1 थिस्सलुनीकियों 4:4 - काँगड़ी

⁴ कने इसते बचणे तांई तुहां च हर इक्क माणु अपणे सरीरे जो बसे च करणा सीखें, कने अपणिया लाड़िया सौगी पवित्रता कने आदरे नैं रैंह्।

1 थिस्सलुनीकियों 4:4 Iomraidhean Croise

प्रेरितां दे कम्म 9:15

अपर प्रभु यीशुयैं तिस नैं ग्लाया, “तू चली जा; क्जोकि सैह़ तां होरनी जातिआं कने राजेयां, कने इस्राएली लोकां दे सामणै मेरे बारे च दस्सणे तांई मेरा चुणेया जण ऐ।

रोमियो 1:24

इसा बज़ाह ते परमात्मैं तिन्हां जो तिन्हां दे मने दिया इच्छां दे मताबक बेसर्मी दे कम्मां तांई छड्डी दित्ता कि सैह़ अप्पु च बेसर्मी दे कम्मां च अपणे सरीरां दी बेइज्जती करन।

रोमियो 12:1

इसतांई हे प्यारे साथी बसुआसियो, मैं तुहां नैं परमात्मे दी दया याद दिलाई नैं विणती करदा ऐ, कि अपणे आप्पे जो जिन्दा, कने पवित्र, कने परमात्मे जो खरा लगणे आल़ा बलिदान चढ़ा। परमात्मे दी भक्ति करणे दा ऐई सच्चा तरीका ऐ ।

रोमियो 6:19

मैं तुहां दे सरीरे दी कमजोरिया दिया बज़ाह ते माणुआं दे नजरिये नैं ग्लांदा ऐ। जिंआं तुहां अपणे सरीरे दे अंगा जो बुरे कम्मां कने बुराईया दे दास बणाई नैं दित्या था, तिंआं ई हुण अपणे सरीरे दे अंगा जो पवित्रता तांई धार्मिकता दे दास बणाई नैं देई देआ।

1 कुरिन्थियों 6:15

क्या तुहां नीं जाणदे कि तुहां दे सरीर मसीह दे सरीरे दा हिस्सा ऐ? क्या एह़ मिन्जो तांई ठीक ऐ, कि मैं मसीह सरीरे दे हिस्से जो वैश्या दे अंग बणाई दैं, नीं कदी भी नीं।

1 कुरिन्थियों 7:2

अपर मैं एह़ सलाह दिंदा ऐ, कि ब्यभिचारे ते बचणे तांई हर इक्क मरद ब्याह करैं, कने अपणिया लाड़िया सौगी बफादार रैंह्।

1 कुरिन्थियों 7:9

अपर जे सैह़ सबर नीं रखी सकन, तां ब्याह करी लैन; क्जोकि सरीरे दियां इच्छां च जल़णे दे बजाये ब्याह करणा खरा ऐ।

2 कुरिन्थियों 4:7

अपर अहां चिक्का दे भाडेयां साइआं हन, जिन्हां च धन-दौलत कठ्ठेरी करी रखेया ऐ, तांजे इसा गल्ला दा पता लग्गी जां, कि एह़ अपार सामर्थ अहां दी नीं, अपर परमात्मे दी ऐ।

फिलिप्पियों 4:8

इसतांई आखर च हे प्यारे साथी बसुआसियो, तुहां अपणा ध्यान तिन्हां गल्लां पर लग्गा, जेह्ड़ियां-जेह्ड़ियां गल्लां सच्च हन, कने जेह्ड़ियां-जेह्ड़ियां गल्लां इज्जता आल़िआं हन, कने जेह्ड़ियां-जेह्ड़ियां गल्लां खरियां हन, कने जेह्ड़ियां-जेह्ड़ियां गल्लां पवित्र हन, कने जेह्ड़ियां-जेह्ड़ियां गल्लां छैल़ हन, कने जेह्ड़ियां-जेह्ड़ियां मने भाणे आल़िआं हन। कने तुहां दा मन तिन्हां गल्लां पर लग्गी रैंह्, जेह्ड़ियां उत्तम कने तरीफां दियां गल्लां हन।

इब्रानियों 13:4

ब्याह सबना लोकां च इज्जता दी गल्ल समझी जां, कने इस रिस्ते च दोयो अप्पु च बफादार रैह़न, क्जोकि परमात्मा ब्यभिचारियां, कने गंदे कम्म करणे आल़ेआं दा न्याय करगा।

1 पतरस 3:7

तिंआं ई हे लाड़ेयो, तुहां भी समझदारिया नैं लाड़ियां सौगी ज़िन्दगी जीआ करा, कने तुहां जो एह़ गल्ल याद रखणा चाइदी कि जणासां तुहां ते कमजोर हन, इसतांई तुहां जो तिन्हां दी इज्जत करणी चाइदी। क्जोकि तुहां दोयो परमात्मे दे तिस वरदाने दे साझी हन, जेह्ड़ा सदा दी ज़िन्दगी ऐ, इआं करदे रेह्आ, तांजे जाह़लू तुहां प्रार्थना करन, ताह़लू परमात्मा तुहां दिया तिसा प्रार्थना जो सुणैं।