1 तीमुथियुस 1:18 - काँगड़ी

¹⁸ हे मेरे पुत्तर तीमुथियुस, मैं तिज्जो एह़ सलाह दिंदा ऐ, कि तू भविष्यवक्ता दियां ग्लाईयां गल्लां याद कर कि तिज्जो नैं क्या होणा ऐ। तिज्जो तिसदियां ग्लाईयां गल्लां जो तिन्हां झूठी सिक्षा दैणे आल़े लोकां दे खलाफ हत्थयारां साइआं इस्तेमाल करणा जरूरी ऐ।

1 तीमुथियुस 1:18 Iomraidhean Croise

प्रेरितां दे कम्म 16:1

भिरी सैह़ दिरबे कने लुस्त्रा सैहरे च भी गेआ। तित्थु तीमुथियुस नांऐ दा इक्क चेला था, जेह्ड़ा बसुआसी यहूदनी जणासा दा जागत था, अपर तिसदा बुढ़ा यूनानी था।

1 कुरिन्थियों 4:17

इसतांई मैं तीमुथियुसे जो जेह्ड़ा प्रभु च प्यारा कने बसुआसे च मेरे जागते साइआं ऐ, तुहां अल्ल घल्लेया ऐ। सैह़ तुहां जो याद करांगा, कि किंआं मैं यीशु मसीह पचांह़ चलदा ऐ, ठीक तिंआं ई जिंआं मैं हर इक्की कलीसिया च जाई नैं सिक्षा दिंदा ऐ।

1 कुरिन्थियों 9:7

कुण सपाई ऐदेया ऐ, जेह्ड़ा सेना च सेवा करी नैं अपणा खर्च अप्पु भुगतान करदा ऐ? कुण ऐ, जेह्ड़ा अंगूरा दे बागे जो लगांदा तां ऐ, अपर अप्पु तिसदा फल़ नीं खांदा? या कुण ऐदेया गुआल़ा ऐ, जेह्ड़ा भेड्डां दी रखवाल़ी करी नैं तिन्हां दा दुद नीं पींदा?

फिलिप्पियों 2:22

अपर तुहां तां तीमुथियुसे दिया काबलियता जो जाणदे हन कि जिंआं पुत्तर बुढ़े सौगी करदा ऐ, तिंआं ई तिन्हीं सुसमाचार फैलाणे च मिन्जो सौगी कड़ी मेहनत कित्ती।

1 तीमुथियुस 1:2

मैं तुहां जो एह़ चिठ्ठी तीमुथियुसे दे नांऐ पर लिखा दा ऐ, जेह्ड़ा मिन्जो तांई मेरे जागते साइआं ऐ। क्जोकि तिन्हीं भी मिन्जो साइआं यीशु मसीह पर बसुआस कित्ता, मैं प्रार्थना करदा ऐ, कि पिता परमात्मे कने अहां दे प्रभु यीशु मसीह ते तिज्जो अनुग्रह, दया कने सांति मिलदी रैंह्।

1 तीमुथियुस 1:5

इस हुक्मे दा मकसद एह़ ऐ कि तुहां साफ मन, साफ अन्तर आत्मा कने सच्चे बसुआसे सौगी इक्की दूये नैं प्यार करा।

1 तीमुथियुस 4:14

सैह़ वरदान जेह्ड़ा भविष्यवाणी दे जरिये स्याणेयां दे हत्थ रखदे बग्त तिज्जो मिल्लेया था, तिसियो तिज्जो लगातार इस्तेमाल करणा चाइदा।

1 तीमुथियुस 4:4

क्जोकि परमात्मे दी बणाईयो हर इक्क चीज्ज खरी ऐ, कने अहां सब कुच्छ खाई सकदे हन; अपर एह़ कि परमात्मे दा धन्यावाद करी नैं खादी जां।

1 तीमुथियुस 6:20

हे तीमुथियुस, तू एह़ निस्चा कर जेह्ड़ा परमात्मे तिज्जो दित्या ऐ कि तू सैई करदा ऐ। कने तिन्हां लोकां दी मत सुणदा जेह्ड़े हमेसा मूर्ख गल्लां करदे हन, जिन्हां नैं परमात्मे दी इज्जत नीं हुंदी ऐ कने बेकार च बैंह्स करदे हन, कने सैह़ ग्लांदे हन, कि एह़ ज्ञान ऐ, अपर सच्च बिच्च एह़ नीं ऐ।

2 तीमुथियुस 1:2

मैं तुहां जो एह़ चिठ्ठी तीमुथियुसे दे नांऐ पर लिखा दा ऐ, जेह्ड़ा मिन्जो तांई मेरे जागते साइआं ऐ। मैं प्रार्थना करदा ऐ, कि अहां दे पिता परमात्मे कने प्रभु यीशु मसीह दे पास्से ते तिज्जो अनुग्रह कने दया कने सांति मिलदी रैंह्।

2 तीमुथियुस 4:7

मैं मसीह दी सेवा तांई बड़ी मेहनत कित्ती ऐ, कने अपणिया दौड़ा जो पूरी करी लेआ ऐ, कने मैं आखरी तिकर बसुआसे च पक्का रेह्आ ऐ।

तीतुस 1:4

तीतुसे दे नां जेह्ड़ा बसुआसे च मेरा सच्चा पुत्तर ऐ; मैं प्रार्थना करदा ऐ, कि पिता परमात्मे कने अहां दे उद्धार करणे आल़े यीशु मसीह दे पास्से ते तिज्जो अनुग्रह कने सांति मिलदी रैंह्।

फिलेमोन 1:10

मैं उनेसिमुस तांई जेह्ड़ा मेरे जागते साइआं ऐ, कने जेह्ड़ा जेला च मेरे जरिये बसुआसे च आया, तिज्जो नैं विणती करदा ऐ।