1 तीमुथियुस 3:13 - काँगड़ी

¹³ क्जोकि जेह्ड़े सेवक दा कम्म खरे कित्ते करदे हन, सैह़ लोकां ते इज्जत पांदे हन, इसदा नतीजा एह़ ऐ कि सैह़ यीशु मसीह च अपणे बसुआसे दे बारे च लोकां जो दिलेरिया नैं दस्सी सकदे हन।

1 तीमुथियुस 3:13 Iomraidhean Croise

मत्ती 20:28

जिंआं कि मैं माणुये दा पुत्तर इसतांई नीं आया कि अपणी सेवा करवां, अपर इसतांई आया कि अप्पु सेवा करैं, कने मतेआं जो छड्डाणे तांई अपणे प्राण दैं।”

मत्ती 25:21

तिसदे मालकैं तिस नैं ग्लाया, ‘धन, हे अच्छे कने बसुआसे जोग्गे दास, तू थोड़ी धन दौलता जो सम्भाल़णे च ईमानदार रेह्आ; मैं तिज्जो मतिआं चीज्जां दा अधिकारी बणांगा। अपणे मालके दिया खुसिया च साझीदार बण।’

लूका 19:17

मालकैं तिस नैं ग्लाया, धन, ‘हे उत्तम दास। तू मते ते ई थोड़े च बसुआसे जोग्गा निकल़ेया हुण दस्सां सैहरां पर हक्क रख।’

प्रेरितां दे कम्म 21:35

जाह़लू सैह़ पैड़ियां पर पुज्जा, तां एह़ होएया कि भीड़ा दे दबाबे नैं जुआना जो तिसियो चुक्की करी लेई जाणा पेआ।

प्रेरितां दे कम्म 6:15

ताह़लू सारेयां लोकां जेह्ड़े सभा च बैठेयो थे, तिस पर नजर लगाई तां तिसदा मुँ सुअर्गदूते साइआं दुस्सेया।

प्रेरितां दे कम्म 6:5

एह़ गल्ल पूरी मंडल़िया जो खरी लग्गी, कने तिन्हां स्तिफनुस नांऐ दा इक्क माणु जेह्ड़ा बसुआस कने पवित्र आत्मा नैं भरोया था, कने फिलिप्पुस, कने प्रुखुरूस, कने निकानोर, कने तिमोन, कने परमिनास, कने अन्ताकिया सैहरे दा रैहणे आल़ा नीकुलाउस जेह्ड़ा यहूदी मत च आई गेआ था, चुणी लेआ।

प्रेरितां दे कम्म 6:8

सित्फनुस अनुग्रह कने सामर्थी नैं भरोई करी लोकां च बड़े-बड़े अनोखे कम्म कने चमत्कार दस्सणा लग्गा।

1 कुरिन्थियों 16:15

हे प्यारे साथी बसुआसियो, तुहां स्तिफनास दे परवारे जो जाणदे हन कि सैह़ अखाया प्रदेसे च पैहल्ले मसीह दे बसुआसी बणैं, कने परमात्मे दे लोकां दी सेवा करणे तांई त्यार रैंह्दे हन।

फिलिप्पियों 1:14

कने प्रभु च जेह्ड़े बसुआसी भाऊ हन, तिन्हां च होर सारे मेरे जेला च कैद होणे दिया बज़ाह ते, मजबूत बसुआसे नैं परमात्मे दा वचन बेझिझक सणाणे दी होर भी हिम्मत करदे हन।

1 थिस्सलुनीकियों 2:2

जिंआं तुहां अप्पु ई जाणदे हन, कि पैहल्ले अहां फिलिप्पी सैहरे च दुख झेलेया कने बुरा बर्ताब होणे दे बाद भी परमात्मैं अहां जो इतणी हिम्मत दित्ती, कि अहां परमात्मे दा सुसमाचार तुहां दे लाक्के च भारी बरोध दे होणे दे बावजूद भी तुहां जो सणाई सकन।

1 तीमुथियुस 3:14

हलांकि मिन्जो आस ऐ कि मैं तौल़ी तिज्जो अल्ल ओंगा, अपर एह़ गल्लां तिज्जो इसतांई लिखा दा ऐ,

2 तीमुथियुस 2:1

इसतांई हे मेरे पुत्तर तीमुथियुस, तू तिस अनुग्रह च जेह्ड़ा यीशु मसीह दिंदा ऐ, मजबूत होई जा,

इब्रानियों 6:10

क्जोकि परमात्मा गलत फैसला नीं करदा ऐ, कि तुहां दे कम्मां कने तिस प्यारे जो भुल्ली जां, जेह्ड़ा तुहां तिसदे नांऐ तांई इस तरीके नैं दस्सेया, कि तिसदे लोकां दी सेवा कित्ती कने करा दे भी हन।