1 तीमुथियुस 1:3 - काँगड़ी

³ मैं तिज्जो भिरी ग्ला दा ऐ, जेह्ड़ा तिज्जो नैं इफिसुस सैहरे जो छड्डी करी मकिदुनिया प्रदेसे जो जाणे ते पैहल्लैं करणे जो दस्सेया था, कि तिन्हां झूठे सिक्षकां जो हुक्म देई नैं रोका कि झूठी सिक्षा मत देआ,

1 तीमुथियुस 1:3 Iomraidhean Croise

प्रेरितां दे कम्म 18:19

तिन्हीं इफिसुस सैहरे च पुज्जी करी प्रिसकिल्ला कने अक्विला जो तित्थु छड्डी दित्ता, कने अप्पु आराधनालय च जाई करी यहूदियां नैं वाद-विवाद करणा लग्गा।

प्रेरितां दे कम्म 18:21

अपर एह़ ग्लाई करी तिन्हां ते विदा होई करी चली गेआ, “जे परमात्मे चाया तां मैं तुहां अल्ल भिरी ओंगा।” ताह़लू सैह़ इफिसुस सैहरे ते समुंदरी जाह्जे पर बेई नैं चली पेआ;

रोमियो 15:26

क्जोकि मकिदुनिया कने अखाया प्रदेसे दे लोकां जो एह़ करणा खरा लग्गा, कि यरूशलेम सैहरे दे बसुआसियां च गरीबां तांई कुच्छ दान दैन।

रोमियो 16:17

हुण हे प्यारे साथी बसुआसियो, मैं तुहां नैं विणती करदा ऐ, कि तुहां तिन्हां लोकां ते चौकन्ने कने दूर रेह्आ, जेह्ड़े तिसा सिक्षा दे खलाफ हन जेह्ड़ी तुहां जो मिलियो ऐ कने जेह्ड़े दूयेयां लोकां दे बसुआसे च कमजोर होणे दी कने झगड़े दी बज़ाह बणदे हन।

2 कुरिन्थियों 11:4

जे कोई माणु तुहां अल्ल आई नैं कुसी दूये यीशुये दा प्रचार करदा ऐ। जिसदा प्रचार अहां नीं कित्ता, या कोई होर आत्मा तुहां जो मिल्ली जां, जेह्ड़ी पैहल्ले नीं मिलियो थी, या होर कोई सुसमाचार सणा जिसियो तुहां पैहल्ले नीं सुणेया था, जे तुहां तिन्हां गल्लां जो मनदे हन, तां तुहां गलत हन।

इफिसियों 4:14

तांजे अहां गांह तांई बच्चेयां साइआं नीं रैह़न। अहां जो कदी भी धोखे बाज लोकां दिया झूठिया सिक्षा च नीं फसणा चाइदा, जेह्ड़ियां हौआ साइआं अहां जो इक्की जगाह ते दूईआ जगाह पटकदियां हन।

फिलिप्पियों 2:24

कने मिन्जो प्रभु च भरोसा ऐ कि मैं अप्पु भी तौल़ी ओंगा।

1 तीमुथियुस 4:11

बसुआसी लोकां जो इन्हां गल्लां दा हुक्म दे, कने सखांदा रैंह्।

1 तीमुथियुस 4:6

जे तू बसुआसियां जो लगातार इन्हां गल्लां दी याद दिलांदा रैंह्गा, कने जिंआं बसुआस कने तिसा खरिया सिक्षा दियां गल्लां ते, जेह्ड़ियां तू मनदा आया ऐ, तेरा पालण पोसण करदा ऐ, तां तू यीशु मसीह दा खरा सेवक बणगा।

1 तीमुथियुस 5:7

इन्हां गल्लां दा भी बसुआसियां जो हुक्म देआ कर तांजे सैह़ बेकसूर रैह़न।

1 तीमुथियुस 6:10

क्जोकि धन-दौलता दा लालच सारियां बुराईआं दी जड़ ऐ, जिसा जो पाणे तांई कोसस करदे-करदे कुच्छ लोक बसुआसे ते भटकी नैं अपणे आप्पे जो हर किस्मां दे दुखां च पाई दित्या ऐ।

1 तीमुथियुस 6:17

इस संसारे दे अमीरां माणुआं जो हुक्म दे कि सैह़ घमंडी ना होन कने सैह़ धन-दौलता पर आस ना रखन, जेह्ड़ी कुच्छ बग्ते तांई ऐ, अपर सैह़ परमात्मे पर आस रखन, जेह्ड़ा अहां दे सुखे तांई सब कुच्छ इमानदारिया नैं अहां जो दिंदा ऐ।

1 तीमुथियुस 6:3

जे कोई झूठी सिक्षा दिंदा ऐ कने अहां दे प्रभु यीशु मसीह दे खरे संदेस, यानकि परमात्मे दी भक्ति दिया सिक्षा ते सेहमत नीं हुंदा,

2 तीमुथियुस 1:18

मैं विणती करदा ऐ, कि जाह़लू प्रभु बापस ओंगा, तां प्रभु तिस पर दया करैं कने तू अप्पु ई खरे कित्ते जाणदा ऐ, कि जाह़लू मैं इफिसुस सैहरे च था। तां तिन्हीं मेरी कितणी मदत कित्ती।

2 यूहन्ना 1:7

क्जोकि मते सारे लोक दूयेयां जो भरमाणे तांई इस संसारे च आई गियो हन, जेह्ड़े एह़ नीं मनदे कि यीशु मसीह सरीरे च होई नैं आया। भरमाणे आल़ा कने मसीह दे बरोधी ऐई हन।

प्रकाशितवाक्य 2:14

अपर मेरी तिज्जो नैं एह़ शकायत ऐ: कि तेरे ऐत्थु कुच्छ लोक तां ऐदेय हन, जेह्ड़े बिलाम दी सिक्षा जो मनदे हन, जिन्हीं बालाके जो इस्राएली लोकां जो भटकाणे तांई सखाया कि सैह़ मूर्तियां सामणै चढ़ाईयां चीज्जां जो खान कने ब्यभिचार करन।

प्रकाशितवाक्य 2:20

अपर मेरी तिज्जो नैं एह़ शकायत ऐ: कि तू तिसा जणासा इजेबेले जो रैहणा दिंदा ऐ जेह्ड़ी अपणे आप्पे जो भविष्यवक्ता ग्लांदी ऐ, कने मेरे दासां जो ब्यभिचार करणा कने मूर्तियां सामणै चढ़ाईयां चीज्जां जो खाणा सखाई नैं भटकांदी ऐ।