां जो बधाणे तांई अहां इक्की दूये दी फिकर करदे रैह़न।

इब्रानियों 13:2

तिन्हां दी भी आदर खातर करा, जेह्ड़े जरूरतमंद मुसाफिर हन, क्जोकि इन्हीं साह्भें कितणेयां अणजाणे च सुअर्गदूतां दी आदर खातर कित्तियो ऐ।

इब्रानियों 13:21

परमात्मा तुहां जो हर इक्क खरिया गल्ला च सिद्ध करैं, जिसते तुहां तिसदी इच्छा पूरी करन, कने जेह्ड़ा कुच्छ तिसियो खरा लगदा ऐ, तिसियो यीशु मसीह दे जरिये अहां च पूरा करैं। जिसदी महिमा जुगा-जुग हुंदी रैंह्। आमीन।

1 पतरस 2:12

जेह्ड़े लोक परमात्मे पर बसुआस नीं करदे, सैह़ तुहां जो एह़ ग्लाई नैं बदनाम करी सकदे हन, कि तुहां गलत करा दे हन, अपर तुहां ऐदई ज़िन्दगी जीआ, जिसते सैह़ तुहां च खरियां गल्लां दिक्खन, कने जाह़लू प्रभु यीशु मसीह इस संसारे च बापस ओंगा, तां सैह़ ताह़लू परमात्मे जो महिमा दैन।

1 पतरस 4:9

सारे लोकां दा बिना कुसी सकायता ते अपणे घरां च सुआगत करी नैं आदर-खातर करा।

3 यूहन्ना 1:12

दिमेत्रियुसे दे बारे च सारेयां, अपर सच्चाईया भी अप्पु ई गवाही दित्ती। कने अहां भी गवाही दिंदे हन, कने तू जाणदा ऐ कि अहां दी गवाही सच्ची ऐ।