1 थिस्सलुनीकियों 5:11 - काँगड़ी

¹¹ इसा बज़ाह ते इक्की दूये जो हौंसला देआ, कने इक्की दूये दी बसुआसे च मजबूत होणे तांई मदत करा, जिंआं कि तुहां ऐदेया करदे भी हन।

1 थिस्सलुनीकियों 5:11 Iomraidhean Croise

रोमियो 14:19

इसतांई अहां तिन्हां गल्लां दी कोसस करदे रैह़न जिन्हां ते लोक अप्पु च मिल्ली जुली नैं रैह़न, कने इक्की दूये जो बसुआसे च मजबूत करन।

रोमियो 15:14

हे प्यारे साथी बसुआसियो, मैं अप्पु तुहां दे बारे च पक्का जाणदा ऐ, कि तुहां भी अप्पु ई भलाईया नैं भरोई जा, कने तुहां पूरे तरीके नैं जाणा, कि तुहां जो क्या करणा ऐ? कने इक्की दूये जो सखांदे रेह्आ।

रोमियो 15:2

अहां च हर इक्क अपणे साथी बसुआसिये जो तिसदिया भलाईया तांई खुस करन तांजे तिसदा बसुआस मजबूत होई जां।

1 कुरिन्थियों 10:23

तुहां च कुच्छ एह़ ग्लांगे, कि सारियां चीज्जां मिन्जो तांई ठीक हन, क्जोकि मैं इक्क बसुआसी ऐ, अपर सारियां चीज्जां फायदे दियां नीं हन; सारियां चीज्जां मिन्जो तांई ठीक हन, अपर सारियां चीज्जां तरक्की तांई नीं।

1 कुरिन्थियों 14:12

इसतांई तुहां भी जाह़लू आत्मिक वरदानां जो हासल करणे दी इच्छा रखदे हन, जेह्ड़े पवित्र आत्मा तुहां जो दिंदा ऐ, तां तिन्हां वरदानां दा इस्तेमाल करणे तांई ऐदई कोसस करदे रेह्आ कि तिन्हां वरदानां दे जरिये कलीसिया पूरे तरीके नैं बसुआसे च मजबूत होई जां।

1 कुरिन्थियों 14:29

भविष्यवक्तां च दो या त्रै ग्लान, कने सैह़ किठ्ठे नीं अपर इक्क-इक्क करी नैं ग्लान, कने बाक्कि लोक तिन्हां दे वचनां बड़े ध्याने नैं सुणन।

1 कुरिन्थियों 14:5

मैं चांह़दा ऐ कि तुहां सारे लग्ग-लग्ग भासा च गल्लां करन, अपर मैं इसते जादा एह़ चांह़दा ऐ कि तुहां परमात्मे दा वचन सणा; क्जोकि जे लग्ग-लग्ग भासा ग्लाणे आल़ा कलीसिया दे बसुआसे जो मजबूत करणे तांई भासा दा मतलब नीं दस्सगा, तां परमात्मे दा वचन सणाणे आल़ा लग्ग-लग्ग भासा ग्लाणे ते जादा बधी नैं ऐ।

2 कुरिन्थियों 12:19

तुहां लोक एह़ समझदे हुंगे, कि अहां तुहां सामणै जवाब दै दे हन। अपर अहां तां परमात्मे जो सामणै समझी करी मसीह च ग्लांदे हन, कने हे प्यारे साथी बसुआसियो, सारियां गल्लां तुहां दे बसुआसे दे फायदे तांई ग्लांदे हन।

इफिसियों 4:12

जिसते परमात्मे दे लोक पक्के होई नैं सेवा दे कम्मां तांई त्यार होई जान, जिसते कि मसीह दा सरीर जेह्ड़ा कलीसिया ऐ, मजबूतिया नैं बधदी जां,

इफिसियों 4:16

अहां सारे जेह्ड़े मसीह पर बसुआस करदे हन, तिसदे सरीरे दे अंगा साइआं हन, ठीक तिंआं ई जिंआं इक्क माणुये दा सरीर अप्पु च जुड़ेया हुंदा ऐ, तां तिस सरीरे दा हर अंग बधदा कने मजबूत हुंदा ऐ; तिंआं ई जाह़लू अहां च हर इक्क मसीह दे कम्मे जो जेह्ड़ा तिन्हीं अहां जो दित्या ऐ तिसियो करदा ऐ तां अहां भी सिद्ध कने मजबूत होई नैं बधदे जांगे, कने इक्की दूये नैं होर भी जादा प्यार करगे।

इफिसियों 4:29

कोई गंदी गल्ल तुहां दे मुँऐ ते ना निकल़ें, अपर जरूरता मताबक सैई निकल़ें जेह्ड़ी लोकां दी तरक्की कने बसुआसे च बधणे तांई होयैं, तांजे तिसते सुणने आल़ेआं दा भला होयैं।

1 थिस्सलुनीकियों 4:10

कने सारे मकिदुनिया प्रदेसे दे बसुआसी भाऊआं सौगी ऐदेया ई प्यार होणा चाइदा। अपर हे प्यारे साथी बसुआसियो, अहां तुहां जो समझांदे हन, कि तुहां मसीह दे प्यारे च होर भी बधदे जा।

1 थिस्सलुनीकियों 4:18

इस तरीके नैं इन्हां गल्लां ते इक्की दूये जो हौंसला देआ करा।

1 तीमुथियुस 1:4

कने तिन्हां बेकार काहणियां कने पूर्वजां दियां मनगढ़ंत काहणियां पर मन मत लगा, जिन्हां ते लड़ाई झगड़े हुंदे हन, एह़ चीज्जां परमात्मे दा कम्म करणे च मदत नीं करदियां। क्जोकि परमात्मे दा कम्म तांई होई सकदा ऐ, जे कोई तिस पर बसुआस करैं।

इब्रानियों 10:25

कने अराधना च इक्की दूये सौगी किठ्ठे होणा मत छड्डा, जिंआं कुच्छ लोक करदे हन, अपर इक्की दूये जो हौंसला दिंदे रेह्आ। कने जिंआं-जिंआं तुहां प्रभु दे बापस ओणे दे दिन नेड़े ओंदे दिक्खन, तां तिंआं-तिंआं इक्की दूये दे हौंसले जो होर बधांदे रेह्आ।

इब्रानियों 3:13

हर दिन इक्की दूये जो हौंसला दिंदे रेह्आ, जाह़लू तिकर तुहां अल्ल मौका ऐ, इआं ना होयैं कि तुहां च कोई माणु पाप दे छले च आई करी कठोर बणी जां।

2 पतरस 1:12

हलांकि तुहां पैहल्ले ते ई इन्हां गल्लां जो जाणदे हन, कने जेह्ड़ा सच्चाईया दा वचन मसीह दे बारे च तुहां जो मिल्लेया ऐ तिस च मजबूत बणी रैंह्दे हन, तमी मैं तुहां जो इन्हां गल्लां दी लगातार याद करांदा रैंह्गा।

यहूदा 1:20

अपर हे मेरे प्यारे साथी बसुआसियो, तुहां लगातार इक्की दूये दी मदत करदे, कने हौंसला दिंदे रेह्आ, कि तुहां पवित्र आत्मा च प्रार्थना कने बसुआस करदे हन। जेह्ड़ी तुहां जो सच्चाईया दा रस्ता दस्सदी ऐ,