1 तीमुथियुस 2:8 - काँगड़ी

⁸ इसतांई मैं चांह़दा ऐ कि हर जगाह सभां च मरद हत्थां जो ऊपर चुक्की करी बगैर कुसी गुस्से कने बैंह्सबाजी नैं प्रार्थना करा करैं।

1 तीमुथियुस 2:8 Iomraidhean Croise

मत्ती 21:21

यीशुयैं तिन्हां जो जवाब दित्ता, “मैं तुहां नैं सच्च ग्लांदा ऐ, जे तुहां बसुआस रखन, कने शक नीं करन, तां ना सिर्फ एह़ करगे जेह्ड़ा इस धूड़े दे रूखे नैं कित्ता ऐ, अपर जे इस प्हाड़े नैं भी ग्लांगे, पटौई जा, कने समुंदरे च जाई पो, तां एह़ होई जांगा।

मत्ती 5:44

अपर मैं तुहां नैं एह़ ग्लांदा ऐ, कि अपणे दुश्मणा नैं भी प्यार रखा कने अपणे सताणे आल़ेआं तांई प्रार्थना करा।

मत्ती 6:12

कने जिंआं अहां अपणे अपराधियां जो माफ कित्या ऐ, तिंआं ई तूमी अहां दे अपराधां जो माफ कर।

लूका 23:34

ताह़लू यीशुयैं ग्लाया, “हे पिता, इन्हां जो माफ कर, क्जोकि एह़ नीं जाणदे कि क्या करा दे हन?” कने तिन्हां पर्चियां पाई नैं तिसदे कपड़े बंडी लै।

लूका 24:50

ताह़लू यीशु तिन्हां जो बैतनिय्याह ग्रांऐ ते बाहर लेई गेआ, कने अपणा हत्थ चुक्की नैं आसीष दित्ती;

यूहन्ना 4:21

यीशु तिसा नैं ग्लाणा लग्गा, “हे नारी मेरी गल्ला दा बसुआस कर कि सैह़ बग्त ओआ दा ऐ, कि तुहां ना तां इस प्हाड़े पर पिता दी अराधना करी सकगे ना ई यरूशलेम सैहरे च।

प्रेरितां दे कम्म 10:2

सैह़ परमात्मे दा भक्त था, कने अपणे सारे घराने सौगी परमात्मे ते डरदा था, कने यहूदी गरीब लोकां जो बड़ा दान दिंदा, कने बराबर परमात्मे नैं प्रार्थना करदा था।

प्रेरितां दे कम्म 10:31

कने ग्लाणा लग्गा, ‘हे कुरनेलियुस, तेरी प्रार्थना सुणी लेई ऐ कने तेरे दान परमात्मे सामणै याद कित्ते गै हन।

प्रेरितां दे कम्म 10:4

तिन्हीं तिसियो ध्याने नैं दिख्या कने डरी करी ग्लाया, “हे प्रभु, क्या ऐ?” तिन्हीं तिस नैं ग्लाया, “तेरी प्रार्थना सुणी लेई ऐ कने तेरे दान परमात्मे सामणै याद कित्ते गै हन।

प्रेरितां दे कम्म 21:5

सत दिन बाद जाह़लू तित्थु ते अहां दे जाणे दा बग्त आया, तां अहां तित्थु ते चली पै; कने सबना जणासा कने जागतां समेत अहां जो सैहरे दे बाहर तिकर छड्डेया; कने अहां कनारे पर गोड्डे दे भार बेई करी प्रार्थना कित्ती,

प्रेरितां दे कम्म 7:60

भिरी गोड्डे दे भार बेई नैं जोरे नैं ग्लाणा लग्गा, “हे प्रभु, इस पापे तांई तिन्हां जो सज़ा मत दे।” कने एह़ ग्लाई करी तिन्हीं अपणे प्राण छड्डी दित्ते।

1 कुरिन्थियों 1:2

मैं एह़ चिठ्ठी परमात्मे दी तिसा कलीसिया दे नांऐ पर लिखा दा जेह्ड़े कुरिन्थुस सैहरे च रैंह्दे हन, मतलब तिन्हां दे नांऐ पर जेह्ड़े यीशु मसीह च पवित्र कित्ते गै, कने पवित्र होणे तांई सद्देयो हन; कने तिन्हां सारेयां दे नांऐ पर भी जेह्ड़े हर जगाह अहां दे कने अपणे प्रभु यीशु मसीह दे नांऐ नैं प्रार्थना करदे हन।

1 कुरिन्थियों 7:7

मैं एह़ चांह़दा ऐ, कि जिंआं मैं कुआरा ऐ, तिंआं ई सारे लोक होन, अपर हर इक्की जो परमात्मे दे पास्से ते खास वरदान मिल्लेयो हन; परमात्मे कुसी जो ब्याह दा वरदान, कने कुसी जो कुआरे रैहणे दा वरदान दित्या ऐ।

2 कुरिन्थियों 2:14

अपर परमात्मे दा धन्यावाद होयैं, क्जोकि मसीह च अहां दी एकता दिया बज़ाह ते सैह़ अहां जो हमेसा अप्पु सौगी चलांदा ऐ, कने अहां जो जीत्त दिंदा ऐ। कने परमात्मा मसीह दे ज्ञाने जो इक्क मिठ्ठी खुसबुया साइआं अहां दे जरिये हर जगाह फैलांदा ऐ।

फिलिप्पियों 1:12

हे प्यारे साथी बसुआसियो, मैं चांह़दा ऐ, कि तुहां एह़ जाणी लेआ कि मिन्जो पर जेह्ड़ा बितेया ऐ, जिसदिया बज़ाह ते मतेआं लोकां सुसमाचारे पर बसुआस कित्ता।

1 थिस्सलुनीकियों 1:8

तुहां दे जरिये घल्लेया गेआ परमात्मे दा वचन ना सिर्फ मकिदुनिया प्रदेस कने अखाया प्रदेसे च सणाया गेआ, कने बधदा गेआ, अपर तुहां दा बसुआस जेह्ड़ा परमात्मे पर ऐ, तिसदी एह़ चर्चा हर जगाह च फैली गेई, कि इसदे बारे च अहां जो ग्लाणे दी जरूरत ई नीं पेई।

1 तीमुथियुस 5:14

इसतांई मैं सलाह दिंदा ऐ, कि जुआन बिधवां ब्याह करन; कने बच्चे जम्मन कने घरबार सम्भाल़न, कने कुसी भी दुश्मणे जो बदनाम करणे दा मौका ना दैन।

तीतुस 3:8

एह़ गल्लां सच्चियां हन, कने मैं चांह़दा ऐ कि तू इन्हां गल्लां दे बारे च मजबूतिया नैं सखा। इसतांई कि जिन्हां परमात्मे दे रस्ते जो दिख्या कने बसुआस कित्या ऐ, सैह़ खरे-खरे कम्मां च लग्गी रैहणे दा ध्यान रखन। एह़ गल्लां खरियां कने लोकां दे फायदे दियां हन।

इब्रानियों 10:22

तां ओआ, अहां परमात्मे दे नेड़े सच्चे मने कने पूरे बसुआसे सौगी जान, क्जोकि अहां दे मने दे अपराधां पर मसीह दा खून छिड़की नैं सरीर सुद्ध पांणिये नैं धोत्तेया ऐ तांजे अहां सुद्ध होई जान।

याकूब 4:8

परमात्मे नेड़े ओआ तां सैह़ भी तुहां दे नेड़े ओंगा। हे पापियो, अपणिया ज़िन्दगिया ते पाप दूर करा। कने हे दोगले लोको अपणे मनां जो पवित्र करा।

1 पतरस 3:7

तिंआं ई हे लाड़ेयो, तुहां भी समझदारिया नैं लाड़ियां सौगी ज़िन्दगी जीआ करा, कने तुहां जो एह़ गल्ल याद रखणा चाइदी कि जणासां तुहां ते कमजोर हन, इसतांई तुहां जो तिन्हां दी इज्जत करणी चाइदी। क्जोकि तुहां दोयो परमात्मे दे तिस वरदाने दे साझी हन, जेह्ड़ा सदा दी ज़िन्दगी ऐ, इआं करदे रेह्आ, तांजे जाह़लू तुहां प्रार्थना करन, ताह़लू परमात्मा तुहां दिया तिसा प्रार्थना जो सुणैं।