1 थिस्सलुनीकियों 5:12 - काँगड़ी

¹² हे प्यारे साथी बसुआसियो, अहां तुहां नैं विणती करदे हन, कि जेह्ड़े तुहां च मेहनत करदे हन, कने प्रभु च जेह्ड़े तुहां दे अगुऐ हन, कने सिक्षा दिंदे हन, तिन्हां दी मन्ना कने आदर करा।

1 थिस्सलुनीकियों 5:12 Iomraidhean Croise

लूका 10:7

तुहां तिस ई घरे च परोणा बणी नैं रेह्आ, कने जेह्ड़ा कुच्छ भी तिन्हां ते मिल्लैं, सैई खा कने पीआ, क्जोकि मजदूरे जो अपणी दिहाड़ी मिलणी चाइदी; घर-घर नीं घूमणा।

यूहन्ना 4:38

मैंई तुहां जो सैह़ खेतां दी फसल बडणे तांई घल्लेया जिस च तुहां मेहनत नीं कित्ती, दूयेयां माणुआं मेहनत कित्ती कने तुहां तिन्हां दिया मेहनता दे फल़े च साझी होये।”

प्रेरितां दे कम्म 20:28

इसतांई अपणी कने अपणे पूरे झुंडे दी चौकसी रखा जिस च पवित्र आत्मा तुहां जो अधिकारी बणाया ऐ, कि तुहां परमात्मे दिया कलीसिया दी रखवाल़ी करन, जिसियो तिन्हीं अपणे खूने नैं खरीदी लेआ ऐ।

प्रेरितां दे कम्म 20:35

मैं तुहां जो सब कुच्छ करी नैं दस्सेया कि इस तरीके नैं मेहनत करदे-करदे कमजोरेयां जो सम्भाल़णा कने प्रभु यीशुये दे वचन याद रखणा जरूरी ऐ, जेह्ड़ा तिन्हीं अप्पु ई ग्लाया ऐ, ‘लैणे ते दैणा खरा ऐ’।”

रोमियो 16:12

त्रूफेना कने त्रूफोसा बैह्णी जो जेह्ड़ियां प्रभु च मेहनत करदियां हन, मेरा नमस्कार। प्यारी पिरसिस बैह्णी जो, जिन्नै प्रभु च बड़ी मेहनत कित्तियो, तिसा जो मेरा नमस्कार।

रोमियो 16:6

मरियमा जो, जिन्नै तुहां तांई बड़ी मेहनत कित्ती, तिसा जो भी मेरा नमस्कार।

1 कुरिन्थियों 12:28

मसीह दे इस सरीरे च जेह्ड़ी कलीसिया ऐ, परमात्मैं अहां जो लग्ग-लग्ग सेवा दित्तियो: पैहल्ले तिन्हीं प्रेरित, दूये भविष्यवक्ता, सिक्षा दैणे आल़े, भिरी सामर्थी दे कम्म करणे आल़े, चंगा करणे आल़े, भलाई करणे आल़े, प्रबन्ध करणे आल़े, कने लग्ग-लग्ग भासा ग्लाणे आल़े नियुक्त कित्ते।

1 कुरिन्थियों 15:10

अपर मैं जेह्ड़ा कुच्छ भी ऐ, परमात्मे दे अनुग्रह नैं ऐ। तिसदा अनुग्रह जेह्ड़ा मिन्जो पर होएया, सैह़ बेकार नीं गेआ; अपर मैं तिन्हां दूये प्रेरितां ते भी बधी करी मेहनत कित्ती, तमी एह़ मेरे पास्से ते नीं होएया अपर परमात्मे दे अनुग्रह नैं जेह्ड़ा मिन्जो पर होएया था।

1 कुरिन्थियों 16:16

इसतांई मैं तुहां नैं विणती करदा ऐ कि ऐदेयां दे अधीन रेह्आ, अपर हर इक्की दे जेह्ड़े इस कम्मे च कड़ी मेहनत करदे हन।

1 कुरिन्थियों 16:18

तिन्हां मेरे कने तुहां दे मनां जो बड़ा हौंसला दित्ता ऐ, इसतांई तुहां जो ऐदेयां लोकां दी इज्जत करणी चाइदी।

1 कुरिन्थियों 3:9

क्जोकि अहां परमात्मे तांई कम्म करणे आल़े तिसदे साथी हन; तुहां इक्की खेते साइआं हन, जेह्ड़ा परमात्मे दा ऐ, कने मैं तुहां दी इक्क ऐदेय घरे साइआं तुलणा करा दा ऐ, जिसियो परमात्मा बणांदा ऐ।

2 कुरिन्थियों 11:23

क्या सैई मसीह दे सेवक हन? मैं पागल माणुये साइआं ग्लांदा ऐ, अपर मैं तिन्हां ते बधी नैं सेवक ऐ। मैं तिन्हां ते जादा मेहनत कित्तियो ऐ, तिन्हां ते जादा मैं जेला च गेआ, बड़ी बरी मारेया ऐ, हमेसा ई मेरे प्राण मुसीबता च पै हन।

2 कुरिन्थियों 5:9

इसा बज़ाह ते अहां दे मने दी आस एह़ ऐ कि चाहे अहां तिस सौगी सुअर्गे च रैह़न चाहे ऐत्थु धरतिया च रैह़न, अपर अहां प्रभु जो खुस करदे रैह़न।

2 कुरिन्थियों 6:1

अहां जेह्ड़े परमात्मे सौगी कम्म करणे आल़े हन, कने तुहां लोकां नैं एह़ विणती भी करदे हन, कि तिसदा अनुग्रह जेह्ड़ा तुहां पर होएया, तिसियो बेकार मत जाणा देआ।

गलातियों 4:11

जेह्ड़ा तुहां करा दे हन, मैं तिसते बड़ा परेसान ऐ, कुत्थी इआं ना होयैं कि जेह्ड़ी मेहनत मैं तुहां तांई कित्ती ऐ सैह़ बेकार ना होई जां।

फिलिप्पियों 2:16

तांजे मसीह दे बापस ओणे दे दिन मिन्जो घमंड करणे दी बज़ाह होयैं, कने ना मेरी नठ्ठ-भज्ज कने ना मेरी कड़ी मेहनत करणा बेकार होई।

फिलिप्पियों 2:19

मिन्जो प्रभु यीशु च आसा ऐ कि मैं तीमुथियुसे जो तुहां अल्ल तौल़ी घल्लगा, तांजे तुहां दी हालत सुणी नैं मेरा हौंसला बधें।

कुलुस्सियों 1:29

इसतांई मैं तिसा सामर्थी नैं तन मन लगाई नैं मेहनत करदा ऐ, जेह्ड़ी मिन्जो मसीह दे जरिये मिलदी ऐ, कने जेह्ड़ी मिन्जो च कम्म करदी ऐ।

1 थिस्सलुनीकियों 2:9

क्जोकि, हे प्यारे साथी बसुआसियो, तुहां अहां दी मेहनत कने दुखां जो याद रखदे हन। कि अहां इसतांई रात दिन कम्म धंधा करदे होये तुहां च परमात्मे दा सुसमाचार प्रचार कित्ता कि तुहां च कुसी पर भी बोझ नीं बणन।

1 थिस्सलुनीकियों 4:1

आखरी च हे प्यारे साथी बसुआसियो, अहां तुहां नैं विणती करदे हन, कने तुहां जो प्रभु यीशु च समझांदे हन, कि तुहां प्रभु दे नांऐ च इस तरीके नैं ज़िन्दगी जीआ, जेह्ड़ी परमात्मे जो खुस करदी ऐ। कने जिंआं अहां तुहां जो सखाया भी ऐ। तुहां पैहल्ले ते ई इआं करदे आएयो हन, कने तिंआं ई होर भी बधदे जा।

1 थिस्सलुनीकियों 5:14

हे प्यारे साथी बसुआसियो, अहां तुहां जो समझांदे हन, कि जेह्ड़े लोक सुस्त हन, तिन्हां जो चतौणी देआ, डरफोकां जो हिम्मत देआ, बसुआसे च कमजोरेयां जो सम्भाल़ा, सबना सौगी सबरे नैं रेह्आ।

1 तीमुथियुस 5:1

कुसी भी बुढे माणुये जो मत झिड़क, अपर तिसियो अपणे बुढ़े साइआं समझी करी प्यारे नैं समझाई दे, कने जुआनां जो अपणे भाऊये साइआं समझी करी;

1 तीमुथियुस 5:20

पाप करणे आल़ेआं जो सारेयां सामणै झिड़क, तांजे होर लोक भी डरन।

2 तीमुथियुस 2:6

जेह्ड़ा किसान मेहनत करदा ऐ, फसला दे पैहल्ले हिस्से पर तिसदा हक्क हुंदा ऐ।

तीतुस 1:3

कने हुण ठीक बग्ते पर परमात्मे अहां पर सुसमाचारे जो प्रगट कित्या ऐ। अहां दे उद्धार करणे आल़े परमात्मे मिन्जो एह़ जिम्मेवारी दित्तियो ऐ, कने इस कम्मे जो करणे तांई हुक्म दित्या ऐ।

तीतुस 1:5

मैं इसतांई तिज्जो क्रेते टापूये च छड्डी करी आया था तांजे तू तित्थु अहां दे कम्मां जो पूरा करी सकैं, कने क्रेते टापू दे हर सैहरे च खास अगुऐ चुणैं जिंआं मैं तिज्जो करणे दा हुक्म दित्या ऐ।

तीतुस 2:15

इसतांई तीतुस तू पूरे हक्के नैं क्रेते दे बसुआसियां जो इन्हां गल्लां जो ग्ला, कने समझा कने सखांदा रैह्। इआं करणे दा मेरे पास्से ते पूरा हक्क ऐ, कोई भी तिज्जो नजर अंदाज नीं करैं।

इब्रानियों 13:17

अपणे अगुआं दा हुक्म मन्ना कने तिन्हां दे अधीन रेह्आ, क्जोकि सैह़ तुहां जो दिक्खा दे हन, कि तुहां अपणे रस्ते ते भटकी नीं जान। क्जोकि तिन्हां जो अपणिया सेवा दा लेखा जोखा परमात्मे जो दैणा पोणा ऐ। तुहां तिन्हां दे हुक्मां जो मन्ना, तांजे सैह़ अपणे कम्मां दे खुस होई जान, ना कि उदास, एह़ तुहां तांई भी फायदेमंद होई जांगा।

इब्रानियों 13:7

जेह्ड़े तुहां दे अगुऐ थे, कने जिन्हां तुहां जो परमात्मे दा वचन सणाया ऐ। तिन्हां जो याद रखा, कने ध्याने नैं तिन्हां दिया ज़िन्दगिया जो दिक्खा, कि किंआं तिन्हां अपणी ज़िन्दगी जी, कने सैह़ मरने तिकर परमात्मे दे बसुआसे च बफादार बणी रैह्। इसतांई अहां जो भी तिंआं ई तिस पर बसुआस करणा चाइदा जिंआं तिन्हां कित्या था।

प्रकाशितवाक्य 1:20

जेह्ड़े सत तारे तैं मेरे सज्जे हत्थे च दिक्खे, सैह़ तारे सत्तां कलीसियां दे सुअर्गदूत हन, कने सैह़ सत सोन्ने दे दीपदान सत कलीसियां हन।”

प्रकाशितवाक्य 2:12

भिरी तिन्हीं मिन्जो नैं एह़ भी ग्लाया, कि “पिरगमुन सैहरे दी कलीसिया दे सुअर्गदूते जो एह़ लिख: मैं सैई ऐ जिस अल्ल दूँ धारां आल़ी तलवार ऐ, तिसदा ग्लाणा ऐई ऐ:

प्रकाशितवाक्य 2:18

भिरी तिन्हीं मिन्जो नैं एह़ भी ग्लाया, कि “थुआतीरा सैहरे दी कलीसिया दे सुअर्गदूत जो एह़ लिख: कि मैं परमात्मे दा पुत्तर जिसदियां अखीं अग्गी दी लपटा साइआं, कने जिसदे पैर भट्ठिया च तपाईया पीतली साइआं चमका दे हन, तिसदा ग्लाणा ऐई ऐ:

प्रकाशितवाक्य 2:3

तैं बड़ा सबर रखी नैं दुख झेले, क्जोकि तैं मिन्जो पर बसुआस कित्ता, कने अह्ल्ली भी तेरा बसुआस मिन्जो पर बड़ा मजबूत ऐ।

प्रकाशितवाक्य 2:8

भिरी तिन्हीं मिन्जो नैं एह़ भी ग्लाया, कि “स्मुरना सैहरे दी कलीसिया दे सुअर्गदूत जो एह़ लिख: मैं जेह्ड़ा पैहल्ला कने आखरी ऐ, इक्क बग्त था जाह़लू मैं मरी गेआ था, अपर हुण मैं जिन्दा ऐ, तिसदा ग्लाणा ऐई ऐ:

प्रकाशितवाक्य 3:1

भिरी तिन्हीं मिन्जो नैं एह़ भी ग्लाया, कि “सरदीस सैहरे दी कलीसिया दे सुअर्गदूते जो एह़ लिख: मैं सैई ऐ जिस अल्ल परमात्मे दियां सत आत्मां कने सत तारे हन, सैह़ एह़ ग्लांदा ऐ कि मैं तेरे कम्मां जो जाणदा ऐ, कि तू अप्पु जो मिन्जो पचांह़ चलणे आल़ा सच्चा बसुआसी तां दस्सदा ऐ, अपर असल च तू ऐ नीं।

प्रकाशितवाक्य 3:14

भिरी तिन्हीं मिन्जो नैं एह़ भी ग्लाया, कि “लौदीकिया सैहरे दी कलीसिया दे सुअर्गदूते जो एह़ लिख: कि मैं सैई ऐ जेह्ड़ा आमीन कने बसुआसे जोग्गा कने सच्चा गवाह ऐ, कने सैई ऐ जिसदे जरिये परमात्मे सब कुच्छ बणाया ऐ, तिसदा ग्लाणा ऐई ऐ:

प्रकाशितवाक्य 3:7

भिरी तिन्हीं मिन्जो नैं एह़ भी ग्लाया, कि “फिलदिलफिया सैहरे दी कलीसिया दे सुअर्गदूते जो एह़ लिख: कि मैं सैई ऐ जेह्ड़ा पवित्र कने सच्च ऐ, कने जिस अल्ल दाऊदे दी चाबी ऐ, जिसियो सैह़ खोली दिंदा तिसियो कोई बंद नीं करी सकदा कने जिसियो सैह़ बंद करी दिंदा तिसियो कोई खोली नीं सकदा, तिसदा ग्लाणा ऐई ऐ: