1 तीमुथियुस 2:15 - काँगड़ी

¹⁵ भिरी भी जणासां मसीह पर बसुआस बणाई रखदियां, कने बाक्कि लोकां सौगी प्यारे नैं, पवित्र कने खरे तरीके नैं बर्ताब करन तां परमात्मा तिन्हां दा बच्चे जम्मणे दे जरिये उद्धार करगा।

1 तीमुथियुस 2:15 Iomraidhean Croise

1 कुरिन्थियों 12:23

कने सरीरे दे जिन्हां अंगा जो अहां आदरे जोग्गा नीं समझदे हन, तिन्हां जो अहां जादा आदर दिंदे हन; कने अहां दे सैह़ अंग जेह्ड़े दुस्सणा नीं चाइदे, तिन्हां दा बड़ा ध्यान रखदे।

1 तीमुथियुस 1:14

यीशु मसीह च अहां दे प्रभु दा मता सारा अनुग्रह बसुआसे कने प्यारे नैं मिन्जो पर होएया।

1 तीमुथियुस 1:5

इस हुक्मे दा मकसद एह़ ऐ कि तुहां साफ मन, साफ अन्तर आत्मा कने सच्चे बसुआसे सौगी इक्की दूये नैं प्यार करा।

1 तीमुथियुस 2:9

इआं ई मैं चांह़दा कि मसीह जणासां ना ऐदेय बाल़ बणाई करी कने ना सोन्ने मोती दे मैंह्गे-मैंह्गे गैहणे पाई कने ना ई ऐदेय कपड़े पाई नैं अपणे आप्पे जो संवारन जिसदिया बज़ाह ते मरद तिन्हां जो पाणा चान, अपर सैह़ चज्जे दे कपड़े पा करन जेह्ड़े तिन्हां दे सरीरे जो खरे तरीके नैं ढकन।

तीतुस 2:12

इस अनुग्रह दे जरिये परमात्मा अहां जो चतौणी दिंदा ऐ, कि अहां तिस सभावे जो छड्डणा सीखन, जेह्ड़ा परमात्मे दी बेइज्जती करदा ऐ, कने अहां जो सारियां संसारिक चीज्जां दियां इच्छां जो भी छड्डणा चाइदा। अपर इसदिया जगाह इस बग्ते च अहां जो सबर कने पवित्र ज़िन्दगी जीणी चाइदी, जेह्ड़ी साबित करैं कि अहां परमात्मे दी इज्जत करदे हन।

1 पतरस 4:7

सारियां गल्लां दा अन्त तौल़ी होणे आल़ा ऐ; इसतांई अपणे आप्पे पर काबू करी नैं कने सच्चाई नैं प्रार्थना च लग्गी रेह्आ।