1 तीमुथियुस 3:1 - काँगड़ी

¹ एह़ गल्ल सच्च ऐ कि जेह्ड़ा कलीसिया दा अगुआ बणना चांह़दा ऐ, सैह़ खरे कम्मां करणे दी इच्छा करदा ऐ,

1 तीमुथियुस 3:1 Iomraidhean Croise

लूका 15:10

मैं तुहां नैं ग्लांदा ऐ, इस तरीके नैं मन बदलणे आल़े पापी माणु दे बारे च परमात्मे दे सुअर्गदूतां दे सामणै बड़ी खुसी मनाई जांदी ऐ।”

प्रेरितां दे कम्म 1:20

पतरसैं एह़ भी ग्लाया, कि दाऊदैं अपणी भजन संहिता दिया कताबा च लिख्या ऐ, ‘तिसदा घर उजड़ी जां, कने तिस च कोई ना बसें’ कने दाऊदैं एह़ भी ग्लाया, कने ‘तिसदी पदवी कोई दूआ लेई लैं।’

प्रेरितां दे कम्म 20:28

इसतांई अपणी कने अपणे पूरे झुंडे दी चौकसी रखा जिस च पवित्र आत्मा तुहां जो अधिकारी बणाया ऐ, कि तुहां परमात्मे दिया कलीसिया दी रखवाल़ी करन, जिसियो तिन्हीं अपणे खूने नैं खरीदी लेआ ऐ।

रोमियो 11:13

मैं तुहां होरनी जातिआं दे लोकां नैं एह़ गल्लां ग्लांदा ऐ। जाह़लू कि मैं होरनी जातिआं दे लोकां तांई प्रेरित ऐ, तां मैं अपणी सेवा करणे च बड़ा गरूर करदा ऐ।

इफिसियों 4:12

जिसते परमात्मे दे लोक पक्के होई नैं सेवा दे कम्मां तांई त्यार होई जान, जिसते कि मसीह दा सरीर जेह्ड़ा कलीसिया ऐ, मजबूतिया नैं बधदी जां,

फिलिप्पियों 1:1

मैं पौलुस कने तीमुथियुस जेह्ड़े यीशु मसीह दे दास हन, अहां दिया तरफा ते एह़ चिठ्ठी परमात्मे सारे पवित्र लोकां दे नां पर, कने स्याणेयां कने सेवकां जो जेह्ड़े यीशु मसीह च होई नैं फिलिप्पी सैहरे च रैंह्दे हन, लिखदा ऐ।

1 थिस्सलुनीकियों 5:14

हे प्यारे साथी बसुआसियो, अहां तुहां जो समझांदे हन, कि जेह्ड़े लोक सुस्त हन, तिन्हां जो चतौणी देआ, डरफोकां जो हिम्मत देआ, बसुआसे च कमजोरेयां जो सम्भाल़ा, सबना सौगी सबरे नैं रेह्आ।

1 तीमुथियुस 1:15

जेह्ड़ी गल्ल मैं तुहां जो दस्सी सैह़ सच्च कने पूरे तरीके नैं बसुआस करणे जोग्गी ऐ। क्जोकि यीशु मसीह अहां पापी लोकां दा उद्धार करणे तांई इस संसारे च आया कने तिन्हां च सबते बड्डा पापी मैं ऐ।

1 तीमुथियुस 4:9

एह़ गल्ल सच्च ऐ कने हर तरीके नैं मन्नणे जोग्गी ऐ।

2 तीमुथियुस 2:11

एह़ गल्ल सच्च ऐ, कि जे अहां मसीह सौगी मरी गियो हन, तां तिस सौगी जिन्दे भी हुंगे;

तीतुस 1:7

क्जोकि अगुआ परमात्मे दा भण्डारी होणे दिया बज़ाह ते बेकसूर होणा चाइदा; ना जिद्द करणे आल़ा, ना गुस्सा करणे आल़ा, ना पियक्कड़, ना मारपीट करणे आल़ा, कने ना नीच कमाईया दा लालची होयैं,

तीतुस 3:8

एह़ गल्लां सच्चियां हन, कने मैं चांह़दा ऐ कि तू इन्हां गल्लां दे बारे च मजबूतिया नैं सखा। इसतांई कि जिन्हां परमात्मे दे रस्ते जो दिख्या कने बसुआस कित्या ऐ, सैह़ खरे-खरे कम्मां च लग्गी रैहणे दा ध्यान रखन। एह़ गल्लां खरियां कने लोकां दे फायदे दियां हन।

इब्रानियों 12:15

तुहां चौकनै रेह्आ, कोई भी माणु परमात्मे दे अनुग्रह बगैर नीं रेई जां। ध्यान देआ, कि तुहां च बेबसुआसे दी कोड़ी जड़ निकल़ी करी तकलीफ नीं दैं, जिसते कि सैह़ लोक परमात्मे दे सच्चे रस्ते दूर होई जान।

1 पतरस 2:25

तुहां पैहल्लैं भटकियां भेड्डां साइआं गलत रस्ते पर जा दे थे, अपर हुण तुहां मसीह दे पास्से बापस आई गियो हन, जेह्ड़ा तुहां दा गुआल़ा कने रखवाल़ा ऐ, कने तुहां दी देखभाल करदा कने तुहां पर अपणी नजर रखदा ऐ।

1 पतरस 4:15

अपर तुहां च कोई भी खूनिये, या इक्क चोरे साइआं, बुरे कम्म करणे आल़े साइआं, या दूये दे कम्मां च दखल-अंदाजी आल़े साइआं दुख नीं झेलैं।

1 पतरस 5:2

जिंआं गुआल़ा अपणियां भेड्डां दी रखवाल़ी करदे हन, तिंआं ई तुहां भी तिन्हां सारेयां दी रखवाल़ी करा, जेह्ड़े परमात्मे तुहां जो दित्यो हन, इसा सेवा जो अपणिया खुसिया नैं मन लगाई नैं करा, क्जोकि परमात्मा ऐई चांह़दा ऐ, तुहां इसियो कुसी दबाबे दिया बज़ाह ते मत करा कने ना ई धन-दौलता दे लालचे तांई अपर सिर्फ परमात्मे कने लोकां दी सेवा करणे तांई।