1 थिस्सलुनीकियों 4:6 - काँगड़ी

⁶ इन्हां सरीरे दियां इच्छा तांई कोई भी अपणे बसुआसी भाऊये जो धोखा ना दैं, कने ना तिसदा फायदा उठां, क्जोकि प्रभु यीशु इन्हां सारियां गल्लां दा न्याय करणे आल़ा ऐ; जिंआं कि अहां पैहल्लैं ई तुहां लोकां जो ग्लाया, कने समझाया भी था।

1 थिस्सलुनीकियों 4:6 Iomraidhean Croise

मरकुस 10:19

तू जाणदा ऐ, कि मूसा दिया व्यबस्था च क्या लिख्या ऐ, ‘हत्या मत करणा, ब्यभिचार मत करणा, कने चोरी मत करणा, झूठी गवाही ना दैणा, अपणे फायदे तांई कुसी जो धोखा ना दैणा, कने अपणे बुढ़े दा कने अपणिया माँऊ दा आदर करणा।’ ”

लूका 12:5

मैं तुहां जो समझांदा कि तुहां जो कुसते डरणा चाइदा, मरने ते बाद जिस जो नरके च पाणे दा हक्क ऐ, तिस परमात्मे ते डरा, हाँ मैं तुहां नैं ग्लांदा तिसते डरा।

लूका 16:28

क्जोकि मेरे पंज भाऊ हन; मैं चांह़दा ऐ, कि सैह़ जाई नैं तिन्हां जो इन्हां गल्लां दी चतौणी दैं, इआं ना होयैं कि सैह़ भी इसा पीड़ा दैणे आल़िआ जगाह च ओन।’

रोमियो 1:18

परमात्मे दा कोप सुअर्गे ते तिन्हां लोकां पर जेह्ड़े अभक्ति कने बुरे कम्म करदे हन प्रगट हुंदा ऐ, जेह्ड़े बुरे कम्मां करणे दे जरिये लोकां जो परमात्मे दिया सच्चाईया जो जाणने तांई रोकदे हन।

रोमियो 12:19

हे प्यारे साथी बसुआसियो, बदला मत लेआ, अपर परमात्मे जो तुहां तांई बदला लैणां देआ, क्जोकि पवित्रशास्त्रे च प्रभु ग्लांदा ऐ, “बदला लैणां मेरा कम्म ऐ, कने मैंई बदला लैंगा।”

रोमियो 13:4

क्जोकि सैह़ तेरिया भलाईया तांई परमात्मे दे सेवक हन। अपर जे तू बुराई करैं, तां डर; क्जोकि तिन्हां अल्ल अधिकार ऐ कि तुहां जो सज़ा दैन; कने सैह़ परमात्मे दे सेवक हन कि तिन्हां दे गुस्से दे मताबक बुरे कम्म करणे आल़ेआं जो सज़ा दैन।

2 कुरिन्थियों 7:11

कने दिक्खा, इसा गल्ला ते कि सैह़ दुख जेह्ड़ा परमात्मा तुहां जो अनुभव करवाणा चांह़दा ऐ। तिन्हीं तुहां च कितणा हौंसला, कने सच्चाई दस्सणे तांई जल़ण, डर, कने मिन्जो दिक्खणे दी इच्छा, मेहनत कने सज़ा दैणे दा बचार पैदा होएया? तुहां हर गल्ला च एह़ दस्सी दित्ता ऐ, कि इस बारे च तुहां कितणे बेकसूर हन।

गलातियों 5:21

कपट, नशे च मतवाल़ा होणा, रंगरल़ियाँ, कने इन्हां साइआं होर भी कम्म हन, इन्हां दे बारे च मैं तुहां जो चतौणी दे दा ऐ, जिंआं मैं पैहल्लैं भी तुहां जो दित्तियो थी, कि इन्हां कम्मां जो करणे आल़ेआं परमात्मे दे राज्जे दे वारस नीं होणा।

इफिसियों 4:17

इसतांई मैं एह़ ग्लांदा ऐ, कने प्रभु च इसा गल्ला पर जोर दिंदा ऐ, कि जिंआं होरनी जातिआं दे लोक अपणे मनां दियां बेकार गल्लां पर चलदे हन, तुहां अज्जे ते लेई करी भिरी इआं मत करा।

इफिसियों 4:28

चोरी करणे आल़ा भिरी चोरी ना करैं, अपर तिसियो इमानदारिया नैं कम्म करणा चाइदा, तांजे तिस अल्ल इतणा होयैं कि सैह़ गरीब लोकां दी भी मदत करी सकैं।

इफिसियों 5:6

कोई तुहां जो एह़ ग्लाई नैं धोखा नीं दैं, कि जेह्ड़े लोक ऐदेय पाप करदे हन, परमात्मा तिन्हां लोकां जो सज़ा नीं दिंगा।

1 थिस्सलुनीकियों 2:11

तुहां जाणदे हन, कि जिंआं पिता अपणे जागतां नैं बर्ताब करदा ऐ, तिंआं ई अहां भी तुहां च हर इक्की जो सिक्षा दिंदे, कने सांति दिंदे, कने समझांदे थे।

2 थिस्सलुनीकियों 1:8

कने जेह्ड़े परमात्मे जो नीं पणछैणदे, कने अहां दे प्रभु यीशुये दे सुसमाचारे जो नीं मनदे, तिन्हां जो सज़ा दिंगा।

इब्रानियों 13:4

ब्याह सबना लोकां च इज्जता दी गल्ल समझी जां, कने इस रिस्ते च दोयो अप्पु च बफादार रैह़न, क्जोकि परमात्मा ब्यभिचारियां, कने गंदे कम्म करणे आल़ेआं दा न्याय करगा।

इब्रानियों 2:6

अपर पवित्रशास्त्रे च कुणकी एह़ गवाही दित्तियो ऐ: “माणु क्या ऐ कि तुहां तिसियो याद करन? कने माणुये दी औलाद क्या ऐ, जिसा दा तुहां ध्यान रखन?

याकूब 2:6

अपर तुहां तिस गरीबे दी बेज्जती कित्ती। क्या अमीर लोक तुहां पर जुल्म नीं करदे कने क्या सैई तुहां जो घसीटी-घसीटी कचेहरियां जो नीं लेई जांदे?

याकूब 5:4

दिक्खा, जिन्हां मजदूरां तुहां दे खेतां दी फसल बड्डी, तिन्हां दी सैह़ मजदूरी जेह्ड़ी तुहां धोखा देई करी रखी लेई ऐ; बड्डणे आल़ेआं दी विणती कने दोहाई सेनां दे परमात्मे सुणी लेई ऐ।