1 तीमुथियुस 4:13 - काँगड़ी

¹³ जाह़लू तिकर मैं नीं औयें, ताह़लू तिकर वचन पढ़णे, सिक्षा दैणे कने सखाणे च लग्गी रैह्।

1 तीमुथियुस 4:13 Iomraidhean Croise

यूहन्ना 5:39

तुहां पवित्रशास्त्रे च तोपदे हन, कने समझदे हन कि तिस च सदा दी ज़िन्दगी ऐ, कने एह़ पवित्रशास्त्र ई जेह्ड़ा मेरे बारे च गवाही दिंदा ऐ।

प्रेरितां दे कम्म 17:11

एह़ माणु तां थिस्सलुनीक सैहरे दे यहूदी माणुआं ते जादा खरे थे कने इन्हां लोकां पूरा मन लगाई करी वचन ग्रहण कित्ता, कने हर रोज पवित्रशास्त्रां च तोपदे रैह् कि एह़ गल्लां इआं ई हन कि नीं।

प्रेरितां दे कम्म 6:4

अपर अहां तां प्रार्थना च कने वचन दे प्रचार कने सिक्षा दैणे च लग्गी रैहणा।”

रोमियो 12:8

जिस जो हौंसला दैणे दा दान ऐ, सैह़ लोकां जो हौंसला दिंदा रैंह्; जे दान दैणे आल़ा ऐ तां दिल खोली नैं दान दैं; जेह्ड़ा अगुआई करैं, सैह़ लगना सौगी करैं, जेह्ड़ा दया करैं, सैह़ खुसिया नैं दया करैं।

1 कुरिन्थियों 14:26

हे मेरे प्यारे साथी बसुआसियो, क्या नतीजा निकल़ेया, जाह़लू तुहां अराधना तांई किठ्ठे हुंदे हन, तां तुहां च कोई भजन गांदा ऐ, कोई सिक्षा दिंदा ऐ, कोई प्रभु दे जरिये दित्या वचन दस्सदा ऐ, कोई लग्ग-लग्ग भासा च गल्लां करदा ऐ, कने कोई इन्हां दा मतलब दस्सदा ऐ। इन्हां सारियां गल्लां जो करणे दा एह़ मकसद होणा चाइदा कि कलीसिया दे बसुआसियां दा बसुआस मजबूत होयैं।

1 कुरिन्थियों 14:3

अपर जेह्ड़ा परमात्मे दे वचने जो सणांदा ऐ, सैह़ बसुआसी लोकां जो तिन्हां दे बसुआसे च मजबूत होणे तांई कने तिन्हां दे मने जो हौंसला कने दिलासा दैणे तांई मदत करदा ऐ।

1 कुरिन्थियों 14:6

इसतांई हे मेरे प्यारे साथी बसुआसियो, जे मैं तुहां अल्ल आई नैं लग्ग-लग्ग भासा च गल्लां करैं, तां मिन्जो ते तुहां जो क्या फायदा हुंगा? अपर जे मैं तुहां तांई सैह़ वचन दैं जेह्ड़ा परमात्मे मिन्जो दित्या ऐ, या सच्चा ज्ञान या परमात्मे दा वचन या सिक्षा जेह्ड़ा तुहां दी मदत करगा।

1 तीमुथियुस 4:16

इस बारे च चौकन्ना रैह् कि तू किंआं जीआ दा ऐ कने क्या सखा दा ऐ। इन्हां गल्लां जो लगातार करदा रैह्, क्जोकि जे इआं करदा रैंह्गा तां तू अपणा कने अपणे सुणने आल़ेआं दा भी उद्धार करगा।

1 तीमुथियुस 4:6

जे तू बसुआसियां जो लगातार इन्हां गल्लां दी याद दिलांदा रैंह्गा, कने जिंआं बसुआस कने तिसा खरिया सिक्षा दियां गल्लां ते, जेह्ड़ियां तू मनदा आया ऐ, तेरा पालण पोसण करदा ऐ, तां तू यीशु मसीह दा खरा सेवक बणगा।

2 तीमुथियुस 3:15

कने तू बचपणे ते ई पवित्रशास्त्रे जो जाणदा ऐ। कने एह़ तिज्जो तिस उद्धारे दा ज्ञान देई सकदा ऐ, जेह्ड़ा तिज्जो यीशु मसीह च बसुआस करणे दे जरिये मिलदा ऐ।

2 तीमुथियुस 4:2

कि तू परमात्मे दे वचने दा प्रचार कर। बग्तें बेबग्तें त्यार रैह्। तुहां जो लोकां जो एह़ दस्सणा चाइदा कि तिन्हां क्या गलत कित्या ऐ, कने तिन्हां जो तिन्हां दे पापां तांई झिड़क। अपर तुहां तिन्हां जो हिम्मत भी देआ, जिंआं तुहां तिन्हां जो सेहनसक्ति रखी नैं सखांदे हन।

तीतुस 2:15

इसतांई तीतुस तू पूरे हक्के नैं क्रेते दे बसुआसियां जो इन्हां गल्लां जो ग्ला, कने समझा कने सखांदा रैह्। इआं करणे दा मेरे पास्से ते पूरा हक्क ऐ, कोई भी तिज्जो नजर अंदाज नीं करैं।