1 तीमुथियुस 3:8 - काँगड़ी

⁸ तिंआं ई कलीसिया दे सेवक भी इज्जतदार कने ईमानदार होणे चाइदे, कने सैह़ पियक्कड़ कने नीच कमाईया दे लालची ना होन।

1 तीमुथियुस 3:8 Iomraidhean Croise

रोमियो 3:13

तिन्हां दियां गल्लां खुलिया कब्रा दिया गंदी मुस्का साइआं हन, तिन्हां दियां जीभां झूठे नैं भरोईयां हन, तिन्हां दे बोल जेहरिलै सर्पां दे जैहरे साइआं हन।

फिलिप्पियों 1:1

मैं पौलुस कने तीमुथियुस जेह्ड़े यीशु मसीह दे दास हन, अहां दिया तरफा ते एह़ चिठ्ठी परमात्मे सारे पवित्र लोकां दे नां पर, कने स्याणेयां कने सेवकां जो जेह्ड़े यीशु मसीह च होई नैं फिलिप्पी सैहरे च रैंह्दे हन, लिखदा ऐ।

1 तीमुथियुस 3:12

सेवक इक्की लाड़िया दे लाड़े होन कने बाल बच्चेयां कने परवारे जो ठीक ढंगे नैं चलाणे आल़े होन।

1 तीमुथियुस 3:2

इसतांई एह़ जरूरी ऐ कि कलीसिया दा अगुआ बेकसूर, कने इक्की लाड़िया दा लाड़ा, हर हालता च अपणे आप्पे जो काबू करणे आल़ा, सांत सभावे आल़ा, इज्जतदार, परोणेयां दी आदर-खातर करणे आल़ा, कने परमात्मे दे वचने जो खरे तरीके नैं सखाणे आल़ा होयैं।

1 तीमुथियुस 3:3

सैह़ पियक्कड़ कने मारपीट करणे आल़ा ना होयैं, अपर नरम दिले दा होयैं, कने ना लड़णे आल़ा, कने ना धन-दौलता दा लालची होयैं।

1 तीमुथियुस 5:23

भविष्य च सिर्फ पाणी ई पीणे आल़ा ना रैह्, अपर अपणे पेटे दी खराबी कने बार-बार बमार होणे दिया बज़ाह ते थोड़ी-थोड़ी अंगूरी मदिरा भी इस्तेमाल कर।

तीतुस 1:7

क्जोकि अगुआ परमात्मे दा भण्डारी होणे दिया बज़ाह ते बेकसूर होणा चाइदा; ना जिद्द करणे आल़ा, ना गुस्सा करणे आल़ा, ना पियक्कड़, ना मारपीट करणे आल़ा, कने ना नीच कमाईया दा लालची होयैं,

तीतुस 2:3

तिंआं ई स्याणियां जणासा जो भी जीणा चाइदा, जिसते परमात्मे जो इज्जत मिल्लैं। सैह़ दोस लगाणे आल़ी कने पियक्कड़ नीं होणी चाइदी, अपर खरियां गल्लां जो सखाणे आल़ी होणी चाइदी।

याकूब 3:10

इक्की मुँऐ ते धन्यावाद कने श्राप दोयो निकल़दे हन। हे प्यारे साथी बसुआसियो, ऐदेया नीं होणा चाइदा।

1 पतरस 5:2

जिंआं गुआल़ा अपणियां भेड्डां दी रखवाल़ी करदे हन, तिंआं ई तुहां भी तिन्हां सारेयां दी रखवाल़ी करा, जेह्ड़े परमात्मे तुहां जो दित्यो हन, इसा सेवा जो अपणिया खुसिया नैं मन लगाई नैं करा, क्जोकि परमात्मा ऐई चांह़दा ऐ, तुहां इसियो कुसी दबाबे दिया बज़ाह ते मत करा कने ना ई धन-दौलता दे लालचे तांई अपर सिर्फ परमात्मे कने लोकां दी सेवा करणे तांई।