1 तीमुथियुस 4:6 - काँगड़ी

⁶ जे तू बसुआसियां जो लगातार इन्हां गल्लां दी याद दिलांदा रैंह्गा, कने जिंआं बसुआस कने तिसा खरिया सिक्षा दियां गल्लां ते, जेह्ड़ियां तू मनदा आया ऐ, तेरा पालण पोसण करदा ऐ, तां तू यीशु मसीह दा खरा सेवक बणगा।

1 तीमुथियुस 4:6 Iomraidhean Croise

मत्ती 13:52

तिन्हीं तिन्हां नैं ग्लाया, “इसतांई हर इक्क सास्त्री जेह्ड़ा सुअर्गे दे राज्जे दा चेला बणेया ऐ, तिस घरे दे मालके साइआं ऐ जेह्ड़ा अपणे भण्डारे ते नौईआं कने पराणियां चीज्जां कड्डदा ऐ।”

लूका 1:3

तां मिन्जो भी एह़ ठीक लग्गा कि तिन्हां सारियां गल्लां दा पूरा हाल सुरू ते ठीक-ठीक जांच परख करणे दे बाद ई तिन्हां जो इक्क-इक्क करी नैं तुहां तांई लिखें।

प्रेरितां दे कम्म 1:15

कने तिन्हां दिनां च पतरस लगभग इक्क सौ बीआं लोकां बिच्च खड़ोई करी ग्लाणा लग्गा,

प्रेरितां दे कम्म 20:31

इसतांई जागदे रेह्आ, कने याद रखा कि मैं त्रै साल तिकर रात-दिन रौई-रौई करी हर इक्की जो चतौणी दैणा नीं छड्डेया।

प्रेरितां दे कम्म 20:35

मैं तुहां जो सब कुच्छ करी नैं दस्सेया कि इस तरीके नैं मेहनत करदे-करदे कमजोरेयां जो सम्भाल़णा कने प्रभु यीशुये दे वचन याद रखणा जरूरी ऐ, जेह्ड़ा तिन्हीं अप्पु ई ग्लाया ऐ, ‘लैणे ते दैणा खरा ऐ’।”

रोमियो 15:15

तमी मैं कुत्थी-कुत्थी तुहां जो याद दिलाणे तांई जेह्ड़ा बड़ी दया करी नैं लिख्या ऐ। एह़ तिस अनुग्रह दिया बज़ाह ते होएया, जेह्ड़ा परमात्मैं मिन्जो दित्ता ऐ,

1 कुरिन्थियों 4:17

इसतांई मैं तीमुथियुसे जो जेह्ड़ा प्रभु च प्यारा कने बसुआसे च मेरे जागते साइआं ऐ, तुहां अल्ल घल्लेया ऐ। सैह़ तुहां जो याद करांगा, कि किंआं मैं यीशु मसीह पचांह़ चलदा ऐ, ठीक तिंआं ई जिंआं मैं हर इक्की कलीसिया च जाई नैं सिक्षा दिंदा ऐ।

2 कुरिन्थियों 11:23

क्या सैई मसीह दे सेवक हन? मैं पागल माणुये साइआं ग्लांदा ऐ, अपर मैं तिन्हां ते बधी नैं सेवक ऐ। मैं तिन्हां ते जादा मेहनत कित्तियो ऐ, तिन्हां ते जादा मैं जेला च गेआ, बड़ी बरी मारेया ऐ, हमेसा ई मेरे प्राण मुसीबता च पै हन।

2 कुरिन्थियों 3:6

तिन्हीं अहां जो नौये वादे दे सेवक होणे दा हुनर दित्ता। मूसा दिया व्यबस्था दे सेवक नीं अपर पवित्र आत्मा दे हन। क्जोकि मूसा दिया व्यबस्था जो नीं मन्नणे दा नतीजा मौत्त ऐ, अपर पवित्र आत्मा सदा दी ज़िन्दगी दिंदा ऐ।

2 कुरिन्थियों 6:4

अपर हर गल्ला च अहां एह़ साबित करदे हन, कि अहां परमात्मे दे सच्चे सेवक हन। अहां अपणे खरे गुण दस्सी करी बड़िया हिम्मता सौगी दुखां झेलणे च, मुसीबतां च, खतरेयां च,

इफिसियों 6:21

प्रभु दिया संगतिया च प्यारा भाऊ कने बसुआसे जोग्गा सेवक तुखिकुस तुहां लोकां जो एह़ सब कुच्छ दस्सी दिंगा, तांजे तुहां भी जाणी लैन कि मैं कदेया ऐ कने क्या करा दा ऐ।

फिलिप्पियों 2:20

क्जोकि मिन्जो अल्ल देहय् सभावे दा कोई नीं जेह्ड़ा सुद्ध मने नैं तुहां दी फिकर करैं।

फिलिप्पियों 2:22

अपर तुहां तां तीमुथियुसे दिया काबलियता जो जाणदे हन कि जिंआं पुत्तर बुढ़े सौगी करदा ऐ, तिंआं ई तिन्हीं सुसमाचार फैलाणे च मिन्जो सौगी कड़ी मेहनत कित्ती।

फिलिप्पियों 3:16

इसतांई अहां जो तिसा सच्चाईया दे मताबक जीणा चाइदा, जेह्ड़ी परमात्मैं पैहल्ले ते ई अहां पर प्रगट कित्तियो थी।

कुलुस्सियों 2:19

कने सैह़ लोक यीशु मसीह सौगी बणी करी नीं रेई सकदे, जेह्ड़ा पूरे सरीरे दा सिर ऐ। जिंआं सरीरे दे सारे जोड़ कने नसां सरीरे सौगी बणी करी रैंह्दियां हन, तिंआं तुहां भी यीशु मसीह च मिल्ली जुली करी कने किठ्ठे रैह़न, क्जोकि सरीरे दे अंग परमात्मे दे पास्से ते बधदे जांदे हन।

कुलुस्सियों 3:16

हर बग्त तुहां मसीह दे वचने दे बारे च सोचदे रेह्आ, तांजे जेह्ड़ा कुच्छ करदे कने सोचदे हन, तिसियो काबू च रखा। कने बड़ी समझदारिया नैं इक्की दूये जो सखा कने सलाह देआ, कने अपणे-अपणे मने च धन्यावाद करी नैं परमात्मे तांई भजन कने स्तुति गीत कने आत्मिक गीत गा।

कुलुस्सियों 4:7

प्यारा बसुआसी भाऊ कने बसुआसे जोग्गा सेवक तुखिकुस, जेह्ड़ा प्रभु च मेरे सौगी कम्म करणे आल़ा ऐ, मेरी सारियां गल्लां तुहां जो दस्सी दिंगा।

1 थिस्सलुनीकियों 3:2

कने अहां तीमुथियुसे जो, जेह्ड़ा मसीह दे सुसमाचारे च अहां दा बसुआसी भाऊ कने परमात्मे दा सेवक ऐ, इसतांई तिसियो तुहां अल्ल घल्लेया ऐ, कि सैह़ तुहां जो बसुआसे च मजबूत करैं; तांजे तुहां दा बसुआस यीशु मसीह च लगातार बणी रैंह्।

1 तीमुथियुस 1:10

ब्यभिचारियां, दूये मर्दां सौगी गलत कम्म करणे आल़े तांई, गुलामी तांई माणुआं जो बेचणे आल़े लोकां तांई, झूठ ग्लाणे आल़े कने झूठी कसम खाणे आल़े लोकां तांई, कने खरिया सिक्षा दे खलाफ कुसी भी तरीके दा कम्म करणे आल़े तांई ऐ।

1 तीमुथियुस 4:16

इस बारे च चौकन्ना रैह् कि तू किंआं जीआ दा ऐ कने क्या सखा दा ऐ। इन्हां गल्लां जो लगातार करदा रैह्, क्जोकि जे इआं करदा रैंह्गा तां तू अपणा कने अपणे सुणने आल़ेआं दा भी उद्धार करगा।

1 तीमुथियुस 6:3

जे कोई झूठी सिक्षा दिंदा ऐ कने अहां दे प्रभु यीशु मसीह दे खरे संदेस, यानकि परमात्मे दी भक्ति दिया सिक्षा ते सेहमत नीं हुंदा,

2 तीमुथियुस 1:6

इसा बज़ाह ते मैं तिज्जो याद करांदा ऐ कि परमात्मे दे तिस वरदाने जो भिरी ते इस्तेमाल कर, जेह्ड़ा तिज्जो मेरे हत्थ रखणे पर मिल्लेया था।

2 तीमुथियुस 3:10

अपर तीमुथियुस तैं मेरिया सिक्षा, चाल-चलण, मकसद, बसुआस, सेहनसक्ति, प्यार, सबर, कने जुल्म होणे पर कने दुखां च मेरा साथ दित्ता।

2 तीमुथियुस 4:3

क्जोकि ऐदेया बग्त भी औणां, कि जाह़लू लोक खरी सिक्षा जो झेली नीं सकगे, अपर जेह्ड़ा तिन्हां जो सुणना खरा लगगा, तिसदे मताबक सैह़ अपणे तांई मते सारे गुरू कठ्ठेरी लैंगे।

तीतुस 2:1

अपर तीतुस तिज्जो तांई एह़ जरूरी ऐ कि तू बसुआसियां जो यीशु मसीह दे बारे च सिर्फ सैई सिक्षां दे, जेह्ड़ियां सच्चियां हन।

1 पतरस 2:2

तुहां च परमात्मे दे वचने जो सीखणे दी इच्छा होणी चाइदी, ठीक तिंआं ई जिंआं इक्क दुद पीणे आल़ा बच्चा अपणिया माँऊ ते दूदे दी इच्छा रखदा ऐ, तांजे तुहां आत्मिकता च मजबूत होई जान। ताह़लू परमात्मा तुहां जो इस संसारे दे बुरे कम्मां ते पूरे तरीके नैं बचाई लैंगा।

2 यूहन्ना 1:9

जेह्ड़ा कोई मसीह दी सिक्षा ते भटकी जांदा ऐ, कने तिसा च बणी नीं रैंह्दा, तिस सौगी परमात्मा नीं। जेह्ड़ा कोई तिसदिया सिक्षा च पक्का रैंह्दा ऐ, तिस सौगी पिता भी ऐ कने पुत्तर भी ऐ।

यहूदा 1:5

हलांकि तुहां जो पैहल्ले ते ई पता ऐ, अपर फिरी भी मैं तुहां जो याद करवाणा चांह़दा ऐ कि प्रभुयैं इस्राएली लोकां जो मिस्र देसे दिया गुलामिया ते छड्डाया था। अपर बादे च जिन्हां तिस पर बसुआस नीं कित्ता, तिन्हां दा तिन्हीं नास करी दित्ता।