1 तीमुथियुस 2:1 - काँगड़ी

¹ सबना ते पैहल्लैं मैं इसा गल्ला पर जोर पाई नैं ग्लांदा ऐ कि परमात्मे दे सारे लोकां तांई विणती, प्रार्थना कने धन्यावाद कित्ते जान।

1 तीमुथियुस 2:1 Iomraidhean Croise

प्रेरितां दे कम्म 17:30

इसतांई परमात्मैं लोकां दिया मूर्खता पर ध्यान नीं दित्ता, अपर हुण हर जगाह सारे माणुआं जो मने बदलणे दा हुक्म दिंदा ऐ।

रोमियो 1:8

पैहल्ले मैं तुहां सारेयां तांई यीशु मसीह दे जरिये अपणे परमात्मे दा धन्यावाद करदा ऐ, क्जोकि तुहां दे बसुआसे दी चर्चा सारे संसारे दे लोकां च होआ दी ऐ।

रोमियो 6:17

अपर परमात्मे दा धन्यावाद होयैं, कि तुहां जेह्ड़ा पापे दे दास थे हुण मने ते तिसा सिक्षा जो मन्नणे आल़े होई गै, जिसदे सांचे च ढालेयो थे,

1 कुरिन्थियों 15:3

इसा बज़ाह ते मैं सबना ते पैहल्लैं तुहां जो सैई जरूरी गल्ल दस्सी दित्ती, जेह्ड़ी मिन्जो प्रभु दे पास्से ते मिलियो थी कि पवित्रशास्त्रे दे वचने मताबक यीशु मसीह अहां दे पापां तांई मरी गेआ,

2 कुरिन्थियों 8:6

इसतांई अहां तीतुसे नैं विणती कित्ती, कि जिंआं तिन्हीं पैहल्ले सुरू कित्या था, तिंआं ई सैह़ तुहां गरीब बसुआसियां बिच्च इसा दान दैणे दिया सेवा जो पूरा भी करैं।

इफिसियों 3:13

मतलब एह़ कि अहां जो दुखां दिया बज़ाह ते हौंसला नीं छड्डणा चाइदा, क्जोकि एह़ सारे तुहां दे फायदे तांई हन।

इफिसियों 5:20

कने सदा सारियां गल्लां तांई अहां दे प्रभु यीशु मसीह दे नांऐ ते परमात्मे पिता दा धन्यावाद करदे रेह्आ।

इफिसियों 6:18

कने हर बग्त जिंआं पवित्र आत्मा दस्सदा ऐ, अहां जो प्रार्थना कने विणती करदे रेह्आ, कने इसतांई जागदे रेह्आ कि सारे परमात्मे दे लोकां तांई लगातार विणती करदे रेह्आ करा,

फिलिप्पियों 1:3

मैं जाह़लू-जाह़लू तुहां जो याद करदा ऐ, ताह़लू-ताह़लू अपणे परमात्मे दा धन्यावाद करदा ऐ,

फिलिप्पियों 4:6

कुसा भी गल्ला दी फिकर मत करा। अपर हर इक्क हलात च तुहां दी दरखास्त, प्रार्थना कने विणती धन्यावाद सौगी परमात्मे सामणै पेस कित्ते जान।

1 थिस्सलुनीकियों 3:12

कने प्रभु इआं करैं कि जिंआं अहां तुहां नैं प्यार रखदे हन, तिंआं ई तुहां दा प्यार भी अप्पु च कने सारे माणुआं सौगी बधदा जां, कने तरक्की करदा जां,

2 थिस्सलुनीकियों 1:3

हे प्यारे साथी बसुआसियो, तुहां दे बारे च अहां जो हमेसा परमात्मे दा धन्यावाद करणा चाइदा, कने एह़ ठीक भी ऐ, इसतांई कि तुहां दा बसुआस यीशु मसीह च बड़ा जादा बधी गेआ ऐ, कने तुहां सारेयां दा प्यार अप्पु च बड़ा ई बधदा जा दा ऐ।

1 तीमुथियुस 2:4

कने परमात्मा चांह़दा ऐ कि सारे लोक उद्धार पान, कने सच्चाईया जो जाणन,

1 तीमुथियुस 5:5

तिसा बिधवा दी जिसादी देखभाल करणे आल़ा कोई नीं ऐ, सैह़ परमात्मे पर आस रखदी ऐ, कने मदत तांई रात दिन परमात्मे नैं विणती कने प्रार्थना च लग्गी रैंह्दी ऐ।

2 तीमुथियुस 2:24

प्रभु दे दासे जो झगड़ालू नीं होणा चाइदा। अपर सैह़ सबना सौगी सरीफिया नैं कने परमात्मे दे वचने जो खरे तरीके नैं सखाणे आल़ा कने सबर रखणे आल़ा होणा चाइदा।

तीतुस 2:11

तिन्हां बसुआसियां जो इआं ई सखा, क्जोकि परमात्मे अपणा अनुग्रह सारे लोकां जो तिन्हां दे पापां ते बचाणे तांई प्रगट कित्ता ऐ।

तीतुस 3:2

कुसी जो भी बदनाम मत करा, झगड़ालू मत बणा; अपर दूये लोकां पर दया करा, कने सारे लोकां सौगी बड़े नरम सभावे नैं रेह्आ।

इब्रानियों 6:11

आलसी मत बणा। अपर मेहनत करणे आल़ेआं साइआं बणा, तुहां एह़ प्यारे दे कम्म सबर कने बसुआसे सौगी लगातार अन्त तिकर करदे रेह्आ, कने परमात्मे दे वादेयां जो पाणे तांई पक्की आसा रखा।

याकूब 5:16

इसतांई तुहां अप्पु च इक्की दूये दे सामणै अपणे-अपणे पापां जो मन्नी लेआ, कने इक्की दूये तांई प्रार्थना करा, जिसते तुहां खरे होई जान, धर्मी जण दी प्रार्थना दे असर ते बड़ा कुच्छ होई सकदा ऐ।