1 तीमुथियुस 3:3 - काँगड़ी

³ सैह़ पियक्कड़ कने मारपीट करणे आल़ा ना होयैं, अपर नरम दिले दा होयैं, कने ना लड़णे आल़ा, कने ना धन-दौलता दा लालची होयैं।

1 तीमुथियुस 3:3 Iomraidhean Croise

मत्ती 21:13

कने तिन्हां नैं ग्लाणा लग्गा, “पवित्रशास्त्रे च लिख्या ऐ, ‘मेरा मंदर प्रार्थना दे मंदरे दे नांऐ जाणेयां जांगा।’ अपर तुहां तां इसियो डाकुआं दा अड्डा बणा दे हन।”

प्रेरितां दे कम्म 20:33

मैं कुसी दे सोन्ने चाँदी, कने कपड़ेयां दा लालच नीं कित्ता।

रोमियो 16:18

क्जोकि ऐदेय लोक अहां दे प्रभु मसीह दी नीं, अपर अपणे फायदे तांई सेवा करदे हन। एह़ लोक मिठ्ठियां-मिठ्ठियां गल्लां करी नैं सिध्धे सादे लोकां जो भकाई दिंदे हन।

इफिसियों 5:18

नशे च मतवाल़े होई नैं अपणे आप्पे जो नास मत करा, क्जोकि इसते लोक अपणे आप्पे ते बाहर होई जांदे हन, अपर इसदिया जगाह पवित्र आत्मा जो मौका देआ कि सैह़ तुहां जो काबू करैं,

1 थिस्सलुनीकियों 5:14

हे प्यारे साथी बसुआसियो, अहां तुहां जो समझांदे हन, कि जेह्ड़े लोक सुस्त हन, तिन्हां जो चतौणी देआ, डरफोकां जो हिम्मत देआ, बसुआसे च कमजोरेयां जो सम्भाल़ा, सबना सौगी सबरे नैं रेह्आ।

1 तीमुथियुस 3:8

तिंआं ई कलीसिया दे सेवक भी इज्जतदार कने ईमानदार होणे चाइदे, कने सैह़ पियक्कड़ कने नीच कमाईया दे लालची ना होन।

2 तीमुथियुस 3:2

क्जोकि माणु मतलबी, धन-दौलता दा लालची, डींगमार, घमंडी, निंदा करणे आल़ा, माँऊ-बुढ़े दा हुक्म नीं मन्नणे आल़ा, एहसान फरामोस, अपवित्र,

तीतुस 1:11

ऐदेयां लोकां जो सिक्षा दैणे दी इजाजत मत देआ, क्जोकि जाह़लू सैह़ ऐदई सिक्षा दिंदे हन, जेह्ड़ी तिन्हां जो नीं दैणी चाइदी, क्जोकि एह़ लोक सारे परवारां दा बसुआस नास करदे हन, सैह़ एह़ तां करदे हन कि पैसा हासल करी सकन।

तीतुस 1:7

क्जोकि अगुआ परमात्मे दा भण्डारी होणे दिया बज़ाह ते बेकसूर होणा चाइदा; ना जिद्द करणे आल़ा, ना गुस्सा करणे आल़ा, ना पियक्कड़, ना मारपीट करणे आल़ा, कने ना नीच कमाईया दा लालची होयैं,

तीतुस 2:3

तिंआं ई स्याणियां जणासा जो भी जीणा चाइदा, जिसते परमात्मे जो इज्जत मिल्लैं। सैह़ दोस लगाणे आल़ी कने पियक्कड़ नीं होणी चाइदी, अपर खरियां गल्लां जो सखाणे आल़ी होणी चाइदी।

तीतुस 3:2

कुसी जो भी बदनाम मत करा, झगड़ालू मत बणा; अपर दूये लोकां पर दया करा, कने सारे लोकां सौगी बड़े नरम सभावे नैं रेह्आ।

इब्रानियों 13:5

तुहां अपणिया ज़िन्दगिया जो धन-दौलता दे लालचे ते दूर रखा, कने जेह्ड़ा तुहां अल्ल ऐ, तिस च खुस रेह्आ। क्जोकि परमात्मे अप्पु ई ग्लाया ऐ, “मैं तिज्जो कदी नीं छड्डगा, कने कदी नीं भुलगा।”

याकूब 4:1

तुहां लोकां च लड़ाई कने झगड़े कतांह ते ओंदे हन? क्या इन्हां दे पचांह़ तुहां दी बुरी इच्छा नीं ऐ, जेह्ड़ी तुहां दे अंदर लड़दी-झगड़दी रैंह्दी ऐ?

1 पतरस 5:2

जिंआं गुआल़ा अपणियां भेड्डां दी रखवाल़ी करदे हन, तिंआं ई तुहां भी तिन्हां सारेयां दी रखवाल़ी करा, जेह्ड़े परमात्मे तुहां जो दित्यो हन, इसा सेवा जो अपणिया खुसिया नैं मन लगाई नैं करा, क्जोकि परमात्मा ऐई चांह़दा ऐ, तुहां इसियो कुसी दबाबे दिया बज़ाह ते मत करा कने ना ई धन-दौलता दे लालचे तांई अपर सिर्फ परमात्मे कने लोकां दी सेवा करणे तांई।

2 पतरस 2:3

कने एह़ झूठे सिक्षक लालची होई जांगे, कने अपणे फायदे तांई मनगढ़ंत काहणिया बणाई नैं तुहां जो धोखा दिंगे। परमात्मे बड़ी पैहल्लैं ई एह़ फैसला लेई लेआ था, कि सैह़ इन्हां दा नास करगा, कने सैह़ एह़ करणे तांई बिलकुल त्यार ऐ। सैह़ पक्का तिन्हां जो नास करगा।

यहूदा 1:11

तिन्हां लोकां पर हाय। क्जोकि तिन्हां दा बर्ताब आदमे दे जागते केने साइआं बुरा ऐ, धन-दौलता दे लालचे तांई तिन्हां सैई गलती कित्ती, जेह्ड़ी बिलामे कित्तियो थी। कने तिन्हां परमात्मे दे खलाफ भी बगावत कित्ती जिंआं कोरेह कित्तियो थी, इसा बज़ाह ते परमात्मा तिन्हां जो सज़ा दिंगा।

प्रकाशितवाक्य 1:9

मैं यूहन्ना, जेह्ड़ा तुहां दा बसुआसी भाऊ कने यीशुये दे दुख, राज्ज, कने सबरे च तुहां दा साझी ऐ, परमात्मे दे वचन, कने यीशुये दिया गवाही दिया बज़ाह ते मैं पतमुस नांऐ दे टापू च था।