1 तीमुथियुस 1:19 - काँगड़ी

¹⁹ तुहां यीशु मसीह च अपणे बसुआसे जो बणाई कने अपणिया अन्तर आत्मा जो साफ रखा। कुच्छ लोकां तां अपणिया साफ अन्तर आत्मा जो छड्डी दित्या ऐ, जिसदिया बज़ाह ते यीशु मसीह च तिन्हां दा बसुआस मुक्की गेआ ऐ।

1 तीमुथियुस 1:19 Iomraidhean Croise

मत्ती 6:27

तुहां च कुण ऐ, जेह्ड़ा फिकर करी नैं अपणिया उम्रा च इक्क घड़ी भी बधाई सकदा ऐ?

1 कुरिन्थियों 11:19

अपर हाँ एह़ सच्च ऐ कि तुहां च बैर होणा जरूरी भी ऐ, तांजे जेह्ड़े लोक परमात्मे दे जरिये चुणेयो हन, सैह़ प्रगट होई जान।

गलातियों 5:4

तुहां जेह्ड़े व्यबस्था जो मन्नी करी धर्मी बणना चांह़दे हन, तां तुहां अपणे आप्पे जो मसीह ते लग्ग करदे हन, कने परमात्मे दे अनुग्रह जो अपनाणे ते इन्कार करदे हन।

1 तीमुथियुस 1:5

इस हुक्मे दा मकसद एह़ ऐ कि तुहां साफ मन, साफ अन्तर आत्मा कने सच्चे बसुआसे सौगी इक्की दूये नैं प्यार करा।

1 तीमुथियुस 3:9

अपर तिन्हां दी साफ अन्तर आत्मा होणी चाइदी, जिंआं सैह़ लगातार तिसा सच्चिया सिक्षा पर बसुआस करदे हन, जिसा जो परमात्मे प्रगट कित्या ऐ ।

1 तीमुथियुस 6:12

जिंआं इक्क खरा सपाई लड़ाईया च लड़ाई करणा कदी नीं छड्डदा, तिंआं ई तिज्जो भी परमात्मे पर बसुआस करणा कने तिसदे पचांह़ चलणा कदी नीं छड्डणा चाइदा। तांजे तू अपणे इनामे दे रूपे च सदा दी ज़िन्दगिया जो पाई सकैं, जिस तांई तू सद्देया गेआ, जाह़लू तैं मते लोकां सामणै साफ-साफ ग्लाया था, कि तू मसीह पर बसुआस करदा ऐ।

1 तीमुथियुस 6:21

क्जोकि कुच्छ लोक इस ज्ञाने जो पाई करी बसुआसे ते भटकी गियो हन। तुहां सबना पर अनुग्रह हुंदा रैंह्।

1 तीमुथियुस 6:9

अपर जेह्ड़े लोक अमीर होणा चांह़दे हन, सैह़ ऐदई परीक्षा कने फंदे कने बड़ियां नकसान करणे आल़िआं इच्छां च जानवरां साइआं फंसदे हन, जेह्ड़ियां माणुआं जो बिगाड़ी कने पूरे तरीके नैं नास करी दिंदियां हन।

2 तीमुथियुस 2:18

तिन्हां सच्चाईया पर बसुआस करणा छड्डी दित्या ऐ, सैह़ एह़ ग्लांदे हन, कि परमात्मे मरेयां बसुआसियां जो सदा दी ज़िन्दगिया तांई पैहल्ले ते ई जिन्दा करी दित्या ऐ। जिसदा नतीजा एह़ ऐ कि सैह़ कुच्छ बसुआसियां जो मसीह दिया सिक्षा जो नीं करणे तांई मनांदे हन।

2 तीमुथियुस 4:4

कने सैह़ अपणे कन्नां जो सच्चाईया दे पास्से ते फेरी करी बनावटी कने पूर्वजां दियां मनगढ़ंत काहणियां पर मन लगांगे।

तीतुस 1:9

तिसियो यीशु मसीह दे बसुआसे आल़े वचनां पर मजबूतिया सौगी भरोसा करणा चाइदा, जेह्ड़ा अहां सखाया था। तांजे सैह़ दूयेयां जो ठीक सिक्षा मन्नणे तांई हिम्मत देई सकैं, कने दूयेयां दिया गलतिया जो ठीक करी सकैं।

इब्रानियों 3:14

जे अहां अपणे पैहल्ले भरोसे जो अन्त तिकर मजबूत बणाई रखदे हन, तां अहां मसीह दे हिस्सेदार बणी जांदे हन।

1 यूहन्ना 2:19

मसीह दे बरोधी तां अहां ते ई निकल़ेयो हन, अपर सैह़ अहां दे अपणे नीं थे। क्जोकि जे सैह़ अहां दे अपणे हुंदे, तां अहां सौगी रैंह्दे; अपर इसतांई निकल़ी गै तांजे एह़ पता लग्गी जां कि सैह़ सारे अहां दे अपणे नीं हन।

प्रकाशितवाक्य 3:10

तैं दुखां च भी सबर रखी नैं मेरे वचनां दा पालण कित्ता ऐ, इसतांई मैं तिज्जो परीक्षा दे तिस बग्त बचाई रखगा, मैं भी तिस बग्त इस संसारे दे सारे लोकां जो परखणे तांई ओंगा।

प्रकाशितवाक्य 3:3

इसतांई याद कर कि तैं कुस तरीके नैं सिक्षा हासल कित्ती कने सुणी, कने तिस च बणी रैंह् कने अपणे मने बदल। जे तू चौकन्ना नीं हुंगा तां मैं चोरे साइआं आई जांगा कने तू तिस बग्ते जो कदी नीं जाणी सकगा, जाह़लू मैं तिज्जो सज़ा दैणे तांई ओंगा।

प्रकाशितवाक्य 3:8

मैं तेरे कम्मां जो जाणदा ऐ; इसतांई मैं तेरे सामणै इक्क दरवाजा खोली रखेया ऐ, जिसियो कोई बंद नीं करी सकदा; मैं जाणदा ऐ कि तिज्जो अल्ल थोड़ी काबिलियत ऐ, भिरी भी तैं मेरे वचनां दा पालण कित्ता ऐ कने मेरे नांऐ दा इन्कार नीं कित्ता।