1 तीमुथियुस 3:16 - काँगड़ी

¹⁶ कने इस च कोई शक नीं ऐ, कि अहां दे बसुआसे च बड़ा गैहरा भेत ऐ: मसीह जेह्ड़ा माणु बणी करी आया, कने पवित्र आत्मा दस्सेया कि सैह़ सच्च बिच्च परमात्मे दा पुत्तर था, सुअर्गदूतां तिसियो दिख्या, सारे संसारे दे लोकां च तिसदे बारे च प्रचार होएया, संसारे दे लोकां तिस पर बसुआस कित्ता, कने परमात्मे तिसियो सुअर्गे च लेई गेआ।

1 तीमुथियुस 3:16 Iomraidhean Croise

मत्ती 1:23

“दिक्खा, इक्की कुआरिया कुड़िया गर्भवती होणा कने इक्क जागत जम्मणा, कने तिसदा नां इम्मानुएल रखेया जांगा,” जिसदा मतलब ऐ, परमात्मा अहां सौगी।

मत्ती 13:11

तिन्हीं जवाब दित्ता, “तुहां जो सुअर्गे दे राज्जे दे भेतां दी समझ दित्तियो ऐ, अपर तिन्हां जो नीं।

मत्ती 28:2

कने दिक्खा, इक्क बड्डा हिल्लण होएया, क्जोकि प्रभु दा सुअर्गदूत सुअर्गे ते लुत्था कने बक्खे आई नैं तिन्हीं पत्थरे जो खसकाई दित्ता, कने तिस पर बेई गेआ।

मत्ती 3:16

कने यीशु बपतिस्मा लेई नैं झट पांणिये ते बाहर आया, कने दिक्खा तिस तांई सुअर्ग खुली गेआ, कने तिन्हीं परमात्मे दिया आत्मा जो कबूतरे साइआं लौदें कने अपणे ऊपर ओंदे दिख्या।

मत्ती 4:11

ताह़लू सैतान अगले मौके दिया निहाल़पा च कुच्छ बग्त तांई तिसियो छड्डी करी चली गेआ, कने सुअर्गदूत आई नैं तिसदी सेवा करणा लग्गे।

मरकुस 1:13

सुनसाण जगाह च चाल़ी दिन कने रात सैताने यीशुये दी परख कित्ती, कने तित्थु सैह़ जंगली जानवरा सौगी रेह्आ। कने सुअर्गदूत आई नैं तिसदी सेवा करदे रैह्।

मरकुस 16:19

ताह़लू प्रभु यीशु तिन्हां नैं गल्लां करणे दे बाद सुअर्गे पर चुक्की लेआ गेआ, कने परमात्मे दे सज्जे पास्से बेई गेआ।

मरकुस 16:5

कने कब्रा अंदर जाई नैं तिन्हां जणासां इक्क नौजुआन दूते जो जिन्हीं चिट्टे कपड़े पैहनेयो थे, तिन्हां दे सज्जे पास्से बैठेयो दिख्या, कने बड़ियां हरान होईयां।

लूका 2:32

कि सैह़ होरनी जाति दे लोकां जो लौ दैणे तांई जोत्ती हुंगा, कने तेरे खास लोक इस्राएल देसे दी महिमा होयैं।”

लूका 20:44

दाऊद तां तिस जो प्रभु ग्लांदा ऐ; तां भिरी सैह़ तिसदी औलाद किंआं होएया?”

लूका 22:43

ताह़लू सुअर्गे ते इक्क सुअर्गदूत तिसियो दुस्सेया जेह्ड़ा तिसियो सामर्थ दिंदा था।

लूका 24:4

जाह़लू सैह़ इसा गल्ला पर हरान होआ दियां थियां, तां दिक्खा दो माणु चमकदे कपड़ेयां च तिन्हां अल्ल आई खड़ोते।

लूका 24:51

कने तिन्हां जो आसीष देई करी सैह़ तिन्हां ते लग्ग होई गेआ कने सुअर्गे जो चली गेआ।

यूहन्ना 1:14

कने वचन माणु बणी करी आया; कने अनुग्रह कने सच्चाईया नैं पूरा भरोई नैं अहां दे बिच्च डेरा कित्ता। कने अहां तिसदी देहई महिमा दिक्खी, जिंआं पिता दे इकलौते पुत्तरे दी महिमा।

यूहन्ना 13:3

यीशुयैं, एह़ जाणी नैं कि पितैं सारा कुच्छ मेरे हक्के च करी दित्या ऐ कने मैं परमात्मे पास्से ते आया ऐ, कने परमात्मे अल्ल ई जांदा ऐ।

यूहन्ना 15:26

अपर जाह़लू सैह़ सहायक ओंगा, जिसियो मैं तुहां अल्ल पिता दे पास्से ते घल्लगा, मतलब सच्च दा आत्मा, जेह्ड़ा पवित्र आत्मा ऐ, जेह्ड़ा परमात्मे दी सच्चाईया जो प्रगट करदा ऐ, तां सैह़ मेरी गवाही दिंगा।

यूहन्ना 16:28

मैं पिता दे पास्से ते संसारे च आया; मैं भिरी संसारे जो छड्डी नैं पिता अल्ल चलेया।”

यूहन्ना 17:5

हुण हे पिता, तू अप्पु सौगी मेरी महिमा तिसा महिमा नैं कर जेह्ड़ी महिमा संसारे दिया सृष्टिया ते पैहल्ले, तिज्जो सौगी थी।

यूहन्ना 20:12

दूँ सुअर्गदूतां जो चिट्टे चमकदार कपड़े पैहनेयो इक्की जो सरहाणे कने दूये जो पैंदिया बैठेया दिख्या, जित्थु यीशु दी लाह्स रखियो थी।

यूहन्ना 6:62

जे तुहां माणुये दे पुत्तरे जो सुअर्गे जांदे दिक्खगे, जित्थु सैह़ पैहल्ले था, तां क्या हुंगा?

प्रेरितां दे कम्म 1:19

इसा गल्लां जो यरूशलेम सैहरे दे सारे रैहणे आल़े जाणी गै, ऐत्थु तिकर कि तिस खेते दा नां तिन्हां दिया भासा च ‘हकलदमा’ मतलब ‘खूने दा खेत’ पेई गेआ।

प्रेरितां दे कम्म 10:34

ताह़लू पतरस ग्लाणा लग्गा, “हुण मिन्जो बसुआस होई गेआ कि परमात्मा कुसी दा भेदभाव नीं करदा।

प्रेरितां दे कम्म 14:27

कने अन्ताकिया सैहरे पुज्जी करी तिन्हां कलीसिया किठ्ठी कित्ती कने दस्सेया, कि परमात्मैं तिन्हां सौगी रेई करी कदेय बड़े-बड़े कम्म कित्ते, कने होरनी जाति दे लोकां जो किंआं परमात्मैं यीशु मसीह पर बसुआस करणे जोग्गा बणाया।

प्रेरितां दे कम्म 20:28

इसतांई अपणी कने अपणे पूरे झुंडे दी चौकसी रखा जिस च पवित्र आत्मा तुहां जो अधिकारी बणाया ऐ, कि तुहां परमात्मे दिया कलीसिया दी रखवाल़ी करन, जिसियो तिन्हीं अपणे खूने नैं खरीदी लेआ ऐ।

रोमियो 10:12

यहूदी कने यूनानी लोकां च कोई फर्क नीं ऐ, इसतांई कि सैई सबना दा प्रभु ऐ; कने सैह़ अपणे सारे नां लैणे आल़ेआं दा उद्धार करदा ऐ।

रोमियो 10:18

अपर मैं पुछदा ऐ, “क्या यहूदी लोकां मसीह दा वचन सुणेया?” हाँ जरूर सुणेया ऐ, क्जोकि पवित्रशास्त्रे च लिख्या ऐ: “तिन्हां दे बोल सारिया धरतिया पर, कने तिन्हां दे वचन सारे संसारे च पुज्जी गै हन।”

रोमियो 16:25

हुण तुहां जो मेरा सुसमाचार जेह्ड़ा यीशु मसीह दे बारे च ऐ, तुहां जो प्रचार करी नैं बसुआसे च मजबूत करी सकदा ऐ। क्जोकि एह़ सुसमाचार सदियां ते छुपाई करी रखेया था।

रोमियो 16:26

अपर हुण परमात्मे दे हुक्मे दे मताबक भविष्यवक्तां दियां कताबां दे जरिये सारी जातिआं दे लोकां जो दस्सेया ऐ, कि बसुआसे नैं हुक्म मन्नणे आल़े होई जान।

रोमियो 3:4

नीं! कदी भी नीं। अपर परमात्मा हमेसा सच्च ग्लांदा ऐ, कने संसारे दा हर इक्क माणु झूठा साबित होयैं, जिंआं पवित्रशास्त्रे च लिख्या ऐ, “जिसते तू अपणियां गल्लां च धर्मी बणैं कने न्याय करदे बग्त तू जीत्त हासल करैं।”

रोमियो 8:3

क्जोकि जेह्ड़े कम्म मूसा दिया व्यबस्था अहां दे पापी सभावे दिया बज़ाह ते कमजोर होई नैं नीं करी सकी। सैह़ कम्म परमात्मैं करी दित्ते हन, मतलब जिन्हीं अहां दे पापां दी माफी तांई अपणे पुत्तरे जो बलिदान होणे तांई घल्लेया, कने जिन्हीं अहां पापी माणुआं साइआं सरीर धारण कित्ता, कने परमात्मैं मसीह दे सरीरे च पापे जो सज़ा दा हुक्म दित्ता।

रोमियो 9:5

अब्राहम, इसहाक कने याकूब भी तिन्हां दे पूर्वज हन, कने माणु होणे दे नाते मसीह भी इस्राएली था। कने सैह़ परमात्मा ऐ जेह्ड़ा सारियां चीज्जां पर राज करदा ऐ, कने हमेसा स्तुति जोग्गा ऐ। आमीन।

1 कुरिन्थियों 15:47

पैहल्ला माणु जेह्ड़ा आदम था धरतिया ते मतलब चिक्का ते बणाया। दूआ माणु भी जेह्ड़ा मसीह था, सैह़ सुअर्गे ते आया।

1 कुरिन्थियों 2:7

अपर अहां परमात्मे दे गुप्त ज्ञान कने तिस भेते दे बारे च ग्लांदे हन, जिसियो परमात्मैं अहां दी महिमा तांई इस संसारे दे सुरू होणे ते बड़ी पैहल्ले तय कित्या था।

2 कुरिन्थियों 1:19

क्जोकि परमात्मे दा पुत्तर यीशु मसीह जिसदा अहां दे जरिये मतलब मेरे कने सिलवानुस कने तीमुथियुसे दे जरिये तुहां बिच्च भी प्रचार होएया, तिस च “हाँ” कने “ना” दोयो नीं थे, अपर तिस च “हाँ” दी “हाँ” होई ऐ।

गलातियों 2:8

क्जोकि परमात्मैं पतरसे जो प्रेरित होणे तांई चुणेया कने यहूदी लोकां बिच्च बड़े सामर्थी दे कम्म करवाये, तिंआं ई तिन्हीं मिन्जो ते भी होरनी जातिआं दे लोकां बिच्च सैदेय सामर्थी दे कम्म करवाये,

गलातियों 4:4

अपर जाह़लू ठीक बग्त आया जिसदी योजना परमात्मैं बणाईयो थी, तां परमात्मैं अपणा इकलौता पुत्तर घल्लेया, जिन्हीं माणुये दे रूपे च जन्म लेआ, कने सैह़ इक्क यहूदी परवारे च पैदा होएया कने तिन्हीं मूसा दिया व्यबस्था दा पालण कित्ता,

इफिसियों 1:9

क्जोकि तिन्हीं अपणिया इच्छा दा भेत अहां पर अपणे खरे मकसदे मताबक प्रगट कित्ता, जिसदी नीई तिन्हीं अप्पु ई मसीह च रखी।

इफिसियों 6:19

कने मिन्जो तांई भी प्रार्थना करदे रेह्आ करा, जिसते मिन्जो ग्लाणे दे बग्त ऐदेया वचन दित्ता जां, कि मैं हिम्मता नैं सुसमाचारे दा भेत दस्सी सकैं,

कुलुस्सियों 1:23

जे तुहां मसीह च बसुआस करदे हन, तां तुहां दा बसुआस तिस पर मजबूत रैहणा चाइदा, ठीक तिस घरे साइआं जेह्ड़ा मजबूत नीआं पर बणाया ऐ। कने अहां तिस सुसमाचारे जो सुणी करी जेह्ड़ी आसा अहां जो मिलदी ऐ तिसा जो मत छड्डा। जिसदा प्रचार इस संसारे दे लोकां च कित्ता गेआ, कने सुसमाचारे दा प्रचार करणे तांई मैं पौलुस सेवक बणेया ऐ।

कुलुस्सियों 1:27

परमात्मैं एह़ फैसला लेआ कि तिसदे लोक इस सानदार कने महिमा आल़े रहस्य जो जाणी सकन, जेह्ड़ा सारे लोकां तांई तिस अल्ल ऐ। एह़ रहस्य मसीह अप्पु ई ऐ जेह्ड़ा तुहां च रैंह्दा ऐ, सिर्फ सैई महिमा तांई अहां दी उम्मीद ऐ।

कुलुस्सियों 1:6

जेह्ड़ा तुहां अल्ल पुज्जा ऐ। एह़ सुसमाचार सारे संसारे च फैला दा ऐ, कने मते सारे लोक बसुआसे च ओआ दे हन। जिस दिने ते तुहां इसियो सुणेया तधैड़ी ते तुहां भी परमात्मे दे अनुग्रह जो समझे।

कुलुस्सियों 2:2

मैं इसतांई मेहनत कित्ती, तांजे तिन्हां दा बसुआस मजबूत होई जां, कने सैह़ प्यारे नैं अप्पु च मिल्ली नैं रैह़न, मैं चांह़दा ऐ, सैह़ पूरा भरोसा रखन, क्जोकि तिन्हां अल्ल परमात्मे दे गुप्त रहस्य दी पूरी समझ ऐ, जेह्ड़ा यीशु मसीह अप्पु ऐ।

2 थिस्सलुनीकियों 1:10

एह़ तिस दिन हुंगा, जाह़लू यीशु मसीह अपणे लोकां च महिमा पाणे, कने सारे लोक जेह्ड़े तिस पर बसुआस करदे हन; तिन्हां ते आदर पाणे तांई ओंगा। तुहां भी तिन्हां च सामिल हुंगे, क्जोकि तुहां तिस सुसमाचारे पर बसुआस कित्ता, जेह्ड़ा अहां तुहां जो तिसदे बारे च दस्सेया था।

2 थिस्सलुनीकियों 2:7

क्जोकि तिस दुष्ट माणुये दी ताकत पैहल्ले ते ई इस संसारे च चुपचाप कम्म करा दी ऐ, अपर कोई इक्क ऐ जेह्ड़ा तिसदिया ताकता जो रोका दा ऐ, कने सैह़ लगातार तिसियो ताह़लू तिकर रोकदा रैंह्गा, जाह़लू तिकर सैह़ दूर नीं होई जां।

1 तीमुथियुस 3:9

अपर तिन्हां दी साफ अन्तर आत्मा होणी चाइदी, जिंआं सैह़ लगातार तिसा सच्चिया सिक्षा पर बसुआस करदे हन, जिसा जो परमात्मे प्रगट कित्या ऐ ।

इब्रानियों 1:3

पुत्तर ई परमात्मे दिया महिमा दी चमक ऐ, कने सैह़ हर किस्मां ते तिस साइआं ऐ। कने सैह़ अपणे सामर्थी दे वचनां ते सारिया सृष्टिया जो मजबूत बणाई रखदा ऐ। सैह़ लोकां दे सारे पापां जो धोई करी सबते ऊची पदविया पर परमात्मे दे सज्जे बक्खे जाई बैठा ऐ।

इब्रानियों 12:2

अहां बसुआसे दे कम्म करणे आल़े कने सिद्ध करणे आल़े यीशुये दे पास्से दिक्खदे रैह़न। यीशु तिसा खुसिया जो जेह्ड़ी तिसदे गांह रखियो थी, सर्मा दी कुच्छ फिकर नीं करदे, सूल़िया दा दुख झेलेया कने सुअर्गे च परमात्मे दे सिंहासणे दी सज्जे बक्खे जाई बैठेया।

इब्रानियों 7:7

अहां खरे कित्ते जाणदे हन, जेह्ड़ा आसीष दैणे आल़ा ऐ, सैह़ आसीष लैणे आल़े ते बड्डा ऐ।

इब्रानियों 8:1

हुण जेह्ड़ियां गल्लां अहां ग्ला दे हन, तिन्हां च सारेयां ते बड्डी सच्चाई एह़ ऐ, कि अहां दा ऐदेया महायाजक ऐ, जेह्ड़ा सुअर्गे पर परम प्रधान परमात्मे दे सिंहासणे दे सज्जे बक्खे जाई बैठेया ऐ।

1 पतरस 1:12

अपर परमात्मे तिन्हां भविष्यवक्तां जो एह़ ग्लाया, कि तिन्हां दियां गल्लां तिन्हां तांई नीं, अपर तुहां तांई हन, सैह़ सुसमाचार यीशु मसीह दे बारे च ऐ जेह्ड़ा तुहां हुण सुणेया ऐ। परमात्मे तुहां जो सुसमाचार सणाणे तांई सुअर्गे ते पवित्र आत्मा घल्ली नैं लोकां दी मदत कित्ती, कने एह़ बड़ी अनोखी गल्ल ऐ कि सुअर्गदूत भी बड़े चाये नैं इन्हां चीज्जां जो हुंदे दिक्खा दे हन।

1 पतरस 1:20

इस संसारे जो बणाणे ते पैहल्ले ई परमात्मे यीशु मसीह दे बारे एह़ फैसला पैहल्ले ई करी लेआ, कि सैह़ इस संसारे दा उद्धारकर्ता हुंगा, अपर सैह़ हुण इन्हां आखरी दिनां च तुहां तांई प्रगट होएया।

1 पतरस 1:21

यीशु मसीह दे जरिये तुहां परमात्मे पर बसुआस करदे हन, तांजे तुहां दा बसुआस कने आसा तिस परमात्मे पर होयैं, जिन्हीं मसीह जो मरेयां ते जिन्दा कित्ता कने तिसियो महिमा दित्ती।

1 पतरस 3:18

मैं एह़ ग्लांदा ऐ, कि यीशु मसीयैं भी अहां दे पापां तांई दुख झेलेया कने मारा गेआ, सैह़ सिर्फ इक्क बरी ई मरेया, कने एह़ दुवारी भिरी करणे दी जरूरत नीं ऐ। सैह़ धर्मी माणु था जेह्ड़ा पापी लोकां तांई मरेया, तांजे तिन्हां जो परमात्मे नेड़े लेई औयें तिन्हां तिसदे सरीरे जो मारेया अपर सैह़ पवित्र आत्मा दिया सामर्थी दे जरिये दुवारी भिरी जिन्दा होई गेआ।

1 पतरस 3:22

कने सैह़ सुअर्गे जो चली गेआ। जित्थु सैह़ हुण परमात्मे दे सज्जे पास्से ऐ, जेह्ड़ी बड़ी खास जगाह ऐ, कने सैह़ सारे सुअर्गदूतां, सारे अधिकारियां कने सारियां ताकतां ऊपर राज्ज करा दा ऐ।

1 यूहन्ना 1:2

सैह़ जेह्ड़ा ज़िन्दगी दिंदा ऐ, धरतिया च आया, कने अहां तिसियो दिख्या, कने तिसदी गवाही दिंदे हन, कने तुहां जो तिसा सदा दी ज़िन्दगिया दा सुसमाचार दिंदे हन जेह्ड़ा पिता सौगी था कने अहां पर प्रगट होएया।

1 यूहन्ना 3:5

कने तुहां जाणदे हन, कि यीशु मसीह इसतांई आया ऐ, कि पापां जो दूर करैं; कने तिस च कोई पाप नीं ऐ।

1 यूहन्ना 3:8

जेह्ड़ा कोई लगातार पाप करदा ऐ, सैह़ सैताने दे पास्से ते ऐ, क्जोकि सैतान सुरू ते ई लगातार पाप करदा आया ऐ। परमात्मे दा पुत्तर इसतांई आया ऐ, कि सैताने दे कम्मां दा नास करैं।

प्रकाशितवाक्य 17:5

तिसादे मत्थे पर इक्क नां, इक्क भेत लिख्या था, “बड्डा बेबीलोन सैहर धरतिया पर वैश्यां कने घृणित चीज्जां दी माँ।”

प्रकाशितवाक्य 17:7

ताह़लू सुअर्गदूतैं मिन्जो नैं ग्लाया, “तू क्जो हरान होएया? मैं इसा जणासा कने तिस जंगली जानवरे दा, जिस पर सैह़ सवार ऐ कने जिसदे सत सिर कने दस सींग हन, तिज्जो भेत दस्सदा।

प्रकाशितवाक्य 7:9

इसते बाद मैं दिख्या, कि लोकां दी इतणी बड्डी भीड़ थी, कने कोई भी तिसा जो गिणी नीं सकदा था, तिसा भीड़ा च हर इक्क देस, गोत्र, जाति कने भासा दे लोक थे, कने सैह़ चिट्टे कपड़े पैहनी करी कने अपणे हत्थां च खजूरे दियां डाल़िआं लेई करी सिंहासणे सामणै कने मेम्ने सामणै खड़ोत्यो थे।