1 थिस्सलुनीकियों 5:3 - काँगड़ी

³ जाह़लू लोक ग्लांगे, “कि सब कुच्छ ठीक ठाक ऐ, कने कुच्छ डर नीं,” तां तिन्हां पर चाणचक बड़ी मुसीबत आई पोंगी, जिंआं इक्क लैरथिया जणासा जो इक्क बच्चे जम्मणे दी पीड़ हुंदी; तिंआं ई सैह़ तिसा बड़िया मुसीबता ते कुसी भी तरीके नैं नीं बचगे।

1 थिस्सलुनीकियों 5:3 Iomraidhean Croise

मत्ती 23:33

हे सर्पां साइआं जेहरिलै कने दगाबाज लोको तुहां नरके दिया सज़ा ते नठ्ठी करी बची नीं सकदे।

यूहन्ना 16:21

जाह़लू जणासा दा प्रसूता होणे दा बग्त ओंदा ऐ, तां तिसा जो दर्द हुंदा ऐ, क्जोकि तिसादा दुखे दा बग्त आई पुज्जया ऐ, अपर जाह़लू सैह़ जागते जो जन्म देई दिंदी ऐ, तां इसा खुसिया च कि संसारे च इक्क माणु पैदा होएया, सैह़ तिस दर्दे जो भुल्ली जांदी ऐ।

प्रेरितां दे कम्म 13:41

“‘हे निंदा करणे आल़ेयो, दिक्खा कने हरान होई करी मरी जा; क्जोकि मैं तुहां दे दिनां च इक्क कम्म करदा ऐ, एह़ कम्म कि जे कोई तुहां नैं तिसदी निंदा करैं, तां तुहां कदी बसुआस नीं करगे।’”

2 थिस्सलुनीकियों 1:9

प्रभु तिन्हां जो अप्पु ते दूर करगा, कने तिन्हां जो अपणिया महिमा च सामर्थी जो मसूस करणे दी इजाजत नीं दिंगा, कने सैह़ तिन्हां जो सदा दी सज़ा दिंगा

इब्रानियों 12:23

कने तुहां परमात्मे दे जेठे दी सभा च आएयो हन, जिन्हां दे नां सुअर्गे च लिख्यो हन, तुहां अप्पु परमात्मे दे नेड़े आएयो हन, जेह्ड़ा सबना दा न्याय करणे आल़ा ऐ। तुहां सुअर्गे दे धर्मी लोकां दियां आत्मां बक्खे आएयो हन, जिन्हां जो सिद्ध बणाया गेआ ऐ।

इब्रानियों 2:3

तां अहां लोक किंआं बची सकगे, जे अहां इस म्हान उद्धारे दी निंदा करगे? इस म्हान उद्धारे दे बारे च अहां प्रभु यीशु मसीह दे जरिये जाणी सके। कने चेले जिन्हां सबते पैहल्ले इसदे बारे च सुणेया, कने तिन्हां अहां पर प्रगट कित्ता कि एह़ सच्च ऐ।

2 पतरस 2:4

क्जोकि जाह़लू परमात्मैं तिन्हां सुअर्गदूतां जो भी माफ नीं कित्ता, जिन्हां पाप कित्या था, अपर तिन्हां जो न्याय दे दिने दा इन्तजार करणे कने सज़ा पाणे तांई नरके च घल्ली दित्ता।