1 थिस्सलुनीकियों 4:7 - काँगड़ी

⁷ क्जोकि परमात्मैं अहां जो असुद्ध ज़िन्दगी जीणे तांई नीं, अपर पवित्र ज़िन्दगी जीणे तांई सद्देया ऐ।

1 थिस्सलुनीकियों 4:7 Iomraidhean Croise

रोमियो 1:7

एह़ चिठ्ठी रोम सैहरे दे तिन्हां सारेयां दे नां पर ऐ, जेह्ड़े परमात्मे दे प्यारे हन, कने पवित्र लोक होणे तांई सद्देयो हन, मैं प्रार्थना करदा ऐ, कि अहां दे पिता परमात्मा कने प्रभु यीशु मसीह दे पास्से ते तुहां जो अनुग्रह कने सांति मिलदी रैंह्।

1 कुरिन्थियों 1:2

मैं एह़ चिठ्ठी परमात्मे दी तिसा कलीसिया दे नांऐ पर लिखा दा जेह्ड़े कुरिन्थुस सैहरे च रैंह्दे हन, मतलब तिन्हां दे नांऐ पर जेह्ड़े यीशु मसीह च पवित्र कित्ते गै, कने पवित्र होणे तांई सद्देयो हन; कने तिन्हां सारेयां दे नांऐ पर भी जेह्ड़े हर जगाह अहां दे कने अपणे प्रभु यीशु मसीह दे नांऐ नैं प्रार्थना करदे हन।

गलातियों 5:19

पापी सभाव क्या करदा ऐ, तिसियो हर कोई दिक्खी सकदा ऐ, मतलब ब्यभिचार, गंदे कम्म, लुचपण,

इफिसियों 1:4

खास करी नैं मसीह सौगी अहां दे रिस्ते दिया बज़ाह ते परमात्मे अहां जो इस संसारे जो बणाणे ते पैहल्ले चुणी लेआ। तांजे सैह़ अहां जो पवित्र कने बेकसूर समझैं।

इफिसियों 2:10

क्जोकि अहां परमात्मे दे बणायो हन, कने यीशु मसीह च तिन्हां खरेयां कम्मां तांई बणायो हन जिन्हां जो परमात्मैं पैहल्ले ते अहां दे करणे तांई त्यार कित्यो।

इफिसियों 4:1

इसतांई मैं जेह्ड़ा प्रभु च कैदी ऐ तुहां नैं विणती करदा ऐ, कि जिसा बुलाहटा नैं तुहां सद्देयो थे, तिसा मताबक ज़िन्दगी जीआ,

इफिसियों 4:19

कने तिन्हां जो कोई सर्म नीं ऐ। क्जोकि सैह़ सरीरे दियां इच्छां च जीआ दे हन, कने हर किस्मा दे गंदे कम्मां करणे जो बड़े उतावल़े हन।

1 थिस्सलुनीकियों 2:3

क्जोकि अहां दी सिक्षा ना धोखे दी ऐ कने ना गलत इरादे दी, कने ना ठग बाजी दी ऐ।

2 तीमुथियुस 1:9

जिन्हीं अहां दा उद्धार कित्ता कने पवित्र ज़िन्दगी जीणे तांई अहां जो सद्देया। अहां दे खरेया कम्मां दिया बज़ाह ते तिन्हीं अहां जो नीं सद्देया, अपर अपणे मकसदे कने तिस अनुग्रह मताबक सद्देया ऐ, जिसदी योजना परमात्मे पैहल्ले ते ई यीशु मसीह जो इस संसारे च घल्लणे दे जरिये बणाईयो थी,

इब्रानियों 12:14

सबना नैं मेल-जोल रखा, कने पवित्र ज़िन्दगी जीणे तांई हर तरीके नैं कोसस करदे रेह्आ। जिसदे बगैर कोई भी प्रभु जो कदी नीं दिक्खी सकदा।

2 पतरस 2:10

खास करी नैं परमात्मा तिन्हां झूठे सिक्षकां जो जरूर सज़ा दिंगा, जेह्ड़े बुरिआं इच्छां दे पचांह़ सरीरे मताबक चलदे कने परमात्मे दे अधिकारां जो घटिया समझदे हन, सैह़ ढीठ, कने जिद्दी हन, कने ऐत्थु तिकर कि सुअर्गदूतां दी निंदा करदे हन।