1 तीमुथियुस 4:3 - काँगड़ी

³ ऐदेय लोक एह़ सखांदे हन, कि ब्याह करणा कने कुच्छ चीज्जां जो खाणा गलत ऐ। अपर परमात्मे एह़ खाणा बसुआसी लोकां तांई बणाया ऐ, जेह्ड़े सच्ची सिक्षा जो जाणदे हन, कि परमात्मे दा धन्यावाद करी नैं खादी जां।

1 तीमुथियुस 4:3 Iomraidhean Croise

मत्ती 14:19

ताह़लू तिन्हीं लोकां जो घाऐ पर इक्क-इक्क पंगत लगाई नैं बैणे जो ग्लाया, कने तिन्हां पंज रोटियां कने दूँ मच्छियां जो लेआ, कने सुअर्गे दे पास्से दिक्खी नैं धन्यावाद कित्ता कने रोटियां तोड़ी-तोड़ी नैं चेलेयां जो दित्तियां, कने चेलेयां लोकां जो।

मत्ती 15:11

जेह्ड़ा मुँऐ च जांदा ऐ, सैह़ माणुये जो असुद्ध नीं करदा, अपर जेह्ड़ा मुँऐ ते निकल़दा ऐ, सैई माणुये जो असुद्ध करदा ऐ।”

मत्ती 15:36

कने सैह़ बेई गै, इसते बाद यीशुयैं सत रोटियां जो कने मच्छियां जो लेई नैं परमात्मे दा धन्यावाद दित्ता, भिरी तिन्हां रोटियां जो तोड़ी करी अपणे चेलेयां जो दिंदा गेआ, कने चेले लोकां जो दैणा लग्गे।

लूका 24:30

जाह़लू सैह़ तिन्हां सौगी खाणा बैठा, तां तिन्हीं रोटी लेई धन्यावाद कित्ता कने रोटी तोड़ी नैं तिन्हां जो दैणा लग्गा।

यूहन्ना 6:23

ताह़लू होर किस्तियां तिबिरियासे ते तिसा जगाह दे नेड़े आईआं, जित्थु तिन्हां प्रभु दा धन्यावाद करणे दे बाद रोटी खादी थी।

प्रेरितां दे कम्म 27:35

एह़ ग्लाई करी रोटी लेई कने तिन्हीं परमात्मे दा धन्यावाद कित्ता कने तोड़ी करी खाणा लग्गे।

रोमियो 14:17

क्जोकि परमात्मे दा राज्ज च खाणा-पीणा इतणी जरूरी गल्ल नीं ऐ, अपर जरूरी गल्ल एह़ ऐ, कि परमात्मे सौगी धर्मी ज़िन्दगी जीणा, सांति कने खुसी ऐ, जेह्ड़ी पवित्र आत्मा दे जरिये मिलदी ऐ।

रोमियो 14:3

कने मांस खाणे आल़ा, जेह्ड़ा मांस नीं खांदा तिसियो नीच ना समझैं, कने जेह्ड़ा मांस नीं खांदा, सैह़ मांस खाणे आल़े पर दोस ना लगान, क्जोकि परमात्मैं दून्नी जो अपनाया ऐ।

रोमियो 14:6

जेह्ड़ा कुसी दिने जो मनदा ऐ, सैह़ प्रभु जो इज्जत दैणे तांई मनदा ऐ। जेह्ड़ा मांस खांदा ऐ, सैह़ प्रभु तांई खांदा ऐ। क्जोकि सैह़ परमात्मे दा धन्यावाद करदा ऐ, कने जेह्ड़ा मांस नीं खांदा, सैह़ प्रभु तांई नीं खांदा ऐ, कने सैह़ परमात्मे दा धन्यावाद करदा ऐ।

1 कुरिन्थियों 6:13

तुहां च कुच्छ ग्लांगे, कि खाणा अहां दे सरीरे तांई, कने अहां दे सरीर खाणे तांई हन, सैह़ सच्च ऐ अपर परमात्मा सरीरां जो भी कने खाणे जो भी नास करगा, जाह़लू अहां सुअर्गे च होणा। अहां जो अपणे सरीरां दे जरिये सैई करणा चाइदा, जेह्ड़ा प्रभु चांह़दा ऐ, क्जोकि एह़ सरीर प्रभु दे हन।

1 कुरिन्थियों 7:28

अपर जे तू ब्याह भी करैं, तां कोई पाप नीं; कने जे कुआरी कुड़ी ब्याह करैं तमी कोई पाप नीं। अपर ऐदेय लोक इस संसारे च दुख मुसीबत झेलगे, कने मैं तुहां जो इन्हां ते अजाद करवाणा चांह़दा ऐ।

1 कुरिन्थियों 8:8

खाणा अहां जो परमात्मे अल्ल नीं पज्जांदा। जे अहां नीं खान तां अहां दा कुच्छ भी घाटा नीं, कने जे खान तां कुच्छ फायदा नीं।

कुलुस्सियों 2:16

इसतांई कोई भी तुहां दा एह़ ग्लाई नैं, कि तुहां जो क्या खाणा पीणा, या होर त्योहार मनाणे, या नौये चन्द्रमे दा त्योहार मनाणा, या बिस्रामे आल़े दिने दे बारे च फैसला ना करैं।

कुलुस्सियों 3:17

वचने च या कम्मे च जेह्ड़ा कुच्छ भी करा सब प्रभु यीशुये दे नांऐ नैं करा, कने प्रभु यीशुये दे जरिये पिता परमात्मा दा धन्यावाद करा।

1 तीमुथियुस 2:4

कने परमात्मा चांह़दा ऐ कि सारे लोक उद्धार पान, कने सच्चाईया जो जाणन,

1 तीमुथियुस 4:4

क्जोकि परमात्मे दी बणाईयो हर इक्क चीज्ज खरी ऐ, कने अहां सब कुच्छ खाई सकदे हन; अपर एह़ कि परमात्मे दा धन्यावाद करी नैं खादी जां।

1 तीमुथियुस 5:14

इसतांई मैं सलाह दिंदा ऐ, कि जुआन बिधवां ब्याह करन; कने बच्चे जम्मन कने घरबार सम्भाल़न, कने कुसी भी दुश्मणे जो बदनाम करणे दा मौका ना दैन।

इब्रानियों 13:4

ब्याह सबना लोकां च इज्जता दी गल्ल समझी जां, कने इस रिस्ते च दोयो अप्पु च बफादार रैह़न, क्जोकि परमात्मा ब्यभिचारियां, कने गंदे कम्म करणे आल़ेआं दा न्याय करगा।

इब्रानियों 13:9

इन्हां सारियां नौईआं कने लग्ग-लग्ग सिक्षां दा पालण मत करा, जेह्ड़ियां तुहां जो गलत रस्ते पास्से लेई जांदियां हन। क्जोकि तुहां दे मनां तांई खरा ऐ, कि परमात्मे दे अनुग्रह दे जरिये मजबूत बणन, ना कि तिन्हां नियमां जो मन्नणे दे जरिये जेह्ड़े खाणे दे बारे च हन, इन्हां नैं मतलब रखणे आल़े जो कुच्छ फायदा नीं हुंदा।