1 थिस्सलुनीकियों 5:6 - काँगड़ी

⁶ इसतांई अहां दूयेयां बेबसुआसियां साइआं सोई नीं रैह़न, जागदे कने चौकन्ने रेह्आ।

1 थिस्सलुनीकियों 5:6 Iomraidhean Croise

मत्ती 13:25

अपर जाह़लू लोक सुतेयो थे तां तिसदा दुश्मण आई नैं कणकां बिच्च जंगली बीई बाई नैं चली गेआ।

मत्ती 24:42

इसतांई जागदे रेह्आ, क्जोकि तुहां नीं जाणदे कि तुहां दा प्रभु कुस दिन ओंगा

मत्ती 25:13

इसतांई जागदे रेह्आ, क्जोकि तुहां मेरे बापस ओणे दे दिने दे तिस बग्ते जो नीं जाणदे।

मत्ती 25:5

जाह़लू लाड़े दे ओणे च देर होई, तां सैह़ सारियां झमाईयां मारणा लगियां कने सोई गियां।

मत्ती 26:38

ताह़लू तिन्हीं तिन्हां नैं ग्लाया, “मेरा मन बड़ा दुखी ऐ, इआं लगदा ऐ कि जिंआं मैं मरने आल़ा ऐ। तुहां ऐत्थु रुका कने मिन्जो सौगी जागदे रेह्आ।”

मरकुस 13:37

कने जेह्ड़ा मैं तुहां नैं ग्लादा ऐ, सैई सारेयां जो ग्लादा ऐ: ‘जागदे रेह्आ।’”

लूका 12:37

धन हन सैह़ दास, जिन्हां जो मालक बापस आई नैं इन्तजारे च जागदे दिक्खैं, मैं तिज्जो नैं सच्च ग्लांदा ऐ, कि सैह़ मालक दासां दे कपड़े पैहनी नैं तिन्हां जो खाणा खाणे तांई बठाल़गा, कने अप्पु आई नैं तिन्हां दी सेवा करगा।

लूका 12:39

अपर तुहां एह़ जाणी लेआ कि जे घरे दे मालके जो एह़ पता होयैं कि चोर कुस बग्त ओंगा, तां जागदा रैंह्दा, कने अपणे घरे च सेंध नीं लगणा दिंदा ऐ।

लूका 21:36

इसतांई जागदे रेह्आ कने हर बग्त प्रार्थना करदे रेह्आ कि तुहां इन्हां सब ओणे आल़िआं मुसीबता ते बची करी रैह़न कने माणुये सामणै खड़ोणे जोग्गा तां बणा।”

लूका 22:46

कने यीशुयैं तिन्हां नैं ग्लाया, “क्जो सुतेयो हन? उठा, प्रार्थना करा कि परीक्षा च ना पोन।”

प्रेरितां दे कम्म 20:31

इसतांई जागदे रेह्आ, कने याद रखा कि मैं त्रै साल तिकर रात-दिन रौई-रौई करी हर इक्की जो चतौणी दैणा नीं छड्डेया।

1 कुरिन्थियों 15:34

सतर्क होई जा, कने पाप करणा छड्डी देआ। क्जोकि तुहां च कुच्छ लोक ऐदेय हन जेह्ड़े परमात्मे जो नीं जाणदे, मैं तुहां जो सर्मिंदा करणे तांई एह़ ग्लादा ऐ।

1 कुरिन्थियों 16:13

चौकनै रेह्आ, बसुआसे च बणी रेह्आ, हौंसला रखा, बसुआसे च मजबूत बणा।

इफिसियों 2:3

इन्हां च अहां भी सारे दे सारे पैहल्ले अपणे सरीरे दी इच्छां च दिन बितांदे थे, कने सरीर कने मने दियां इच्छां पूरियां करदे थे, कने होरनी लोकां साइआं सभाव ते ई बुरे थे, कने परमात्मे दे गुस्से दे अधीन थे।

इफिसियों 5:14

इसतांई इक्क काहवत ऐ, जेह्ड़ी एह़ दस्सदी ऐ, “हे सोणे आल़े, जाग! कने मुड़देयां ते जिन्दा होई जा; तां मसीह अपणिया जोतिया जो तिज्जो पर चमकांगा।”

इफिसियों 6:18

कने हर बग्त जिंआं पवित्र आत्मा दस्सदा ऐ, अहां जो प्रार्थना कने विणती करदे रेह्आ, कने इसतांई जागदे रेह्आ कि सारे परमात्मे दे लोकां तांई लगातार विणती करदे रेह्आ करा,

फिलिप्पियों 4:5

सारे माणु तुहां दे नरम सभावे जो जाणी लैन। प्रभु दा बापस औणां नेड़े ऐ।

कुलुस्सियों 4:2

प्रार्थना च लगातार लग्गी रेह्आ, जाह़लू तुहां प्रार्थना करदे, तां हमेसा चौकनै कने परमात्मे दा धन्यावाद करदे रेह्आ;

1 थिस्सलुनीकियों 4:13

हे प्यारे साथी बसुआसियो, अहां नीं चांह़दे हन, कि तुहां तिन्हां दे बारे च अणजाण रेह्आ। जेह्ड़े मसीह च इस संसारे जो छड्डी करी चली गियो हन, इआं ना होयैं, कि तुहां दूयेयां साइआं सोक करन जिन्हां जो उम्मीद नीं ऐ।

1 थिस्सलुनीकियों 5:10

यीशु मसीह अहां तांई इसा बज़ाह ते मरेया, कि अहां चाहे जिन्दे हन चाहे मरेयो हन, जाह़लू यीशु मसीह बापस ओंगा, तां अहां तिस सौगी हमेसा जीन।

1 थिस्सलुनीकियों 5:8

अपर अहां जेह्ड़े दिन दे हन, बसुआसे कने प्यारे दा सुरक्षा कवच पैहनी नैं कने उद्धारे दी आसा दा टोप पैहनी करी चौकन्ने रेह्आ।

1 तीमुथियुस 2:15

भिरी भी जणासां मसीह पर बसुआस बणाई रखदियां, कने बाक्कि लोकां सौगी प्यारे नैं, पवित्र कने खरे तरीके नैं बर्ताब करन तां परमात्मा तिन्हां दा बच्चे जम्मणे दे जरिये उद्धार करगा।

1 तीमुथियुस 2:9

इआं ई मैं चांह़दा कि मसीह जणासां ना ऐदेय बाल़ बणाई करी कने ना सोन्ने मोती दे मैंह्गे-मैंह्गे गैहणे पाई कने ना ई ऐदेय कपड़े पाई नैं अपणे आप्पे जो संवारन जिसदिया बज़ाह ते मरद तिन्हां जो पाणा चान, अपर सैह़ चज्जे दे कपड़े पा करन जेह्ड़े तिन्हां दे सरीरे जो खरे तरीके नैं ढकन।

1 तीमुथियुस 3:11

इन्हीं साह्भें सेवकां दियां लाड़ियां जो भी इज्जतदार होणा चाइदा। दोस लगाणे आल़िआं ना होन, अपर हर हालता च अपणे आप्पे जो काबू करणे आल़िआं कने सारियां गल्लां च बसुआसे जोग्गियां होन।

1 तीमुथियुस 3:2

इसतांई एह़ जरूरी ऐ कि कलीसिया दा अगुआ बेकसूर, कने इक्की लाड़िया दा लाड़ा, हर हालता च अपणे आप्पे जो काबू करणे आल़ा, सांत सभावे आल़ा, इज्जतदार, परोणेयां दी आदर-खातर करणे आल़ा, कने परमात्मे दे वचने जो खरे तरीके नैं सखाणे आल़ा होयैं।

2 तीमुथियुस 4:5

अपर तू सारियां गल्लां ते चौकन्ना रैह्, कने दुख झेल, सुसमाचार सणाणे दा कम्म कर, कने अपणिया सेवा जो पूरा कर।

तीतुस 2:12

इस अनुग्रह दे जरिये परमात्मा अहां जो चतौणी दिंदा ऐ, कि अहां तिस सभावे जो छड्डणा सीखन, जेह्ड़ा परमात्मे दी बेइज्जती करदा ऐ, कने अहां जो सारियां संसारिक चीज्जां दियां इच्छां जो भी छड्डणा चाइदा। अपर इसदिया जगाह इस बग्ते च अहां जो सबर कने पवित्र ज़िन्दगी जीणी चाइदी, जेह्ड़ी साबित करैं कि अहां परमात्मे दी इज्जत करदे हन।

तीतुस 2:6

इस तरीके नैं जुआन मर्दां जो भी समझांदे रेह्आ कि सैह़ भी अपणे आप्पे पर काबू करणे आल़े होन।

1 पतरस 1:13

इसतांई अपणे-अपणे मनां जो त्यार करा, ठीक तिंआं ई जिंआं लोक कम्म करणे तांई अपणे लक्के जो बैल्टा नैं कसदे हन, कने तिस उद्धारे दी आस करदे रेह्आ, जेह्ड़ा अनुग्रह दे जरिये तुहां जो दित्ता जांगा, जाह़लू यीशु मसीह इस संसारे च बापस ओंगा।

1 पतरस 4:7

सारियां गल्लां दा अन्त तौल़ी होणे आल़ा ऐ; इसतांई अपणे आप्पे पर काबू करी नैं कने सच्चाई नैं प्रार्थना च लग्गी रेह्आ।

1 पतरस 5:8

हमेसा चौकन्ने रेह्आ, कने जागदे रेह्आ; क्जोकि तुहां दा बरोधी सैतान गरजणे आल़े शेरे साइआं इसा तोपा च रैंह्दा ऐ कि कुसियो फाड़ी खां।

प्रकाशितवाक्य 16:15

तां प्रभु यीशुयैं ग्लाया, “दिक्ख, मैं चोरे साइआं ओंदा ऐ; धन सैह़ ऐ जेह्ड़ा जागदा रैंह्दा ऐ, कने अपणे कपड़ेयां दी रखवाल़ी करदा ऐ कि नंगा नीं घूमे, कने लोक तिसदा नंगापन नीं दिक्खन।”

प्रकाशितवाक्य 3:2

इसतांई चौकन्ना होई जा, कि जेह्ड़ा तेरे अंदर अह्ल्ली थोड़ा बसुआस बचेया ऐ, तिसियो मजबूत कर; तांजे एह़ भी खत्म नीं होई जां, क्जोकि जेह्ड़ा तू करा दा तिसते परमात्मा खुस नीं ऐ।