1 तीमुथियुस 3:4 - काँगड़ी

⁴ सैह़ अपणे परवारे जो ठीक ढंगे नैं चलाणे आल़ा होयैं, कने तिसियो अपणे बाल बच्चेयां जो सारियां गल्लां च इज्जता सौगी सखाणा चाइदा।

1 तीमुथियुस 3:4 Iomraidhean Croise

प्रेरितां दे कम्म 10:2

सैह़ परमात्मे दा भक्त था, कने अपणे सारे घराने सौगी परमात्मे ते डरदा था, कने यहूदी गरीब लोकां जो बड़ा दान दिंदा, कने बराबर परमात्मे नैं प्रार्थना करदा था।

इफिसियों 5:24

जिंआं कलीसिया मसीह दे अधीन हन, तिंआं ई लाड़ियां भी हर गल्ला च अपणे-अपणे लाड़े दे अधीन रैह़न।

फिलिप्पियों 4:8

इसतांई आखर च हे प्यारे साथी बसुआसियो, तुहां अपणा ध्यान तिन्हां गल्लां पर लग्गा, जेह्ड़ियां-जेह्ड़ियां गल्लां सच्च हन, कने जेह्ड़ियां-जेह्ड़ियां गल्लां इज्जता आल़िआं हन, कने जेह्ड़ियां-जेह्ड़ियां गल्लां खरियां हन, कने जेह्ड़ियां-जेह्ड़ियां गल्लां पवित्र हन, कने जेह्ड़ियां-जेह्ड़ियां गल्लां छैल़ हन, कने जेह्ड़ियां-जेह्ड़ियां मने भाणे आल़िआं हन। कने तुहां दा मन तिन्हां गल्लां पर लग्गी रैंह्, जेह्ड़ियां उत्तम कने तरीफां दियां गल्लां हन।

1 तीमुथियुस 3:12

सेवक इक्की लाड़िया दे लाड़े होन कने बाल बच्चेयां कने परवारे जो ठीक ढंगे नैं चलाणे आल़े होन।

तीतुस 1:6

अगुआ बेकसूर कने इक्की लाड़िया दा लाड़ा होणा चाइदा, जिसदे बाल-बच्चे बसुआसी होन, कने जिस पर लुचपण कने मनमर्जी दा दोस नीं लगेया होयैं।

तीतुस 2:2

स्याणे माणुआं जो अपणे आप्पे पर काबू रखणा, इज्जतदार बणना, कने अक्लमंदिया नैं जीणा सखा। तिन्हां अल्ल मजबूत बसुआस, प्यार कने सबर होणा चाइदा।

तीतुस 2:7

तुहां जो हमेसा खरे कम्म करणा चाइदा, तांजे तुहां दूयेयां लोकां तांई उदारण बणन। जाह़लू तुहां बसुआसियां जो सखांदे हन, तां तुहां जो खरे इरादे सौगी सखाणा चाइदा, जिसते लोक तुहां दी इज्जत करन।