1 तीमुथियुस 4:16 - काँगड़ी

¹⁶ इस बारे च चौकन्ना रैह् कि तू किंआं जीआ दा ऐ कने क्या सखा दा ऐ। इन्हां गल्लां जो लगातार करदा रैह्, क्जोकि जे इआं करदा रैंह्गा तां तू अपणा कने अपणे सुणने आल़ेआं दा भी उद्धार करगा।

1 तीमुथियुस 4:16 Iomraidhean Croise

मरकुस 13:9

“जाह़लू इन्हां गल्लां दी सुरुआत हुंगी तां तुहां चौकन्ने रैहणा, क्जोकि माणु तुहां जो पंचायती दे हुआले करगे कने तुहां आराधनालयां च कुट्टे जांगे, कने मेरिया बज़ाह ते हाकमां कने राजेयां अल्ल पेस कित्ते जांगे, तांजे तिन्हां तांई गवाही होयैं।

लूका 21:34

“इस बज़ाह ते चौकन्ने रेह्आ, कुत्थी इआं नीं होयैं कि तुहां दे मने च खुमार, कने मतवाल़ापन, कने इसा ज़िन्दगिया दी फिकर करी नैं सुस्त होई जान, कने सैह़ दिन तुहां पर गल़फाये साइआं चाणचक आई पोयैं।

प्रेरितां दे कम्म 26:22

अपर परमात्मे दिया बज़ाह ते मैं अज्जे तिकर जिन्दा ऐ कने छोटे बड्डेयां सबना सामणै गवाही दिंदा ऐ, कने तिन्हां गल्लां जो छड्डी करी होर कुच्छ नीं ग्लांदा जेह्ड़ियां भविष्यवक्तां कने मूसे भी ग्लाईयां कि होणे आल़िआं हन,

प्रेरितां दे कम्म 6:4

अपर अहां तां प्रार्थना च कने वचन दे प्रचार कने सिक्षा दैणे च लग्गी रैहणा।”

रोमियो 11:14

तांजे कुस तरीके नैं मैं अपणी जाति दे लोकां च जल़ण पैदा करवाई नैं तिन्हां च कईआं दा उद्धार करवां।

रोमियो 16:17

हुण हे प्यारे साथी बसुआसियो, मैं तुहां नैं विणती करदा ऐ, कि तुहां तिन्हां लोकां ते चौकन्ने कने दूर रेह्आ, जेह्ड़े तिसा सिक्षा दे खलाफ हन जेह्ड़ी तुहां जो मिलियो ऐ कने जेह्ड़े दूयेयां लोकां दे बसुआसे च कमजोर होणे दी कने झगड़े दी बज़ाह बणदे हन।

रोमियो 2:7

जेह्ड़े लोक खरे कम्मां च मजबूत रेई नैं महिमा, कने आदर, कने सदा दी ज़िन्दगिया दिया तोपा च हन, तिन्हां जो परमात्मा सदा दी ज़िन्दगी दिंगा;

1 कुरिन्थियों 1:21

क्जोकि परमात्मे अपणे ज्ञाने मताबक एह़ दिख्या ऐ, कि एह़ संसार माणुये दे ज्ञाने दे जरिये तिसियो नीं जाणी सकदा, तिन्हीं अहां दे सुसमाचारे दे प्रचारे जो तिन्हां लोकां दे उद्धारे तांई इस्तेमाल कित्ता, जेह्ड़े बसुआस करदे हन, हलांकि कुच्छ इसियो मूर्खता दी गल्ल समझदे हन।

1 कुरिन्थियों 9:22

मैं कमजोर लोकां तांई कमजोर बणी गेआ कि मैं कमजोर लोकां जो यीशु मसीह दे बसुआसे च लेई औयें। मैं हर इक्क माणुये तांई तिन्हां साइआं बणी गेआ, कि मैं कुसी नैं कुसी तरीके नैं कुच्छ लोकां दा उद्धार कराई सकैं।

1 कुरिन्थियों 9:27

मैं अपणे सरीरे पर काबू रखदा ऐ, तांजे मैं बुरिआं इच्छां पर नीं चल्लैं, इआं ना होयैं कि मैं दूयेयां लोकां जो सुसमाचारे दा प्रचार करी नैं अप्पु ई कुसी गल्ला च नकम्मा बणी जां।

इफिसियों 4:14

तांजे अहां गांह तांई बच्चेयां साइआं नीं रैह़न। अहां जो कदी भी धोखे बाज लोकां दिया झूठिया सिक्षा च नीं फसणा चाइदा, जेह्ड़ियां हौआ साइआं अहां जो इक्की जगाह ते दूईआ जगाह पटकदियां हन।

कुलुस्सियों 4:17

कने अरखिप्पुसे नैं ग्लानेयों कि जेह्ड़ी सेवा प्रभु च तिज्जो दित्तियो ऐ, तिसायो ध्याने सौगी पूरी करेयां।

1 थिस्सलुनीकियों 2:16

कने सैह़ होरनी जाति दे लोकां नैं तिन्हां दे उद्धारे तांई गल्लां करणे ते अहां जो रोकदे हन, इस तरीके नैं सैह़ सदा अपणे पापां दा घड़ा भरदे हन। कने हुण तिन्हां पर परमात्मे दा कोप आई पेआ ऐ।

1 तीमुथियुस 1:3

मैं तिज्जो भिरी ग्ला दा ऐ, जेह्ड़ा तिज्जो नैं इफिसुस सैहरे जो छड्डी करी मकिदुनिया प्रदेसे जो जाणे ते पैहल्लैं करणे जो दस्सेया था, कि तिन्हां झूठे सिक्षकां जो हुक्म देई नैं रोका कि झूठी सिक्षा मत देआ,

1 तीमुथियुस 4:15

इन्हां गल्लां च बफादार बणी करी ध्याने नैं करदा रैह् तांजे तेरी तरक्की सारे लोक दिक्खी सकन।

1 तीमुथियुस 4:6

जे तू बसुआसियां जो लगातार इन्हां गल्लां दी याद दिलांदा रैंह्गा, कने जिंआं बसुआस कने तिसा खरिया सिक्षा दियां गल्लां ते, जेह्ड़ियां तू मनदा आया ऐ, तेरा पालण पोसण करदा ऐ, तां तू यीशु मसीह दा खरा सेवक बणगा।

2 तीमुथियुस 2:10

ऐई बज़ाह ऐ, कि मैं तिन्हां लोकां दे फायदे तांई दुख झेला दा ऐ जिन्हां जो परमात्मे चुणेया ऐ, तांजे सैह़ भी प्रभु यीशु मसीह पर बसुआस करन, कने उद्धार कने तिसा महिमा जो हासल करन जेह्ड़ी सदा तांई ऐ।

2 तीमुथियुस 3:14

अपर तीमुथियुस इन्हां गल्लां पर जेह्ड़ियां तैं सिखियां हन, कने जिन्हां पर बसुआस कित्या ऐ, तू लगातार इन्हां गल्लां पर बसुआसे नैं अमल करदा रैह्; क्जोकि तू जाणदा ऐ, कि एह़ सच्चाई तिज्जो कुणी दस्सियो ऐ,

2 तीमुथियुस 4:2

कि तू परमात्मे दे वचने दा प्रचार कर। बग्तें बेबग्तें त्यार रैह्। तुहां जो लोकां जो एह़ दस्सणा चाइदा कि तिन्हां क्या गलत कित्या ऐ, कने तिन्हां जो तिन्हां दे पापां तांई झिड़क। अपर तुहां तिन्हां जो हिम्मत भी देआ, जिंआं तुहां तिन्हां जो सेहनसक्ति रखी नैं सखांदे हन।

तीतुस 1:9

तिसियो यीशु मसीह दे बसुआसे आल़े वचनां पर मजबूतिया सौगी भरोसा करणा चाइदा, जेह्ड़ा अहां सखाया था। तांजे सैह़ दूयेयां जो ठीक सिक्षा मन्नणे तांई हिम्मत देई सकैं, कने दूयेयां दिया गलतिया जो ठीक करी सकैं।

तीतुस 2:15

इसतांई तीतुस तू पूरे हक्के नैं क्रेते दे बसुआसियां जो इन्हां गल्लां जो ग्ला, कने समझा कने सखांदा रैह्। इआं करणे दा मेरे पास्से ते पूरा हक्क ऐ, कोई भी तिज्जो नजर अंदाज नीं करैं।

तीतुस 2:7

तुहां जो हमेसा खरे कम्म करणा चाइदा, तांजे तुहां दूयेयां लोकां तांई उदारण बणन। जाह़लू तुहां बसुआसियां जो सखांदे हन, तां तुहां जो खरे इरादे सौगी सखाणा चाइदा, जिसते लोक तुहां दी इज्जत करन।

फिलेमोन 1:19

मैं पौलुस अपणे हत्थे नैं लिखा दा ऐ, कि मैं अप्पु आई नैं एह़ कर्ज चुकाई दिंगा, कने मैं तुहां जो एह़ याद दिलाणा जरूरी नीं समझेया कि तुहां दी सारी ज़िन्दगी मेरी कर्जदार ऐ।

इब्रानियों 12:15

तुहां चौकनै रेह्आ, कोई भी माणु परमात्मे दे अनुग्रह बगैर नीं रेई जां। ध्यान देआ, कि तुहां च बेबसुआसे दी कोड़ी जड़ निकल़ी करी तकलीफ नीं दैं, जिसते कि सैह़ लोक परमात्मे दे सच्चे रस्ते दूर होई जान।

इब्रानियों 13:9

इन्हां सारियां नौईआं कने लग्ग-लग्ग सिक्षां दा पालण मत करा, जेह्ड़ियां तुहां जो गलत रस्ते पास्से लेई जांदियां हन। क्जोकि तुहां दे मनां तांई खरा ऐ, कि परमात्मे दे अनुग्रह दे जरिये मजबूत बणन, ना कि तिन्हां नियमां जो मन्नणे दे जरिये जेह्ड़े खाणे दे बारे च हन, इन्हां नैं मतलब रखणे आल़े जो कुच्छ फायदा नीं हुंदा।

याकूब 5:20

तां सैह़ एह़ जाणी लैं कि जेह्ड़ा कोई कुसी भटकेयो पापी जो सच्चाईया दे रस्ते ते बापस लेई ओंगा, तां सैह़ इक्क आत्मा जो नरके दिया मौत्ती ते बचांदा ऐ, कने परमात्मा तिसदे मते पापां जो माफ करदा ऐ।