1 तीमुथियुस 1:1 - काँगड़ी

¹ मैं पौलुस जेह्ड़ा अहां दे उद्धार करणे आल़े परमात्मे कने यीशु मसीह जिस पर अहां आसा रखदे हन, तिन्हां दे हक्के दे जरिये यीशु मसीह दा प्रेरित ऐ, तुहां जो एह़ चिठ्ठी लिखा दा ऐ।

1 तीमुथियुस 1:1 Iomraidhean Croise

लूका 1:47

कने मैं, मेरा उद्धार करणे आल़े परमात्मे च खुस ऐ,

लूका 2:11

कि अज्ज दाऊद राजे दे सैहर बैतलहमे च तुहां तांई इक्क उद्धार करणे आल़ा पैदा होएया ऐ, कने ऐई मसीह प्रभु ऐ।

प्रेरितां दे कम्म 9:15

अपर प्रभु यीशुयैं तिस नैं ग्लाया, “तू चली जा; क्जोकि सैह़ तां होरनी जातिआं कने राजेयां, कने इस्राएली लोकां दे सामणै मेरे बारे च दस्सणे तांई मेरा चुणेया जण ऐ।

रोमियो 1:1

मैं पौलुस इसा चिठ्ठिया लिखा दा ऐ, जेह्ड़ा यीशु मसीह दा दास ऐ, कने प्रेरित होणे तांई परमात्मे दे जरिये चुणेया ऐ, कने तिस सुसमाचारे दा प्रचार करणे तांई लग्ग कित्या ऐ, जेह्ड़ा परमात्मे दे पास्से ते ऐ।

1 कुरिन्थियों 1:1

एह़ चिठ्ठी पौलुस कने अहां दे भाऊ सोस्थिनेसे दे पास्से ते ऐ। मैं पौलुस जेह्ड़ा परमात्मे दी इच्छा ते यीशु मसीह दा प्रेरित होणे तांई सद्देया ऐ।

1 कुरिन्थियों 9:17

क्जोकि जे मैं अपणिया इच्छा ते सुसमाचार प्रचार करदा ऐ, तां मिन्जो तिसदा प्रतिफल़ जरूर मिलदा ऐ, अपर जे मैं बगैर इच्छा ते प्रचार करदा ऐ, तां एह़ सिर्फ जिम्मेवारिया जो पूरा करणा ई होएया ऐ।

2 कुरिन्थियों 1:1

एह़ चिठ्ठी पौलुस कने अहां दे भाऊ तीमुथियुसे दे पास्से ते ऐ। मैं पौलुस जेह्ड़ा परमात्मे दी इच्छा ते यीशु मसीह दा प्रेरित ऐ। मैं एह़ चिठ्ठी परमात्मे दी तिसा कलीसिया दे नांऐ पर लिखा दा ऐ, जेह्ड़ी कुरिन्थुस सैहरे च ऐ, कने परमात्मे दे सारे पवित्र लोकां दे नांऐ पर जेह्ड़े अखाया प्रदेसे च रैंह्दे हन:

गलातियों 1:1

मैं पौलुस जेह्ड़ा इक्क प्रेरित ऐ एह़ चिठ्ठी तुहां जो लिखदा ऐ, जेह्ड़ा कि ना तां माणुआं दे पास्से ते कने ना माणुये दे जरिये चुणेया था, अपर यीशु मसीह कने पिता परमात्मे दे जरिये जिन्हीं तिसियो मरेयां ते जिन्दा कित्ता।

गलातियों 1:11

हे प्यारे साथी बसुआसियो, मैं तुहां जो दस्सी दिंदा ऐ, कि जेह्ड़ा सुसमाचार मैं सणाया ऐ, सैह़ लोकां दे पास्से ते नीं ऐ।

कुलुस्सियों 1:27

परमात्मैं एह़ फैसला लेआ कि तिसदे लोक इस सानदार कने महिमा आल़े रहस्य जो जाणी सकन, जेह्ड़ा सारे लोकां तांई तिस अल्ल ऐ। एह़ रहस्य मसीह अप्पु ई ऐ जेह्ड़ा तुहां च रैंह्दा ऐ, सिर्फ सैई महिमा तांई अहां दी उम्मीद ऐ।

2 थिस्सलुनीकियों 2:16

अहां अपणे प्रभु यीशु मसीह नैं कने पिता परमात्मे नैं जिन्हीं अहां नैं प्यार कित्ता विणती करदे हन, जिन्हीं अहां जो अपणे अनुग्रह दे जरिये सदा तांई हौंसला कने पक्की आसा दित्ती ऐ।

1 तीमुथियुस 1:12

मैं अपणे प्रभु यीशु मसीह दा धन्यावाद करदा ऐ, कि तिन्हीं मिन्जो सामर्थ दित्ती, कने मिन्जो बसुआसे जोग्गा समझी नैं अपणिया सेवा तांई चुणेया।

1 तीमुथियुस 2:3

इआं करणा खरी गल्ल ऐ कने एह़ अहां दे उद्धारकर्ता परमात्मे जो खरा लगदा ऐ,

1 तीमुथियुस 2:7

परमात्मे मिन्जो सुसमाचारे दा प्रचार करणे कने प्रेरित बणने तांई कने होरनी जातिआं दे लोकां तांई चुणेया ऐ। मैं झूठ नीं ग्ला करदा ऐ अपर सच्च ग्ला करदा ऐ।

1 तीमुथियुस 4:10

अहां मेहनत कने कोसस इसतांई करदे हन कि अहां दी आस तिस जिन्दे परमात्मे पर ऐ, जेह्ड़ा सारे लोकां दा कने खास करी नैं बसुआसियां दा उद्धार करणे आल़ा ऐ।

तीतुस 1:3

कने हुण ठीक बग्ते पर परमात्मे अहां पर सुसमाचारे जो प्रगट कित्या ऐ। अहां दे उद्धार करणे आल़े परमात्मे मिन्जो एह़ जिम्मेवारी दित्तियो ऐ, कने इस कम्मे जो करणे तांई हुक्म दित्या ऐ।

तीतुस 2:10

चोरी चलाकी नीं करन, अपर हर तरीके नैं पूरे ईमानदार निकल़न, कि सैह़ सारियां गल्लां च अहां दे उद्धार करणे आल़े परमात्मे दी सिक्षा च सोभा बधान।

तीतुस 2:13

कने तिसा खरिया आसा दा मतलब अपणे म्हान परमात्मे कने उद्धार करणे आल़े यीशु मसीह दी महिमा दे प्रगट होणे दा इन्तजार करदे रैह़न।

तीतुस 3:4

अपर फिरी भी अहां दे उद्धार करणे आल़े परमात्मे अपणी दया कने प्यार अहां लोकां पर प्रगट कित्ता,

तीतुस 3:6

परमात्मे अहां जो पवित्र आत्मा मुफ्ते च दित्ता ऐ, तांजे सैह़ अहां च सामर्थी आल़े कम्म करैं। क्जोकि प्रभु यीशु मसीह अहां दा उद्धारकर्ता बणने तांई अहां दे पापां तांई मरेया।

1 पतरस 1:21

यीशु मसीह दे जरिये तुहां परमात्मे पर बसुआस करदे हन, तांजे तुहां दा बसुआस कने आसा तिस परमात्मे पर होयैं, जिन्हीं मसीह जो मरेयां ते जिन्दा कित्ता कने तिसियो महिमा दित्ती।

1 पतरस 1:3

अहां परमात्मे दा धन्यावाद करदे हन, जेह्ड़ा अहां दे प्रभु यीशु मसीह दा पिता ऐ, जिन्हीं अपणी बड़ी दया नैं अहां जो नौई ज़िन्दगी दित्ती, क्जोकि परमात्मे यीशु मसीह जो मरेयां ते जिन्दा कित्ता, कने तिन्हीं अहां जो निडर होई नैं जीणे दे काबल बणाया, सैह़ एह़ कि अहां नैं तिन्हीं जिन्हां चीज्जां जो दैणे दा वादा कित्या ऐ, तिन्हां जो हासल करणे तांई अहां पूरी आस रखी सकन,

2 पतरस 1:1

मैं शमौन पतरस जेह्ड़ा यीशु मसीह दा दास कने प्रेरित ऐ। मैं एह़ चिठ्ठी तिन्हां लोकां दे नांऐ पर लिखा दा ऐ, जिन्हां अहां दे परमात्मे कने उद्धार करणे आल़े यीशु मसीह दी धार्मिकता दे जरिये अहां साइआं कीमती बसुआस हासल कित्या ऐ।

1 यूहन्ना 4:14

अहां पुत्तरे जो दिक्खी भी लेआ कने गवाही दिंदे हन कि पिता परमात्मैं पुत्तरे जो संसारे दे लोकां जो पापां ते छुटकारा दैणे तांई घल्लेया ऐ।

यहूदा 1:25

सिर्फ सैई इक्क परमात्मा ऐ, जिन्हीं अहां जो प्रभु यीशु मसीह दे जरिये बचाया। अहां दे प्रभु यीशु मसीह दे जरिये लोक परमात्मे जो आदर दैन, कने तिसदी स्तुति करन। सैह़ इसा गल्ला जो भी समझन, कि सुरू ते ई परमात्मे अल्ल सामर्थ कने अधिकार था, कने ऐ, कने हमेसा रैंह्गा। आमीन।