1 थिस्सलुनीकियों 5:5 - काँगड़ी

⁵ क्जोकि तुहां सारे जोतिया दी कने दिने दी औलाद हन, कने अहां ना राती दी कने ना ई नेहरे दी औलाद हन।

1 थिस्सलुनीकियों 5:5 Iomraidhean Croise

लूका 16:8

“मालकैं तिस अधर्मी भण्डारिये जो साबासी दित्ती, कि तिन्हीं चलाकिया दा कम्म कित्ता ऐ। क्जोकि इस संसारे दे लोक अपणे बग्ते दे लोकां सौगी अपणे सभावे च जोतिया दे लोकां ते जादा चलाक हन।

यूहन्ना 12:36

जाह़लू तिकर जोत्ती तुहां सौगी ऐ, जोतिया पर बसुआस करा तांजे तुहां जोत्ती दी औलाद बणन।” एह़ गल्लां ग्लाई नैं यीशु चली गेआ कने तिन्हां ते दूर रेह्आ।

प्रेरितां दे कम्म 26:18

कि तिन्हां दी अखीं खोलणे, कने नेहरे ते कड्डी करी जोतिया च कने सैताने दे हक्के ते परमात्मे दे राज्जे च लेई ओन। कि सैह़ पापां ते माफी पाई सकन, कने तिन्हां सामणै आई जान, जेह्ड़े मिन्जो च बसुआस दे जरिये परमात्मे तांई लग्ग कित्यो हन।’

इफिसियों 5:8

क्जोकि तुहां तिन्हां लोकां साइआं थे, जेह्ड़े नेहरे च रैंह्दे हन, अपर हुण प्रभु च जोतिया दे लोक हन, क्जोकि तुहां प्रभु दे लोक हन, इसतांई जोतिया दे लोकां साइआं ज़िन्दगी जीआ।

1 थिस्सलुनीकियों 5:8

अपर अहां जेह्ड़े दिन दे हन, बसुआसे कने प्यारे दा सुरक्षा कवच पैहनी नैं कने उद्धारे दी आसा दा टोप पैहनी करी चौकन्ने रेह्आ।

1 यूहन्ना 2:8

भिरी भी मैं तुहां जो नौआं हुक्म लिखदा ऐ, कने इसदी सच्चाई मसीह च भी कने तुहां च भी दुस्सदी ऐ, क्जोकि नेहरा खत्म हुंदा जांदा ऐ कने सच्चाईया दी लौ हुण चमकणा लग्गी ऐ।