1 तीमुथियुस 4:4 - काँगड़ी

⁴ क्जोकि परमात्मे दी बणाईयो हर इक्क चीज्ज खरी ऐ, कने अहां सब कुच्छ खाई सकदे हन; अपर एह़ कि परमात्मे दा धन्यावाद करी नैं खादी जां।

1 तीमुथियुस 4:4 Iomraidhean Croise

प्रेरितां दे कम्म 10:15

भिरी दूई बरी तिसियो उआज़ सुम्मी, “जेह्ड़ा कुच्छ परमात्मैं सुद्ध करी दित्या ऐ, तिसियो तू असुद्ध मत ग्ला।”

प्रेरितां दे कम्म 15:29

कि तुहां मूर्तियां दे सामणै चढ़ाईयां चीज्जां ते, ब्यभिचार, गल़ा घोटी करी मारेयो जानवरां दे मासे ते कने खूने ते दूर रेह्आ। जे तुहां अपणे आप्पे जो इन्हां गल्लां ते बचाई रखा तां तुहां दा भला हुंगा। अच्छा हुण अहां जो विदा करा।”

प्रेरितां दे कम्म 21:25

अपर तिन्हां होरनी जातिआं दे बारे च जिन्हां बसुआस कित्ता ऐ, अहां एह़ फैसला करी नैं लिखी घल्लेया ऐ कि सैह़ मूर्तियां दे सामणै चढ़ाईयां चीज्जां ते, ब्यभिचार, गल़ा घोटी करी मारेयो जानवरां दे मासे ते कने खूने ते बची रैह़न।।

रोमियो 14:14

मैं जाणदा ऐ, कने प्रभु यीशु मसीह दे जरिये मिन्जो बसुआस ऐ, कि सारियां चीज्जां अप्पु च सुद्ध हन। अपर जेह्ड़ा तिन्हां जो असुद्ध समझदा ऐ सैह़ तिस तांई असुद्ध ऐ।

रोमियो 14:20

जेह्ड़ा तुहां खांदे हन, तिसदिया बज़ाह ते परमात्मे दे कम्म नीं बिगड़ण। याद रखा सारियां खाणे दियां चीज्जां सुद्ध हन, जे कोई माणु तुहां दे खाणे ते पापे च पोंदा ऐ, तां एह़ गलत ऐ।

रोमियो 14:6

जेह्ड़ा कुसी दिने जो मनदा ऐ, सैह़ प्रभु जो इज्जत दैणे तांई मनदा ऐ। जेह्ड़ा मांस खांदा ऐ, सैह़ प्रभु तांई खांदा ऐ। क्जोकि सैह़ परमात्मे दा धन्यावाद करदा ऐ, कने जेह्ड़ा मांस नीं खांदा, सैह़ प्रभु तांई नीं खांदा ऐ, कने सैह़ परमात्मे दा धन्यावाद करदा ऐ।

1 कुरिन्थियों 10:23

तुहां च कुच्छ एह़ ग्लांगे, कि सारियां चीज्जां मिन्जो तांई ठीक हन, क्जोकि मैं इक्क बसुआसी ऐ, अपर सारियां चीज्जां फायदे दियां नीं हन; सारियां चीज्जां मिन्जो तांई ठीक हन, अपर सारियां चीज्जां तरक्की तांई नीं।

1 कुरिन्थियों 10:25

जाह़लू तुहां बजारां च जाई नैं मीट खरीद दे हन, तां तिसियो खाई लेआ, अपर एह़ मत पुछा कि एह़ मूर्तियां जो चढ़ाया कि नीं चढ़ाया ऐ, कने इआं करणे नैं तुहां दी अन्तर आत्मा परेसान नीं हुंगी।

1 कुरिन्थियों 10:26

क्जोकि पवित्रशास्त्र ग्लांदा ऐ, कि “धरती कने धरतिया च जेह्ड़ा कुच्छ भी ऐ सैह़ प्रभु दा ई ऐ।”

1 कुरिन्थियों 10:30

जे मैं धन्यावाद करी नैं खांदा ऐ, तां जिस पर मैं धन्यावाद करदा ऐ तिसदिया बज़ाह ते मिन्जो पर दोस क्जो लगदा ऐ?

1 तीमुथियुस 4:3

ऐदेय लोक एह़ सखांदे हन, कि ब्याह करणा कने कुच्छ चीज्जां जो खाणा गलत ऐ। अपर परमात्मे एह़ खाणा बसुआसी लोकां तांई बणाया ऐ, जेह्ड़े सच्ची सिक्षा जो जाणदे हन, कि परमात्मे दा धन्यावाद करी नैं खादी जां।