1 तीमुथियुस 1:7 - काँगड़ी

⁷ एह़ मूसा दिया व्यबस्था जो सखाणे आल़े तां बणना चांह़दे हन, अपर जेह्ड़ियां गल्लां बड़िया हिम्मता नैं दूये लोकां जो सखांदे हन कने तिन्हां जो नीं जाणदे कि सैह़ क्या सखा दे हन।

1 तीमुथियुस 1:7 Iomraidhean Croise

मत्ती 15:14

“तिन्हां जो जाणा देआ; सैह़ अन्ने जो रस्ता दस्सणे आल़े हन कने अन्ना जे अन्ने जो रस्ता दस्से, तां दोयो खड्डे च पोंगे।”

मत्ती 21:27

तिन्हां यीशुये जो जवाब दित्ता, “अहां नीं जाणदे।” तिन्हीं भी तिन्हां नैं ग्लाया, “तां मैं भी तुहां जो नीं दस्सदा कि एह़ कम्म कुस हक्के नैं करदा ऐ।”

लूका 2:46

तोपदे-तोपदे त्रीं दिनां बाद तिन्हां जो सैह़ मंदरे दे अँगणे च यहूदी धार्मिक गुरुआं बिच्च बैठेया कने तिन्हां सौगी सवाल-जवाब करदा दिख्या।

प्रेरितां दे कम्म 15:1

भिरी कुच्छ यहूदी बसुआसी यहूदिया प्रदेसे ते आई करी बसुआसी भाऊआं जो सिक्षा दैणा लग्गे, “जे मूसा दी रीतिया पर तुहां दा खतणा ना होयैं तां तुहां उद्धार नीं पाई सकदे हन।”

रोमियो 1:22

सैह़ अपणे आप्पे जो अक्लमंद बणाई नैं मूर्ख बणी गै,

गलातियों 3:2

मैं तुहां ते सिर्फ एह़ जाणना चांह़दा ऐ, क्या तुहां पवित्र आत्मा मूसा दिया व्यबस्था जो मन्नणे दिया बज़ाह ते, या सुसमाचार सुणने कने तिस पर बसुआस करणे दिया बज़ाह ते पाया?

गलातियों 3:5

परमात्मा जेह्ड़ा तुहां जो पवित्र आत्मा दिंदा ऐ कने तुहां च सामर्थी दे कम्म करदा ऐ, सैह़ क्या मूसा दिया व्यबस्था जो मन्नणे ते या मसीह दे सुसमाचारे पर बसुआसे करणे दिया बज़ाह ते इआं करदा ऐ?

गलातियों 4:21

तुहां जेह्ड़े मूसा दिया व्यबस्था दे अधीन होणा चांह़दे हन, सिर्फ मेरियां गल्लां सुणा, मैं तुहां जो सैह़ दस्सगा, जेह्ड़ा मूसा दी व्यबस्था दिया कताबा च लिख्या ऐ।

1 तीमुथियुस 6:4

तां सैह़ घमंडी होई गेआ ऐ, कने सैह़ कुच्छ भी नीं जाणदा। ऐदेय माणु बैंह्सबाजी कने बेकार दियां गल्लां कने सब्दां दे बारे च झगड़ा करणा चांह़दे हन, जिसदा नतीजा जल़ण, झगड़े, निंदा दी गल्लां कने बुरे-बुरे शक,

2 तीमुथियुस 3:7

कने एह़ जणासां हमेसा नौईआं गल्लां सिखदियां हन अपर मसीह दिया सच्चाईया जो कदी नीं समझी सकदियां।

याकूब 3:1

हे मेरे प्यारे साथी बसुआसियो, कलीसिया च मतेआं जो गुरू नीं बणना चाइदा, क्जोकि तुहां जाणदे हन, कि परमात्मा अहां सखाणे आल़ेआं दा सक्तिया नैं न्याय करगा।

2 पतरस 2:12

अपर एह़ झूठे सिक्षक जंगली जानवरां साइआं हन, जेह्ड़े पकड़णे तांई कने नास होणे तांई पैदा होएयो हन। जिन्हां गल्लां जो जाणदे ई नीं हन, तिन्हां दे बारे च दूयेयां जो बुरा भला ग्लांदे हन, सैह़ जरूर इन्हां जंगली जानवरां साइआं नास कित्ते जांगे।