1 तीमुथियुस 3:2 - काँगड़ी

² इसतांई एह़ जरूरी ऐ कि कलीसिया दा अगुआ बेकसूर, कने इक्की लाड़िया दा लाड़ा, हर हालता च अपणे आप्पे जो काबू करणे आल़ा, सांत सभावे आल़ा, इज्जतदार, परोणेयां दी आदर-खातर करणे आल़ा, कने परमात्मे दे वचने जो खरे तरीके नैं सखाणे आल़ा होयैं।

1 तीमुथियुस 3:2 Iomraidhean Croise

लूका 1:6

जकरियाह कने इलीशिबा परमात्मे सामणै बड़े धर्मी थे, कने परमात्मे दे सारे हुक्मां कने विधिया पर सिध्धे मने नैं चलणे आल़े थे।

लूका 2:36

आशेर दे गोत्रे ते फनूएल नांऐ दे इक्की माणुये दी कुड़ी जिसा दा नां हन्नाह था, भविष्यवक्तण थी। सैह़ जबरी होई गियो थी, कने ब्याह होणे ते बाद सत साल तिकर ई अपणे लाड़े सौगी रेईयो थी।

रोमियो 12:13

परमात्मे दे लोकां जो जेह्ड़ा कुच्छ जरूरी ऐ, तिस च तिन्हां दी मदत करा; कने परोणेयां दी आदर खातर करदे रेह्आ।

फिलिप्पियों 2:15

तांजे तुहां बेकसूर कने भोल़े होई नैं टेढे कने बेइमान लोकां दे बिच्च परमात्मे दी बेदाग औलाद बणी रेह्आ, कने जिन्हां बिच्च तुहां ज़िन्दगिया दा वचन लेई करी संसारे च अम्बरे दे तारेयां साइआं चमकदे दुस्सा दे हन।

1 तीमुथियुस 3:12

सेवक इक्की लाड़िया दे लाड़े होन कने बाल बच्चेयां कने परवारे जो ठीक ढंगे नैं चलाणे आल़े होन।

1 तीमुथियुस 3:8

तिंआं ई कलीसिया दे सेवक भी इज्जतदार कने ईमानदार होणे चाइदे, कने सैह़ पियक्कड़ कने नीच कमाईया दे लालची ना होन।

1 तीमुथियुस 4:3

ऐदेय लोक एह़ सखांदे हन, कि ब्याह करणा कने कुच्छ चीज्जां जो खाणा गलत ऐ। अपर परमात्मे एह़ खाणा बसुआसी लोकां तांई बणाया ऐ, जेह्ड़े सच्ची सिक्षा जो जाणदे हन, कि परमात्मे दा धन्यावाद करी नैं खादी जां।

1 तीमुथियुस 5:10

कने खरेयां कम्मां करणे च तिसादा खरा नां होयैं, जिन्नै बच्चेयां दा पालण-पोसण कित्या होयैं, परोणेयां दी आदर-खातर कित्तियो होयैं, परमात्मे दे लोकां दी सेवा कित्तियो होयैं, दुखियां दी मदत कित्तियो होयैं, कने हर इक्की खरे कम्मे च मन लगाया होयैं।

1 तीमुथियुस 5:22

कुसी पर बड़ी तौल़ी हत्थ रखी करी अगुऐ मत बणांदा, कने जे तू एह़ करदा ऐ तां तू दूयेयां दे पापां दा साझीदार हुंगा; अपणे आप्पे जो पवित्र बणाई रख।

1 तीमुथियुस 5:9

बिधवां दिया सूचिया च तिसा बिधवा नां लिख्या जां जिसादी उम्र सठ साल ते ऊपर होयैं, कने जेह्ड़ी अपणे लाड़े दे प्रति बफादार रेई होयैं,

2 तीमुथियुस 2:24

प्रभु दे दासे जो झगड़ालू नीं होणा चाइदा। अपर सैह़ सबना सौगी सरीफिया नैं कने परमात्मे दे वचने जो खरे तरीके नैं सखाणे आल़ा कने सबर रखणे आल़ा होणा चाइदा।

तीतुस 2:2

स्याणे माणुआं जो अपणे आप्पे पर काबू रखणा, इज्जतदार बणना, कने अक्लमंदिया नैं जीणा सखा। तिन्हां अल्ल मजबूत बसुआस, प्यार कने सबर होणा चाइदा।

इब्रानियों 13:2

तिन्हां दी भी आदर खातर करा, जेह्ड़े जरूरतमंद मुसाफिर हन, क्जोकि इन्हीं साह्भें कितणेयां अणजाणे च सुअर्गदूतां दी आदर खातर कित्तियो ऐ।

इब्रानियों 3:14

जे अहां अपणे पैहल्ले भरोसे जो अन्त तिकर मजबूत बणाई रखदे हन, तां अहां मसीह दे हिस्सेदार बणी जांदे हन।

1 पतरस 4:7

सारियां गल्लां दा अन्त तौल़ी होणे आल़ा ऐ; इसतांई अपणे आप्पे पर काबू करी नैं कने सच्चाई नैं प्रार्थना च लग्गी रेह्आ।

1 पतरस 4:9

सारे लोकां दा बिना कुसी सकायता ते अपणे घरां च सुआगत करी नैं आदर-खातर करा।

1 पतरस 5:8

हमेसा चौकन्ने रेह्आ, कने जागदे रेह्आ; क्जोकि तुहां दा बरोधी सैतान गरजणे आल़े शेरे साइआं इसा तोपा च रैंह्दा ऐ कि कुसियो फाड़ी खां।