1 तीमुथियुस 1:14 - काँगड़ी

¹⁴ यीशु मसीह च अहां दे प्रभु दा मता सारा अनुग्रह बसुआसे कने प्यारे नैं मिन्जो पर होएया।

1 तीमुथियुस 1:14 Iomraidhean Croise

मत्ती 20:9

जाह़लू सैह़ आये जिन्हां पूरे दिने च इक्क घंटा लगाया था, तिन्हां जो इक्क-इक्क दीनार मिल्ला।

प्रेरितां दे कम्म 15:11

हाँ, अहां दा एह़ बसुआस ऐ कि जिस तरीके नैं सैह़ प्रभु यीशुये दे अनुग्रह दे जरिये उद्धार पांगे; तिस तरीके नैं अहां भी पांगे।

रोमियो 16:20

परमात्मा जेह्ड़ा सांति दा दाता ऐ, तुहां दे पैरां थल्लैं सैताने जो तौल़ी नास करवाई दिंगा। मैं प्रार्थना करदा ऐ, कि अहां दे प्रभु यीशु मसीह दा अनुग्रह तुहां पर हुंदा रैंह्।

1 कुरिन्थियों 15:10

अपर मैं जेह्ड़ा कुच्छ भी ऐ, परमात्मे दे अनुग्रह नैं ऐ। तिसदा अनुग्रह जेह्ड़ा मिन्जो पर होएया, सैह़ बेकार नीं गेआ; अपर मैं तिन्हां दूये प्रेरितां ते भी बधी करी मेहनत कित्ती, तमी एह़ मेरे पास्से ते नीं होएया अपर परमात्मे दे अनुग्रह नैं जेह्ड़ा मिन्जो पर होएया था।

1 कुरिन्थियों 3:10

परमात्मे दे तिस इनामे मताबक जेह्ड़ा मिन्जो दित्या ऐ, मैं अक्लमंद राजमिस्त्रिये साइआं नींई पाई, कने दूआ तिस पर रद्दा लगांदा ऐ। अपर हर इक्क माणु चौकन्ना रैंह् कि सैह़ तिस पर कदेया रद्दा लगांदा ऐ।

2 कुरिन्थियों 13:14

प्रभु यीशु मसीह दा अनुग्रह कने परमात्मे दा प्यार कने पवित्र आत्मा दी सेहभागिता तुहां सबना सौगी हुंदी रैंह्।

2 कुरिन्थियों 4:15

क्जोकि सारे दुख जेह्ड़े अहां झेले तुहां तांई हन, तांजे परमात्मे दे अनुग्रह दे जरिये जादा ते जादा लोक मसीह च ओन, कने परमात्मे दी महिमा तांई धन्यावाद कने स्तुति करन।

2 कुरिन्थियों 8:9

तुहां अहां दे प्रभु यीशु मसीह दा अनुग्रह जाणदे हन, कि सैह़ अमीर होई नैं भी तुहां तांई कंगाल बणी गेआ, तांजे तिसदे कंगाल होई जाणे ते तुहां अमीर होई जान।

गलातियों 1:13

तुहां एह़ सुणेया ऐ कि मैं पैहल्ले यहूदी व्यबस्था जो मनदा था, कने मैं परमात्मे दी कलीसिया दे लोकां जो बड़ा सतांदा कने नास करदा था।

1 थिस्सलुनीकियों 1:3

अहां हमेसा ई पिता परमात्मे दे सामणै तुहां दे बसुआसे दे कम्म, कने प्यारे दी मेहनत, कने अहां दे प्रभु यीशु मसीह च तुहां दी आसा दा सबर याद करदे हन।

1 थिस्सलुनीकियों 5:8

अपर अहां जेह्ड़े दिन दे हन, बसुआसे कने प्यारे दा सुरक्षा कवच पैहनी नैं कने उद्धारे दी आसा दा टोप पैहनी करी चौकन्ने रेह्आ।

1 तीमुथियुस 2:15

भिरी भी जणासां मसीह पर बसुआस बणाई रखदियां, कने बाक्कि लोकां सौगी प्यारे नैं, पवित्र कने खरे तरीके नैं बर्ताब करन तां परमात्मा तिन्हां दा बच्चे जम्मणे दे जरिये उद्धार करगा।

1 तीमुथियुस 4:12

इस तरीके नैं बर्ताब कर कोई भी तेरी जुआनिया दिया बज़ाह ते तेरी बेइज्जती नीं करैं, अपर तिज्जो अपणे सब्दां च जेह्ड़ा तू ग्लांदा ऐ, अपणे चाल-चलण च, प्यारे च, मसीह दे बसुआस च, कने पवित्र ज़िन्दगिया च बसुआसी लोकां तांई खरा उदारण बण।

1 तीमुथियुस 6:11

अपर हे परमात्मे दे जण तीमुथियुस, तू इन्हां गल्लां ते दूर होई जा, कने सच्चाई, परमात्मे दी भक्ति, मसीह पर बसुआस, लोकां नैं प्यार कने सबर कने नम्रता दा पीछा कर।

2 तीमुथियुस 1:13

भरोसा रख कि जेह्ड़ी सच्ची सिक्षा तैं मिन्जो ते सुणी ऐ, सैह़ तिज्जो तांई उदारणे साइआं ऐ। तिसा जो बसुआसे कने प्यारे सौगी कर, क्जोकि जेह्ड़ा तू यीशु मसीह च इक्क ऐ।

2 तीमुथियुस 2:22

तिन्हां बुरिआं चीज्जां ते अप्पु जो दूर रख, जिन्हां जो जुआन माणु करणा चांह़दे हन, कने जेह्ड़े लोक साफ मने नैं प्रभु दी अराधना करदे हन, तिन्हां सौगी-सौगी सच्चाईया नैं, बसुआस नैं, कने प्यार नैं भी मेल-जोल बणाई नैं रख।

तीतुस 2:2

स्याणे माणुआं जो अपणे आप्पे पर काबू रखणा, इज्जतदार बणना, कने अक्लमंदिया नैं जीणा सखा। तिन्हां अल्ल मजबूत बसुआस, प्यार कने सबर होणा चाइदा।

1 पतरस 1:3

अहां परमात्मे दा धन्यावाद करदे हन, जेह्ड़ा अहां दे प्रभु यीशु मसीह दा पिता ऐ, जिन्हीं अपणी बड़ी दया नैं अहां जो नौई ज़िन्दगी दित्ती, क्जोकि परमात्मे यीशु मसीह जो मरेयां ते जिन्दा कित्ता, कने तिन्हीं अहां जो निडर होई नैं जीणे दे काबल बणाया, सैह़ एह़ कि अहां नैं तिन्हीं जिन्हां चीज्जां जो दैणे दा वादा कित्या ऐ, तिन्हां जो हासल करणे तांई अहां पूरी आस रखी सकन,

1 यूहन्ना 4:10

प्यार इस च नीं कि अहां परमात्मे नैं प्यार करदे हन, अपर इस च ऐ कि तिन्हीं अहां नैं प्यार कित्ता कने अहां दे पापां दी माफी तांई अपणे पुत्तरे जो घल्लेया।

प्रकाशितवाक्य 22:21

मैं प्रार्थना करदा ऐ, कि प्रभु यीशुये दा अनुग्रह परमात्मे दे लोकां सौगी रैंह्। आमीन।