1 तीमुथियुस 3:15 - काँगड़ी

¹⁵ कि जे मिन्जो ओणे च देर होई जां, तां तू जाणगा कि परमात्मे दे घराने च लोकां दा बर्ताब कदेया होणा चाइदा, जेह्ड़ा जिन्दे परमात्मे दी कलीसिया, खम्भा कने सच्चाईया दी नीई ऐ।

1 तीमुथियुस 3:15 Iomraidhean Croise

मत्ती 16:16

शमौन पतरसैं ग्लाया, “तुहां जिन्दे परमात्मे दे पुत्तर मसीह हन।”

मत्ती 18:18

“मैं तुहां नैं सच्च ग्लांदा ऐ, जेह्ड़ा कुच्छ तुहां धरतिया पर बन्नगे, सैह़ सुअर्गे च बन्नेया जाणा, कने जेह्ड़ा कुच्छ तुहां धरतिया पर खोलगे, सैह़ सुअर्गे च खुलणा।

यूहन्ना 1:17

इसतांई कि परमात्मे व्यबस्था तां मूसा दे जरिये दित्ती, अपर तिन्हीं अनुग्रह कने सच्चाई यीशु मसीह दे जरिये दित्ती।

यूहन्ना 14:6

यीशुयैं तिस नैं ग्लाया, “रस्ता कने सच्च कने सदा दी ज़िन्दगी दैणे आल़ा मैं ऐ; मिन्जो बगैर कोई भी पिता अल्ल नीं पुज्जी सकदा

यूहन्ना 18:37

पिलातुसैं तिस नैं ग्लाया, “तां क्या तू राजा ऐ?” यीशुयैं जवाब दित्ता, “तू अप्पु ग्ला दा ऐ कि मैं राजा ऐ। मैं इसतांई जन्म लेआ कने इसतांई संसारे च आया तांजे सैह़ सारे जेह्ड़े लोक सच्च जो सुणदे कने मनदे हन, तिन्हां जो सच्च दी सिक्षा देई सकैं।”

यूहन्ना 6:69

कने अहां तुहां पर बसुआस कित्ता कने जाणी लेआ ऐ, कि परमात्मे दे घल्लेयो पवित्र जण तुहां ई हन।”

प्रेरितां दे कम्म 1:2

जाह़लू तिकर सैह़ परमात्मे दे जरिये सुअर्गे च चुकेया नीं गेआ। ताह़लू तिकर तिन्हां प्रेरितां जो जिन्हां जो यीशुयैं चुणेया था पवित्र आत्मा दे जरिये हुक्म दिंदा रेह्आ।

प्रेरितां दे कम्म 14:15

“हे लोको, तुहां क्या करदे हन, अहां भी तां तुहां साइआं सुख-दुख भोगणे आल़े माणु हन, कने तुहां जो सुसमाचार सणांदे हन, कि तुहां इन्हां बेकार चीज्जां ते लग्ग होई करी जिन्दे परमात्मे अल्ल ओआ, जिन्हीं सुअर्ग कने धरती कने समुंदर कने जेह्ड़ा कुच्छ तिन्हां च ऐ बणाया।

रोमियो 3:2

हाँ, इसदी बड़ी कीमत ऐ। सबते पैहल्ले तां एह़ कि यहूदी लोकां जो मूसा कने भविष्यवक्तां दे लिख्यो सारे परमात्मे दे वचन दित्ते गै।

रोमियो 9:26

कने, “जिसा जगाह पर परमात्मे एह़ ग्लाया था, कि ‘तुहां मेरे लोक नीं हन, तिसा जगाह पर परमात्मा तिन्हां जो अपणी औलाद ग्लांगा।’ ”

1 कुरिन्थियों 10:32

तुहां ना यहूदी लोकां, ना यूनानी लोकां कने ना परमात्मे दी कलीसिया तांई ठोकरा दी बज़ाह बणा।

1 कुरिन्थियों 3:16

क्या तुहां नीं जाणदे कि तुहां परमात्मे दा मंदर हन, कने परमात्मे दा आत्मा तुहां च वास करदा ऐ?

2 कुरिन्थियों 3:3

एह़ प्रगट ऐ, कि तुहां मसीह दे पास्से ते इक्क चिठ्ठिया साइआं हन, एह़ चिठ्ठी अहां दी सेवकाईया दा नतीजा था। कने स्याईया नैं पत्थरे दी स्लेटा पर नीं, अपर जिन्दे परमात्मे दी पवित्र आत्मा नैं मने दी मांस रूपी पटियां पर लिखियो ऐ।

2 कुरिन्थियों 6:16

कने मूर्तियां तांई परमात्मे दे मंदरे च कोई जगाह नीं, क्जोकि अहां तां जिन्दे परमात्मे दे मंदर हन। जिंआं पवित्रशास्त्रे च परमात्मैं ग्लाया ऐ, “मैं तिन्हां लोकां सौगी रैंह्गा कने तिन्हां सौगी चलगा फिरगा; कने मैं तिन्हां दा परमात्मा हुंगा, कने सैह़ मेरे लोक हुंगे।”

2 कुरिन्थियों 6:7

सच्चे प्यारे नैं, सच्चाईया दे वचने नैं, परमात्मे दी सामर्थी नैं, अहां अपणे आप्पे दी धार्मिकता दे रस्तेयां दा इस्तेमाल करणे तांई तारीफ करदे हन, जेह्ड़े सज्जे कने खब्बे हत्थे दे हत्थयारां साइआं हन।

गलातियों 2:9

कने जाह़लू तिन्हां तिस अनुग्रह जो जेह्ड़ा मिन्जो मिल्लेया था जाणी लेआ, तां याकूब, कने कैफा, कने यूहन्ना जेह्ड़े कलीसिया दे खम्भेयां साइआं समझे जांदे थे, मिन्जो कने बरनबासे जो संगतिया दा सज्जा हत्थ दित्ता कि अहां होरनी जातिआं दे लोकां अल्ल जान कने सैह़ यहूदी लोकां अल्ल जान।

गलातियों 3:1

हे नासमझ गलातिया दे बसुआसियो कुणी तुहां दियां अखीं पर पड़दा पाई दित्या ऐ? अहां तां तुहां जो खरे कित्ते समझाया कि क्जो यीशु मसीह सूल़िया पर मरेया।

इफिसियों 4:21

मैं इसा गल्ला च पक्का ऐ, कि जाह़लू तुहां यीशु मसीह दे बारे च सुणेया, तां तुहां तिसदे बारे च सच्चियां सिक्षां जो सिखया।

कुलुस्सियों 1:5

तुहां एह़ इसतांई करदे हन, क्जोकि बसुआस कने प्यारे दी बुनियाद सैह़ आसा ऐ, जेह्ड़ी तुहां तांई सुअर्गे च रखियो ऐ, जिसदे बारे च तुहां पैहल्ले ते ई तिस सुसमाचारे दे सच्चे वचने च सुणी चुकेयो हन,

1 थिस्सलुनीकियों 1:9

क्जोकि सैई अप्पु ई अहां दे बारे च ग्लांदे हन, कि जाह़लू अहां तुहां अल्ल आये, तां तुहां अहां दा सुआगत कितणे आदरे नैं कित्ता; कने एह़ भी कि कुस तरीके नैं तुहां मूर्तियां ते दूर होई नैं परमात्मे पास्से फिरे तांजे जिन्दे कने सच्चे परमात्मे दी सेवा करन।

1 तीमुथियुस 3:14

हलांकि मिन्जो आस ऐ कि मैं तौल़ी तिज्जो अल्ल ओंगा, अपर एह़ गल्लां तिज्जो इसतांई लिखा दा ऐ,

1 तीमुथियुस 3:16

कने इस च कोई शक नीं ऐ, कि अहां दे बसुआसे च बड़ा गैहरा भेत ऐ: मसीह जेह्ड़ा माणु बणी करी आया, कने पवित्र आत्मा दस्सेया कि सैह़ सच्च बिच्च परमात्मे दा पुत्तर था, सुअर्गदूतां तिसियो दिख्या, सारे संसारे दे लोकां च तिसदे बारे च प्रचार होएया, संसारे दे लोकां तिस पर बसुआस कित्ता, कने परमात्मे तिसियो सुअर्गे च लेई गेआ।

1 तीमुथियुस 3:2

इसतांई एह़ जरूरी ऐ कि कलीसिया दा अगुआ बेकसूर, कने इक्की लाड़िया दा लाड़ा, हर हालता च अपणे आप्पे जो काबू करणे आल़ा, सांत सभावे आल़ा, इज्जतदार, परोणेयां दी आदर-खातर करणे आल़ा, कने परमात्मे दे वचने जो खरे तरीके नैं सखाणे आल़ा होयैं।

1 तीमुथियुस 3:5

जे कोई अपणे परवारे जो ठीक ढंगे नैं चलाणा नीं जाणदा होयैं, तां परमात्मे दी कलीसिया दी रखवाल़ी किंआं करगा?

1 तीमुथियुस 4:10

अहां मेहनत कने कोसस इसतांई करदे हन कि अहां दी आस तिस जिन्दे परमात्मे पर ऐ, जेह्ड़ा सारे लोकां दा कने खास करी नैं बसुआसियां दा उद्धार करणे आल़ा ऐ।

1 तीमुथियुस 6:16

कने सिर्फ सैई ऐ, जेह्ड़ा हमेसा जिन्दा रैंह्दा ऐ, कने सैह़ बड़ी तेज जोत्ती च रैंह्दा ऐ, कि कोई तिसदे नेड़े नीं जाई सकदा, कने ना तिसियो कुणी माणुये दिख्या कने ना कदी दिक्खी सकदा ऐ। तिसदी महिमा कने सामर्थ हमेसा तांई रैंह्गी। आमीन।

2 तीमुथियुस 2:19

तमी परमात्मे दे लोकां दा बसुआस पक्किया नीआ साइआं मजबूत बणी रैंह्दा ऐ, कने तिसा नीआ पर एह़ सब्द लखुयो हन, “प्रभु जाणदा ऐ कि तिसदे अपणे लोक कुण हन,” कने एह़ भी “जेह्ड़ा प्रभु दी अराधना करदा ऐ, तिसियो बुरे कम्म करणा छड्डी दैणे चाइदे।”

2 तीमुथियुस 2:20

बड्डेयां घरां च ना सिर्फ सोन्ने चाँदी दे, अपर लकड़िया कने चिक्का दे भांडे भी हुंदे हन; कुच्छ भांडे खास मकसदे तांई कने कुच्छ भांडे आम मकसदे तांई इस्तेमाल हुंदे हन।

इब्रानियों 10:21

कने इसतांई कि अहां दा ऐदेया म्हान महायाजक ऐ जेह्ड़ा परमात्मे दे मंदरे दा हक्कदार ऐ,

इब्रानियों 12:22

तुहां लोक सिय्योने दे प्हाड़े दे बक्खे पुज्जे हन, जेह्ड़ा जिन्दे परमात्मे दा सैहर ऐ। एह़ सैह़ सुअर्गीय यरूशलेम ऐ, जित्थु लखां सुअर्गदूत खुसिया दा त्योहार मनांदे हन।

इब्रानियों 3:12

हे प्यारे साथी बसुआसियो, चौकन्ने रेह्आ, कि तुहां लोकां च इतणे बुरे कने बेबसुआसी नीं होन, कि परमात्मा जेह्ड़ा ज़िन्दगी दिंदा ऐ, तिसते दूर होई जान।

इब्रानियों 9:14

तां मसीह दा खून, जिन्हीं अपणे आप्पे जो सदा जिन्दा रैहणे आल़ी आत्मा दे जरिये परमात्मे सामणै बेकसूर बल़िया दे रूपे च चढ़ाई दित्ता, जिन्दे परमात्मे दी सेवा करणे तांई अहां दे जमीरे जो पापी कम्मां ते क्जो नीं सुद्ध करगा?

1 पतरस 2:5

तुहां भी जिन्दे पत्थरां साइआं हन, जिन्हां दा आत्मिक घर बणाणे तांई इस्तेमाल होआ दा ऐ। तुहां पवित्र याजकां दा समाज भी हन, कने प्रभु यीशु मसीह दिया मदता नैं ऐदेय बलिदान चढ़ांगे, जेह्ड़े परमात्मे जो खुस करदे हन।

1 पतरस 4:17

क्जोकि सैह़ बग्त आई रेह्आ ऐ कि परमात्मा पैहल्ले अपणे लोकां दा न्याय करैं, इसतांई कि जाह़लू सैह़ अहां बसुआसियां दा सबते पैहल्ले न्याय करगा तां तिन्हां खतरनाक गल्लां दे बारे च सोचा जेह्ड़ियां तिन्हां सौगी हुंगिया, जेह्ड़े परमात्मे दे सुसमाचारे जो नीं मनदे?

प्रकाशितवाक्य 7:2

भिरी मैं इक्क होर सुअर्गदूते जो जिन्दे परमात्मे दी मोहर लेई करी पूरब दिसा ते ऊपरेयो ओंदे दिख्या; तिन्हीं तिन्हां चौंन्नी सुअर्गदूतां नैं जिन्हां जो धरती कने समुंदरे दा नकसान करणे दा हक्क दित्या था, जोरे नैं ग्लाया,