1 थिस्सलुनीकियों 4:9 - काँगड़ी

⁹ अपर बसुआसी भाईचारे दे प्यारे दे बारे च एह़ जरूरत नीं ऐ कि मैं कुच्छ लिखें, क्जोकि अप्पु च प्यार रखणा तुहां अप्पु ई परमात्मे ते सिखया ऐ,

1 थिस्सलुनीकियों 4:9 Iomraidhean Croise

मत्ती 22:39

कने तिस साइआं एह़ दूआ हुक्म भी ऐ, कि ‘तू अपणे प्ड़ेसिये नैं अप्पु साइआं प्यार रख।’

यूहन्ना 14:26

अपर सहायक मतलब पवित्र आत्मा जिसियो पितैं मेरे नांऐ ते घल्लगा, सैह़ तुहां जो सारियां गल्लां सखांगी, कने जेह्ड़ा कुच्छ मैं तुहां नैं ग्लाया ऐ, सैह़ सारा तुहां जो याद करांगी।”

प्रेरितां दे कम्म 4:32

बसुआस करणे आल़ेआं दी मंडल़ी इक्क चित कने इक्क मन दी थी, ऐत्थु तिकर कि कोई भी अपणिया जायदाता जो अपणी नीं ग्लांदा था, अपर सारा कुच्छ साझी था।

रोमियो 12:10

इक्की दूये नैं परवारे दे लोकां साइआं प्यार रखा; हर इक्क माणु दूयेयां जो अप्पु ते म्हान समझैं।

2 कुरिन्थियों 9:1

हुण यरूशलेमे दिया कलीसिया जो दान दैणे दी सेवा दे बारे च जेह्ड़ी परमात्मे दे लोकां तांई कित्ती जांदी ऐ, मिन्जो तुहां जो लिखणा जरूरी नीं ऐ।

फिलिप्पियों 3:15

अहां च जितणे भी बसुआसे च मजबूत हन, ऐई बचार रखन, कने जे कुसा गल्ला च तुहां दा होर ई बचार होयैं तां परमात्मा तिसियो भी तुहां पर प्रगट करी दिंगा।

1 थिस्सलुनीकियों 5:1

अपर हे प्यारे साथी बसुआसियो, इसदी कोई जरूरत नीं, कि प्रभु यीशु मसीह दे बापस ओणे दे बग्तां दे कने तरीकां दे बारे च तुहां जो कुच्छ लिख्या जां।

इब्रानियों 10:16

प्रभु ग्लांदा ऐ, कि “जेह्ड़ा वादा मैं तिन्हां दिनां बाद तिन्हां सौगी करगा सैह़ एह़ ऐ, कि मैं अपणिया व्यबस्था जो तिन्हां दे मनां पर लिखगा, कने मैं तिन्हां दे दमागे च पांगा।”

इब्रानियों 13:1

अप्पु च बैह्णी-भाऊआं साइआं प्यार रखा।

1 पतरस 3:8

आखर च मैं तुहां सबना जो एह़ ग्लाणा चांह़दा ऐ, कि तुहां सारे इक्क मन होई नैं रेह्आ, कने इक्की दूये पर दया करा, इक्की दूये नैं प्यार रखा, भलाई करा कने नम्र बणा।

1 पतरस 4:8

साबना ते बड्डी गल्ल एह़ ऐ कि इक्की दूये नैं प्यार रखा, क्जोकि जे तुहां इक्की दूये नैं प्यार करदे हन तां तुहां हमेसा तिन्हां देयां अपराधां जो माफ करणे तांई त्यार रैंह्दे हन, जेह्ड़ियां तिन्हां कित्तियां हन।

2 पतरस 1:7

कने तुहां जो सिर्फ सैदई ज़िन्दगी ई नीं जीणी चाइदी, जेह्ड़ी परमात्मे जो खुस करदी ऐ, अपर तुहां जो दूयेयां सौगी अपणे परवारे साइआं प्यार भी करणा चाइदा, कने तुहां जो सिर्फ दूयेयां सौगी प्यार नीं रखणा चाइदा, अपर तुहां जो सारे लोकां नैं भी प्यार रखणा चाइदा।

1 यूहन्ना 2:10

जेह्ड़ा कोई अपणे भाऊये नैं प्यार रखदा ऐ, सैह़ लौई च जींदा ऐ, कने ठोकर नीं खाई सकदा ऐ।

1 यूहन्ना 3:11

जेह्ड़ा समाचार तुहां सुरू ते सुणेया, सैह़ एह़ ऐ कि अहां इक्की दूये नैं प्यार रखन;

1 यूहन्ना 3:23

परमात्मे दा हुक्म एह़ ऐ कि अहां तिसदे पुत्तर यीशु मसीह दे नांऐ पर बसुआस करन, कने जिंआं तिन्हीं अहां जो हुक्म दित्या ऐ तिसदे मताबक अप्पु च प्यार रखन।

1 यूहन्ना 4:21

कने परमात्मे ते अहां जो एह़ हुक्म मिल्लेया ऐ, कि जेह्ड़ा कोई परमात्मे नैं प्यार रखदा ऐ सैह़ अपणे बसुआसी भाऊये नैं भी प्यार रखैं।