1 तीमुथियुस 1:4 - काँगड़ी

⁴ कने तिन्हां बेकार काहणियां कने पूर्वजां दियां मनगढ़ंत काहणियां पर मन मत लगा, जिन्हां ते लड़ाई झगड़े हुंदे हन, एह़ चीज्जां परमात्मे दा कम्म करणे च मदत नीं करदियां। क्जोकि परमात्मे दा कम्म तांई होई सकदा ऐ, जे कोई तिस पर बसुआस करैं।

1 तीमुथियुस 1:4 Iomraidhean Croise

2 कुरिन्थियों 1:12

अहां अपणिया समझा पर घमंड करदे हन, क्जोकि एह़ बिलकुल ठीक ऐ, कि संसारे च कने खास करी नैं तुहां बिच्च, अहां दा चाल-चलण परमात्मे दे जरिये दित्ती गेई पवित्रता कने सच्चाईया सौगी था, जेह्ड़ा संसारे दे ज्ञान ते नीं, अपर परमात्मे दे अनुग्रह सौगी था।

इफिसियों 3:2

तुहां जेह्ड़ा सुणेया सैह़ सच्च ऐ, कि मिन्जो परमात्मे अपणे अनुग्रह दे जरिये तुहां जो सुसमाचार सणाणे दी जिम्मेवारी दित्तियो ऐ,

1 तीमुथियुस 3:16

कने इस च कोई शक नीं ऐ, कि अहां दे बसुआसे च बड़ा गैहरा भेत ऐ: मसीह जेह्ड़ा माणु बणी करी आया, कने पवित्र आत्मा दस्सेया कि सैह़ सच्च बिच्च परमात्मे दा पुत्तर था, सुअर्गदूतां तिसियो दिख्या, सारे संसारे दे लोकां च तिसदे बारे च प्रचार होएया, संसारे दे लोकां तिस पर बसुआस कित्ता, कने परमात्मे तिसियो सुअर्गे च लेई गेआ।

1 तीमुथियुस 4:7

अपर तिन्हां बेकार कने पूर्वजां दियां मनगढ़ंत काहणियां ते दूर रैह्, जिन्हां ते परमात्मे दी इज्जत नीं हुंदी, बल्कि अपणे आप्पे जो सारियां गल्लां च परमात्मे जो मन्नणा सीख।

1 तीमुथियुस 6:11

अपर हे परमात्मे दे जण तीमुथियुस, तू इन्हां गल्लां ते दूर होई जा, कने सच्चाई, परमात्मे दी भक्ति, मसीह पर बसुआस, लोकां नैं प्यार कने सबर कने नम्रता दा पीछा कर।

1 तीमुथियुस 6:20

हे तीमुथियुस, तू एह़ निस्चा कर जेह्ड़ा परमात्मे तिज्जो दित्या ऐ कि तू सैई करदा ऐ। कने तिन्हां लोकां दी मत सुणदा जेह्ड़े हमेसा मूर्ख गल्लां करदे हन, जिन्हां नैं परमात्मे दी इज्जत नीं हुंदी ऐ कने बेकार च बैंह्स करदे हन, कने सैह़ ग्लांदे हन, कि एह़ ज्ञान ऐ, अपर सच्च बिच्च एह़ नीं ऐ।

2 तीमुथियुस 2:14

जेह्ड़ियां गल्लां मैं तिज्जो दस्सियां हन, तिन्हां जो अपणे लोकां जो भुलणा मत दिंदा, कने प्रभु दी मौजूदगिया च जेह्ड़ा इक्क गवाह ऐ। तिज्जो तिन्हां जो चतौणी दैणी चाइदी, कि सब्दां दे मतलबां जो लेई करी बैंह्सबाजी नीं करणी चाइदी, जिसा जो करणे ते कुच्छ फायदा नीं हुंदा, अपर सुणने आल़े लोकां तांई बड़ा बड्डा नकसान ई हुंदा ऐ।

2 तीमुथियुस 2:22

तिन्हां बुरिआं चीज्जां ते अप्पु जो दूर रख, जिन्हां जो जुआन माणु करणा चांह़दे हन, कने जेह्ड़े लोक साफ मने नैं प्रभु दी अराधना करदे हन, तिन्हां सौगी-सौगी सच्चाईया नैं, बसुआस नैं, कने प्यार नैं भी मेल-जोल बणाई नैं रख।

2 तीमुथियुस 2:23

अपर बेअक्ली कने उटपटांग दी बैंह्सबाजी ते दूर रैह्, क्जोकि तू जाणदा ऐ कि इन्हां ते झगड़े पैदा हुंदे हन।

2 तीमुथियुस 4:4

कने सैह़ अपणे कन्नां जो सच्चाईया दे पास्से ते फेरी करी बनावटी कने पूर्वजां दियां मनगढ़ंत काहणियां पर मन लगांगे।

तीतुस 1:1

मैं पौलुस जेह्ड़ा परमात्मे दा दास कने यीशु मसीह दा प्रेरित ऐ, तुहां जो एह़ चिठ्ठी लिखा दा ऐ। मैं परमात्मे दे चुणेयो लोकां दे बसुआसे जो मजबूत करणे तांई चुणेया ऐ, कने तिन्हां दी मदत करणे तांई तांजे सैह़ तिसा सच्चाईया जो जाणी करी ऐदई ज़िन्दगी जीन, जिसते परमात्मा खुस हुंदा ऐ।

तीतुस 1:14

तुहां यहूदियां दी मनगढ़ंत काहणियां कने तिन्हां माणुआं दे हुक्मां पर मन नीं लगाणा, जेह्ड़े सच्चाईया ते भटकी गियो हन।

तीतुस 3:9

अपर मूर्खता दिया बैंह्सबाजिया ते, कने पूर्वजां दियां मनगढ़ंत काहणिया ते, दुश्मणी ते, कने तिन्हां झगड़ेयां ते जेह्ड़े मूसा दिया व्यबस्था दे बारे च होन, बची करी रेह्आ, क्जोकि तिन्हां गल्लां दा कोई फायदा नीं कने मतलब दियां नीं हन।

इब्रानियों 13:9

इन्हां सारियां नौईआं कने लग्ग-लग्ग सिक्षां दा पालण मत करा, जेह्ड़ियां तुहां जो गलत रस्ते पास्से लेई जांदियां हन। क्जोकि तुहां दे मनां तांई खरा ऐ, कि परमात्मे दे अनुग्रह दे जरिये मजबूत बणन, ना कि तिन्हां नियमां जो मन्नणे दे जरिये जेह्ड़े खाणे दे बारे च हन, इन्हां नैं मतलब रखणे आल़े जो कुच्छ फायदा नीं हुंदा।

2 पतरस 1:16

क्जोकि जाह़लू अहां प्रेरितां तुहां जो अपणे प्रभु यीशु मसीह दी सामर्थी दा, कने बापस ओणे दा समाचार दित्या था, तां अहां तुहां जो चलाकियां नैं मनगढ़ंत काहणियां जो नीं दस्सदे थे, अपर अहां अपणियां अखीं नैं यीशु मसीह दिया महिमा जो दिख्या था।