1 तीमुथियुस 1:16 - काँगड़ी

¹⁶ अपर मिन्जो पर इसतांई दया होई, कि मिन्जो च जेह्ड़ा सबते बड्डा पापी ऐ, यीशु मसीह उदारणे साइआं अपणिया पूरिया सेहन सक्तिया दा सबूत दस्सें। जेह्ड़े लोक तिस पर सदा दी ज़िन्दगिया तांई बसुआस करगे।

1 तीमुथियुस 1:16 Iomraidhean Croise

लूका 15:10

मैं तुहां नैं ग्लांदा ऐ, इस तरीके नैं मन बदलणे आल़े पापी माणु दे बारे च परमात्मे दे सुअर्गदूतां दे सामणै बड़ी खुसी मनाई जांदी ऐ।”

लूका 23:43

तिन्हीं तिस नैं ग्लाया, “मैं तुहां नैं सच्च ग्लांदा ऐ कि अज्जे ते ई तू मिन्जो सौगी सुअर्गलोके च हुंगा।”

लूका 7:47

“इसतांई मैं तुहां नैं ग्लांदा ऐ कि इसादे पाप जेह्ड़े मते थे माफ कित्ते गै हन, क्जोकि इन्नै जादा प्यार कित्ता, अपर जिसदे पाप थोड़े माफ हन, सैह़ थोड़ा प्यार करदा ऐ।”

यूहन्ना 20:31

अपर एह़ इसतांई लिखयो हन, कि तुहां बसुआस करा कि यीशु ई परमात्मे दा पुत्तर मसीह ऐ, कने बसुआस करी नैं तिसदे नांऐ ते सदा दी ज़िन्दगी पा।

यूहन्ना 3:36

जेह्ड़ा परमात्मे दे पुत्तरे पर बसुआस करदा ऐ, सदा दी ज़िन्दगी तिसदी ऐ; अपर जेह्ड़ा पुत्तरे दी नीं मनदा, सैह़ सदा दी ज़िन्दगिया जो नीं पांगा, अपर परमात्मे दी सज़ा तिस पर रैंह्दी ऐ।”

यूहन्ना 5:24

मैं तिज्जो नैं सच्च-सच्च ग्लांदा ऐ, जेह्ड़ा मेरा वचन सुणी नैं मेरे घल्लणे आल़े पर बसुआस करदा ऐ, सदा दी ज़िन्दगी तिसदी ऐ; कने तिस पर सज़ा दा हुक्म नीं हुंदा, अपर तिन्हीं मरने दे बाद भी सदा दी ज़िन्दगी पाई लियो ऐ।

यूहन्ना 6:37

जेह्ड़ा कुच्छ पिता मिन्जो दिंदा ऐ, सैह़ सब कुच्छ मिन्जो अल्ल ओंगा, कने जेह्ड़ा कोई मिन्जो अल्ल ओंगा तिसियो मैं अप्पु सौगी रखगा।

यूहन्ना 6:40

क्जोकि मेरे पिता दी इच्छा एह़ ऐ, कि जेह्ड़ा कोई पुत्तरे जो दिक्खगा कने तिस पर बसुआस करगा, सैह़ सदा दी ज़िन्दगी पांगा; कने मैं तिसियो आखरी दिनैं भिरी जिन्दा करगा।”

यूहन्ना 6:54

जेह्ड़ा मेरा सरीर खांदा कने मेरा खून पींदा ऐ, सदा दी ज़िन्दगी तिसदी ऐ; कने मैं तिसियो आखरी दिने च भिरी जिन्दा करगा।

प्रेरितां दे कम्म 13:39

कने जिन्हां गल्लां च तुहां मूसा दिया व्यबस्था दिया बज़ाह ते बेकसूर नीं ठेरी सकदे थे, तिन्हां सारेयां च हर इक्क बसुआस करणे आल़ा यीशु मसीह दे जरिये बेकसूर ठैहरदा ऐ।”

रोमियो 15:4

पवित्रशास्त्रे च जेह्ड़ा कुच्छ लिख्या था, सैह़ अहां जो सिक्षा दैणे तांई लिख्या गेआ था, तांजे अहां जो तिसा सिक्षा नैं सबर कने हौंसला मिलदा रैंह्, कने इस तरीके नैं अहां अपणी आसा बणाई रखन।

रोमियो 6:23

क्जोकि पापे दी मजदूरी तां बस मौत्त ई ऐ, अपर परमात्मे दा वरदान अहां दे प्रभु यीशु मसीह च सदा दी ज़िन्दगी ऐ।

1 कुरिन्थियों 7:25

हुण मिन्जो अल्ल कुआरियां दे बारे च प्रभु दे पास्से ते कोई हुक्म नीं ऐ, अपर प्रभुयैं अपणी दया करी नैं मिन्जो बुद्धि दित्तियो ऐ, जेह्ड़ी भरोसेमंद ऐ, कने मैं तिसादे मताबक ई अपणी सलाह दिंदा ऐ।

2 कुरिन्थियों 4:1

इसतांई जाह़लू अहां पर देहई दया होई, कि अहां जो परमात्मे दा वचन सणाणे दी सेवा मिल्ली, तां अहां हिम्मत नीं छड्डदे।

इफिसियों 1:12

अहां यहूदी लोकां जिन्हां सबते पैहल्लैं मसीह च आस रखी, कने चुणे गै, तांजे अहां परमात्मे दी महिमा तांई स्तुति दी बज़ाह होन।

इफिसियों 1:6

तांजे अहां तिसदे अनुग्रह तांई जेह्ड़ा तिन्हीं अहां जो मुफ्ते च देई दित्या ऐ, कने जेह्ड़ा बड़ा भरी ऐ कने तिसदी महिमा तांई स्तुति दी बज़ाह होन। क्जोकि अहां तिसदे पुत्तरे सौगी जिस नैं सैह़ प्यार करदा इक्क होई गियो हन।

इफिसियों 2:7

कि सैह़ अपणिया तिसा दया नैं जेह्ड़ी यीशु मसीह च अहां पर ऐ, ओणे आल़े बग्ते च इस संसारे दे लोकां जो दस्सी सकैं कि तिसदा अनुग्रह कितणा म्हान ऐ।

2 थिस्सलुनीकियों 1:10

एह़ तिस दिन हुंगा, जाह़लू यीशु मसीह अपणे लोकां च महिमा पाणे, कने सारे लोक जेह्ड़े तिस पर बसुआस करदे हन; तिन्हां ते आदर पाणे तांई ओंगा। तुहां भी तिन्हां च सामिल हुंगे, क्जोकि तुहां तिस सुसमाचारे पर बसुआस कित्ता, जेह्ड़ा अहां तुहां जो तिसदे बारे च दस्सेया था।

1 तीमुथियुस 1:13

मसीह च बसुआस करणे ते पैहल्लैं मैं मसीह दी निंदा करदा था, कने बसुआसी लोकां पर जुल्म करी नैं बड़ी बेरैहमिया नैं तिन्हां दा नकसान करदा था। अपर भिरी भी परमात्मे मिन्जो पर दया कित्ती, क्जोकि मिन्जो नीं पता था कि मैं क्या करा दा ऐ, कने तिस बग्ते तिकर मैं यीशु मसीह पर बसुआस नीं करदा था।

इब्रानियों 7:25

इसतांई जेह्ड़े यीशुये दे जरिये परमात्मे अल्ल ओंदे हन, सैह़ तिन्हां दा पूरा-पूरा उद्धार करी सकदा ऐ, क्जोकि सैह़ तिन्हां तांई विणती करणे जो सदा जिन्दा ऐ।

1 पतरस 3:20

एह़ तिन्हां दियां आत्मां हन जिन्हां बड़ी पैहल्ले परमात्मे दे हुक्मे जो नीं मन्नेया, जाह़लू नूह जाह्जे बणा दा था, तां परमात्मे बड़ा सबर रखी नैं इन्तजार कित्ता, कि एह़ लोक बची जान, अपर सिर्फ अठ माणु ई तिसा खतरनाक जल प्रलयै ते बची सके।

2 पतरस 3:15

कने अहां दे प्रभु दे सबरे जो इक्क मौका समझा, जेह्ड़ा सैह़ अहां जो न्याय आल़े दिने ते बचणे तांई देआ दा ऐ, अहां दे प्यारे बसुआसी भाऊ पौलुसैं भी तिस ज्ञाने दे जरिये जेह्ड़ा परमात्मैं तिसियो दित्या ऐ, इन्हां गल्लां जो अपणिया चिठ्ठिया च तुहां तांई लिख्या ऐ।

2 पतरस 3:9

कुच्छ लोक समझदे हन कि प्रभु अपणे बापस ओणे दे वादे च देर करा दा ऐ! नीं अपर सैह़ तुहां तांई सबर रखा दा ऐ, क्जोकि सैह़ नीं चांह़दा कि कोई भी नास होयैं, अपर सैह़ चांह़दा कि सारेयां जो मन बदलणे दा मौका मिल्लैं।