1 थिस्सलुनीकियों 5:8 - काँगड़ी

⁸ अपर अहां जेह्ड़े दिन दे हन, बसुआसे कने प्यारे दा सुरक्षा कवच पैहनी नैं कने उद्धारे दी आसा दा टोप पैहनी करी चौकन्ने रेह्आ।

1 थिस्सलुनीकियों 5:8 Iomraidhean Croise

1 कुरिन्थियों 13:13

अपर हुण बसुआस, आसा, कने प्यार एह़ त्रीनो हमेसा बणी रैंह्दे हन, अपर इन्हां सबना ते ऊपर प्यार ऐ।

2 कुरिन्थियों 6:7

सच्चे प्यारे नैं, सच्चाईया दे वचने नैं, परमात्मे दी सामर्थी नैं, अहां अपणे आप्पे दी धार्मिकता दे रस्तेयां दा इस्तेमाल करणे तांई तारीफ करदे हन, जेह्ड़े सज्जे कने खब्बे हत्थे दे हत्थयारां साइआं हन।

गलातियों 5:5

मैं एह़ ग्लाई सकदा ऐ, क्जोकि अहां जो पवित्र आत्मा दे पास्से ते पूरा भरोसा ऐ, कि परमात्मा अहां जो धर्मियां साइआं अपनांगा, क्जोकि अहां यीशु मसीह पर बसुआस करदे हन।

इफिसियों 6:11

अहां माणुआं दे खलाफ लड़ाई नीं लड़दे, अपर अहां लड़ाई आत्मिक संसारे च नेहरे दियां ताकतां दे, अधिकारियां कने राजेयां दे खलाफ ऐ। इसतांई तिन्हां सारे आत्मिक हत्थयारां जो बन्नी लेआ, जिन्हां जो परमात्मा दिंदा ऐ, तांजे जाह़लू बुरे दिन ओन तां तुहां अपणे आप्पे जो सैताने दिया चलाकिया ते बचाई सकन, कने जाह़लू लड़ाई खत्म होई जां, तां तुहां भिरी भी मजबूतिया नैं खड़ोई सकन।

इफिसियों 6:23

मैं प्रार्थना करदा ऐ, कि पिता परमात्मा कने प्रभु यीशु मसीह हर इक्क बसुआसी भाऊये जो सांति, प्यार कने बसुआस दिंगा।

1 थिस्सलुनीकियों 5:5

क्जोकि तुहां सारे जोतिया दी कने दिने दी औलाद हन, कने अहां ना राती दी कने ना ई नेहरे दी औलाद हन।

2 थिस्सलुनीकियों 2:16

अहां अपणे प्रभु यीशु मसीह नैं कने पिता परमात्मे नैं जिन्हीं अहां नैं प्यार कित्ता विणती करदे हन, जिन्हीं अहां जो अपणे अनुग्रह दे जरिये सदा तांई हौंसला कने पक्की आसा दित्ती ऐ।

इब्रानियों 6:19

सैह़ आसा अहां दे प्राणा तांई समुंदरी जाह्जां दे लंगरा साइआं मजबूत कने पक्की ऐ। जेह्ड़ी अहां जो परमात्मे दी बड़ी पवित्र जगाह तिकर लेई करी जांदी ऐ जेह्ड़ी पड़दे पचांह़ ऐ,

1 पतरस 1:13

इसतांई अपणे-अपणे मनां जो त्यार करा, ठीक तिंआं ई जिंआं लोक कम्म करणे तांई अपणे लक्के जो बैल्टा नैं कसदे हन, कने तिस उद्धारे दी आस करदे रेह्आ, जेह्ड़ा अनुग्रह दे जरिये तुहां जो दित्ता जांगा, जाह़लू यीशु मसीह इस संसारे च बापस ओंगा।

1 पतरस 2:9

अपर तुहां इन्हां साइआं नीं हन, क्जोकि तुहां इक्क चुणेया वंश, साही परवार, याजकां दा समाज, पवित्र लोक, कने परमात्मे दे खास लोक हन, क्जोकि तिन्हीं तुहां जो नेहरे ते सद्दी करी जोतिया च लंदेया ऐ, तांजे तुहां परमात्मे दे म्हान कम्मां जो दस्सी सकन।

1 यूहन्ना 1:7

अपर जिंआं परमात्मा जोतिया च ऐ, तिंआं ई अहां भी जोतिया च चलण, तां इक्की दूये नैं संगति रखदे हन, कने तिसदे पुत्तर यीशु मसीह दा खून अहां जो सारे पापां ते सुद्ध करदा ऐ।