1 तीमुथियुस 1:17 - काँगड़ी

¹⁷ हुण सदा काल तिकर राज्ज करणे आल़ा राजा मतलब सदा जिन्दा रैहणे आल़ा, जिसियो कोई नीं दिक्खी सकदा कने इकलौते परमात्मे दा आदर कने महिमा जुगा-जुग हुंदी रैंह्। आमीन।

1 तीमुथियुस 1:17 Iomraidhean Croise

मत्ती 25:34

ताह़लू मैं जेह्ड़ा राजा ऐ, अपणे सज्जे पास्से आल़ेआं नैं ग्लांगा, ‘हे मेरे पिता दे धन लोको, ओआ, तिस राज्जे दे अधिकारी होई जा, जेह्ड़ा संसारे दे सुरू ते लेई नैं तुहां तांई त्यार कित्या ऐ।

मत्ती 28:20

कने तिन्हां जो सारे हुक्म जेह्ड़े मैं तुहां जो दित्यो हन, तिन्हां जो मन्नणा सखा कने सुणा मैं संसारे दे अन्त तिकर सदा तुहां सौगी ऐ।”

मत्ती 6:13

कने अहां जो परीक्षा च मत पा, अपर दुष्ट सैताने ते बचा। (क्जोकि राज्ज, शक्ति कने महिमा सदा तेरे ई हन।’ आमीन।)

यूहन्ना 1:18

परमात्मे जो कदी कुणी नीं दिख्या, सिर्फ तिसदे इकलौते पुत्तरें जेह्ड़ा अप्पु ई परमात्मा ऐ, कने अपणे पिता दिया गोदी च बैठेया ऐ, कने तिन्हीं परमात्मे जो प्रगट कित्ता।

यूहन्ना 5:44

तुहां मिन्जो च बसुआस किंआं करी सकदे हन, क्जोकि तुहां जेह्ड़े इक्की दूये ते आदर चांह़दे हन। कने सैह़ आदर जेह्ड़ा सिर्फ इक्क सच्चे परमात्मे दे पास्से ते ऐ तिसियो नीं पाणा चांह़दे।

रोमियो 1:20

परमात्मे दी सदा दी सामर्थ कने तिसदे गुण नीं दिक्खे जाई सकदे, अपर इसा सृष्टिया जो बणाणे ते पैहल्ले ई तिन्हीं दस्सी दित्ता, कि एह़ चीज्जां कुस साइआं हन, इसतांई तिन्हां लोकां अल्ल इसा गल्ला दे बारे च कोई भाना नीं ऐ, “कि अहां परमात्मे जो नीं जाणदे।”

रोमियो 1:23

कने तिन्हां हमेसा जिन्दे रैहणे आल़े प्रतापी परमात्मे दिया महिमा जो छड्डी करी, नास होणे आल़े माणुआं, पंछियां, चिड़ियां, कने रैंगणे आल़े जन्तुआं दी मूर्तिया दी महिमा कित्ती।

रोमियो 11:36

क्जोकि सारी चीज्जां परमात्मे दे पास्से ते हन। तिन्हीं सब कुच्छ बणाया ऐ, कने तिस तांई सब कुच्छ ऐ। तिसदी महिमा जुगा-जुग हुंदी रैंह्। आमीन।

रोमियो 16:27

यीशु मसीह दे जरिये तिस इकमात्र अक्लमंद परमात्मे दी महिमा जुगा-जुग हुंदी रैंह्। आमीन।

रोमियो 2:10

अपर हर इक्क खरे कम्म करणे आल़े जो महिमा, आदर कने सांति मिलगी। परमात्मा सबना ते पैहल्ले यहूदी लोकां जो तिसते बाद यूनानी लोकां जो दिंगा।

रोमियो 2:7

जेह्ड़े लोक खरे कम्मां च मजबूत रेई नैं महिमा, कने आदर, कने सदा दी ज़िन्दगिया दिया तोपा च हन, तिन्हां जो परमात्मा सदा दी ज़िन्दगी दिंगा;

कुलुस्सियों 1:15

कोई भी परमात्मे जो नीं दिक्खी सकदा, अपर जाह़लू तिसदा पुत्तर माणु दे रूपे च आया, ताह़लू तिन्हीं अपणे आप्पे जो लोकां पर प्रगट कित्ता, कने सैह़ जेठा ऐ कने सारी सृष्टिया पर परम प्रधान ऐ।

इब्रानियों 11:27

बसुआसे ते ई राजे दे गुस्से ते नीं डरी करी मूसैं मिस्र देसे जो छड्डी दित्ता, क्जोकि सैह़ जाणी गेआ, कि सैह़ अणदिखे परमात्मे जो दिक्खा दा ऐ।

इब्रानियों 2:7

परमात्मैं तिन्हां जो सामर्थी च सुअर्गदूतां ते थोड़ा घट रखेया; तिन्हीं तिन्हां जो राजे साइआं महिमा कने आदर दित्ता, कने तिन्हां जो अपणे हत्थां दे कम्मां पर हक्क दित्ता।

1 पतरस 5:11

सैह़ हमेसा अपणिया सामर्थी नैं राज्ज करगा। आमीन।

2 पतरस 3:18

अपर तुहां अहां दे प्रभु, कने उद्धार करणे आल़े यीशु मसीह दे अनुग्रह कने ज्ञाने च बधदे जा। तिसदी महिमा हुण भी होयैं, कने जुगा-जुग हुंदी रैंह्। आमीन।

1 यूहन्ना 4:12

परमात्मे जो कदी कुणी नीं दिख्या; जे अहां अप्पु च प्यार रखन, तां परमात्मा अहां च बणी रैंह्दा ऐ कने तिसदा प्यार अहां च सिद्ध होई गेआ ऐ।

यहूदा 1:25

सिर्फ सैई इक्क परमात्मा ऐ, जिन्हीं अहां जो प्रभु यीशु मसीह दे जरिये बचाया। अहां दे प्रभु यीशु मसीह दे जरिये लोक परमात्मे जो आदर दैन, कने तिसदी स्तुति करन। सैह़ इसा गल्ला जो भी समझन, कि सुरू ते ई परमात्मे अल्ल सामर्थ कने अधिकार था, कने ऐ, कने हमेसा रैंह्गा। आमीन।

प्रकाशितवाक्य 15:3

सैह़ परमात्मे दे दास मूसा दा गीत, कने मेम्ने दा गीत गाई-गाई करी ग्लांदे थे, “हे सर्वशक्तिमान प्रभु परमात्मा तेरे कम्म म्हान कने अनोखे हन; हे जुगा-जुग दे राजा, तेरी चाल खरी कने सच्ची ऐ।

प्रकाशितवाक्य 17:14

“सैह़ मेम्ने सौगी लड़गे, कने मेम्ना तिन्हां जो जीत्ती लैंगा, क्जोकि सैह़ प्रभुआं दा प्रभु कने राजेयां दा राजा ऐ, कने जेह्ड़े सद्देयो कने चुणेयो कने बसुआसी हन सैह़ तिस सौगी हन; सैह़ भी जीत्ती लैंगे।”

प्रकाशितवाक्य 19:1

इसते बाद मैं सुअर्गे च मन्ना जिंआं इक्क बड्डिया भीड़ा जो जोरे नैं एह़ ग्लांदे सुणेया, “हाल्लेलूय्याह। उद्धार कने महिमा कने सामर्थ अहां दे परमात्मे दी ऐ।

प्रकाशितवाक्य 19:16

तिसदे कपड़े कने जंघा पर एह़ नां लिख्या ऐ, “राजेयां दा राजा कने प्रभुआं दा प्रभु।”

प्रकाशितवाक्य 19:6

भिरी मैं बड़िया भीड़ा साइआं, कने मते पांणिये साइआं कने गड़ाकेयां साइआं जोरे दी उआज़ सुणी: “हाल्लेलूय्याह! क्जोकि प्रभु अहां दा परमात्मा सर्वशक्तिमान राज्ज करदा ऐ।

प्रकाशितवाक्य 7:12

“आमीन। अहां दे परमात्मे दी स्तुति, महिमा, ज्ञान, धन्यावाद, आदर, सामर्थ कने ताकत जुगा-जुग बणी रैंह्। आमीन।”