1 थिस्सलुनीकियों 4:3 - काँगड़ी

³ क्जोकि परमात्मे दी इच्छा एह़ ऐ, कि तुहां पवित्र बणा मतलब ब्यभिचारे ते बची रेह्आ,

1 थिस्सलुनीकियों 4:3 Iomraidhean Croise

मत्ती 12:50

क्जोकि जेह्ड़ा कोई मेरे सुअर्गीय पिता दी इच्छा पर चलगा, सैई मेरा भाऊ, बैहण, कने मेरी माँ ऐ।”

मत्ती 15:19

क्जोकि बुरे बचार, खून, परस्त्रीगमन, ब्यभिचार, चोरी, झूठी गवाही कने निंदा मने ते निकल़दी ऐ।

मत्ती 5:32

अपर मैं तुहां नैं एह़ ग्लांदा ऐ कि जेह्ड़ा कोई अपणिया लाड़िया जो ब्यभिचारे जो छड्डी नैं कुसी होर बज़ाह ते तलाक दैं, तां सैह़ तिसाते ब्यभिचार करवांदा ऐ; कने जेह्ड़ा कोई तिसा छड्डिया जो ब्याई लैं, सैह़ ब्यभिचार करदा ऐ।

मत्ती 7:21

“जेह्ड़ा मिन्जो नैं, ‘हे प्रभु, हे प्रभु’ ग्लांदा ऐ, तिन्हां च सारे ई सुअर्गे दे राज्जे च दाखल नीं होणे हन, अपर सैई जेह्ड़ा मेरे सुअर्गीय पिता दी इच्छा पर चलदा ऐ।

मरकुस 3:35

क्जोकि जेह्ड़ा कोई परमात्मे दी इच्छा पर चलगा, सैई मेरा भाऊ, मेरी बैहण कने मेरी माँ ऐ।”

यूहन्ना 4:34

यीशुयैं तिन्हां नैं ग्लाया, “मेरा खाणा एह़ ऐ कि अपणे घल्लणे आल़े दी इच्छा दे मताबक चल्लैं कने तिसदा कम्म पूरा करैं।

यूहन्ना 7:17

जे कोई माणु परमात्मे दी इच्छा पर चलणा चां, तां सैई इसा सिक्षा दे बारे च जाणी जांगा, कि एह़ परमात्मे दे पास्से ते ऐ या मैं अपणिया तरफा ते ग्लांदा ऐ।

प्रेरितां दे कम्म 15:20

अपर तिन्हां जो चिठ्ठी लिखी घल्लन, कि सैह़ मूर्तियां दे सामणै चढ़ाईयां चीज्जां ते, ब्यभिचार, गल़ा घोटी करी मारेयो जानवरां दे मासे ते कने खूने ते दूर रैह़न।

प्रेरितां दे कम्म 15:29

कि तुहां मूर्तियां दे सामणै चढ़ाईयां चीज्जां ते, ब्यभिचार, गल़ा घोटी करी मारेयो जानवरां दे मासे ते कने खूने ते दूर रेह्आ। जे तुहां अपणे आप्पे जो इन्हां गल्लां ते बचाई रखा तां तुहां दा भला हुंगा। अच्छा हुण अहां जो विदा करा।”

प्रेरितां दे कम्म 20:32

हुण मैं तुहां जो परमात्मे कने तिसदे अनुग्रह दे वचन दी देखभाल च हुआले करा दा ऐ, जिस च तुहां दी तरक्की कने तुहां जो तिन्हां सबना सौगी विरासत देई सकदा ऐ, जेह्ड़े प्रभु तांई अलग कित्यो हन।

प्रेरितां दे कम्म 26:18

कि तिन्हां दी अखीं खोलणे, कने नेहरे ते कड्डी करी जोतिया च कने सैताने दे हक्के ते परमात्मे दे राज्जे च लेई ओन। कि सैह़ पापां ते माफी पाई सकन, कने तिन्हां सामणै आई जान, जेह्ड़े मिन्जो च बसुआस दे जरिये परमात्मे तांई लग्ग कित्यो हन।’

रोमियो 1:29

इसतांई सैह़ हर किस्मां दे बुरे कम्म, दुष्टता, लालच, बैरभाव नैं भरोई गै; जल़स, हत्या, झगड़े, छल कपट, रिस करणा, कने चुगलखोर,

रोमियो 12:2

कने इस संसारे दे लोकां साइआं मत बणा; अपर तुहां दे मनां दे पूरे बदली जाणे ते तुहां दा चाल-चलण भी बदलदा जां, जिसते तुहां परमात्मे दी खरी, कने मने जो भाणे आल़ी, कने सिद्ध इच्छा दा तजरबा करी नैं जाणदे रेह्आ।

रोमियो 6:22

अपर हुण पापे ते अजाद होई नैं परमात्मे दे दास बणी नैं तुहां जो फायदा होएया जिसते पवित्रता हासल हुंदी ऐ, कने तिसदा नतीजा सदा दी ज़िन्दगी ऐ।

1 कुरिन्थियों 1:30

अपर परमात्मे दे पास्से ते तुहां यीशु मसीह च हन, जेह्ड़े परमात्मे दे पास्से ते अहां तांई ज्ञान, मतलब धार्मिकता, पवित्रता कने छुटकारा दैणे आल़ा बणेया;

1 कुरिन्थियों 7:2

अपर मैं एह़ सलाह दिंदा ऐ, कि ब्यभिचारे ते बचणे तांई हर इक्क मरद ब्याह करैं, कने अपणिया लाड़िया सौगी बफादार रैंह्।

2 कुरिन्थियों 12:21

कने कुत्थी इआं ना होयैं कि जाह़लू मैं बापस औयें तां मेरा परमात्मा तुहां सामणै मिन्जो सर्मिंदा नीं करी दैं, कने मिन्जो मतेआं तांई भिरी सोक करणा पोयैं, जिन्हां पैहल्ले पाप कित्या था कने गंदे कम्म, ब्यभिचार कने लुचपण ते, जेह्ड़ा तिन्हां कित्ते, मन नीं बदलेया।

गलातियों 5:19

पापी सभाव क्या करदा ऐ, तिसियो हर कोई दिक्खी सकदा ऐ, मतलब ब्यभिचार, गंदे कम्म, लुचपण,

इफिसियों 5:17

इसतांई बेअक्ले मत बणा, अपर ध्याने नैं समझा कि प्रभु तुहां ते क्या चांह़दा ऐ।

इफिसियों 6:6

कने हर बग्त अपणे मालकां जो खुस करणे दी कोसस करदे रेह्आ, सिर्फ ताह़लू ई नीं जाह़लू तुहां जो लग्गैं कि सैह़ तुहां जो दिक्खा दे हन। अपर मसीह दे दासां साइआं बणां, जेह्ड़े अपणे पूरे मने नैं सैई करदे हन जेह्ड़ा परमात्मा चांह़दा ऐ।

कुलुस्सियों 1:9

इसा बज़ाह ते जिस दिन ते एह़ सुणेया ऐ, अहां भी तुहां तांई एह़ प्रार्थना करणा नीं छड्डेया कने एह़ विणती करदे हन कि तुहां पूरे आत्मिक ज्ञान कने समझा च परमात्मे दी इच्छा दे सारे ज्ञाने च भरोंदे जा,

कुलुस्सियों 3:5

इसतांई बुरे कम्मां करणा छड्डी देआ, जेह्ड़े तुहां दे पापी सभावे सौगी जुड़ेयो हन, जेह्ड़े धरतिया पर हन, मतलब ब्यभिचार, मने च गंदगी, वासना, बुरी सोच। कने लालची मत बणा जेह्ड़ा मूर्तिपूजा दे साइआं ऐ।

कुलुस्सियों 4:12

इपफ्रास जेह्ड़ा तुहां दे ग्रांऐ ते ऐ, कने यीशु मसीह दा दास ऐ, तुहां जो नमस्कार ग्लांदा ऐ। सैह़ हमेसा तुहां तांई मन लगाई नैं प्रार्थना करदा ऐ, जिसते तुहां लोक सारियां गल्लां सिद्ध होई नैं पूरे बसुआसे सौगी परमात्मे दी इच्छा पर मजबूत रेह्आ।

1 थिस्सलुनीकियों 4:2

क्जोकि तुहां हुक्मां जो जाणदे हन, जेह्ड़े हुक्म अहां तुहां जो प्रभु यीशु मसीह दे पास्से ते दित्ते हन।

1 थिस्सलुनीकियों 4:4

कने इसते बचणे तांई तुहां च हर इक्क माणु अपणे सरीरे जो बसे च करणा सीखें, कने अपणिया लाड़िया सौगी पवित्रता कने आदरे नैं रैंह्।

1 थिस्सलुनीकियों 5:18

हर गल्ला च परमात्मे दा धन्यावाद करा; क्जोकि तुहां तांई यीशु मसीह च परमात्मे दी ऐई इच्छा ऐ।

1 थिस्सलुनीकियों 5:23

परमात्मा जेह्ड़ा सांति दिंदा ऐ, सैई तुहां जो पूरे तरीके नैं पवित्र करगा। कने तुहां दिया आत्मा, प्राण, कने सरीर अहां दे प्रभु यीशु मसीह दे बापस ओणे तिकर पूरी रीतिया नैं बेकसूर कने सम्भाल़ी नैं रखगा।

2 थिस्सलुनीकियों 2:13

हे प्यारे साथी बसुआसियो, अहां जो हमेसा परमात्मे दा धन्यावाद करणा चाइदा, क्जोकि प्रभु तुहां नैं प्यार करदा ऐ। तुहां जो परमात्मैं सुरू ते ई चुणी लेआ कि आत्मा दे जरिये पवित्र बणी करी, कने सच्चाईया दा बसुआस करी नैं उद्धार पा।

तीतुस 2:14

जेह्ड़ा अप्पु अहां तांई सूल़िया पर चढ़ी गिया, कि अहां जो हर किस्मा दिया बुराईया ते छड्डाई लैं, कने पापां ते सुद्ध करी नैं अप्पु तांई इक्क ऐदई प्रजा बणां जेह्ड़ी खरे कम्मां तांई पूरे जोशे नैं हमेसा त्यार रैंह्।

इब्रानियों 10:36

ऐदेय बग्ते च तुहां जो सबर रखणा जरूरी ऐ, तांजे परमात्मे दी इच्छा जो पूरी करी नैं जेह्ड़ा तुहां तांई वादा कित्या ऐ, सैह़ मिल्लैं।

इब्रानियों 12:16

तुहां च कोई माणु ब्यभिचारी ना होयैं, कने ना अब्राहमे दे पोतरू एसावे साइआं पापी होयैं, जिन्हीं इक्क बरी दे खाणे दे बदले अपणे जेठे होणे दी पदवी बेची दित्ती।

इब्रानियों 13:21

परमात्मा तुहां जो हर इक्क खरिया गल्ला च सिद्ध करैं, जिसते तुहां तिसदी इच्छा पूरी करन, कने जेह्ड़ा कुच्छ तिसियो खरा लगदा ऐ, तिसियो यीशु मसीह दे जरिये अहां च पूरा करैं। जिसदी महिमा जुगा-जुग हुंदी रैंह्। आमीन।

इब्रानियों 13:4

ब्याह सबना लोकां च इज्जता दी गल्ल समझी जां, कने इस रिस्ते च दोयो अप्पु च बफादार रैह़न, क्जोकि परमात्मा ब्यभिचारियां, कने गंदे कम्म करणे आल़ेआं दा न्याय करगा।

1 पतरस 1:2

पिता परमात्मे बड़ी पैहल्ले ते तुहां जो अपणे लोक होणे तांई कने पवित्र आत्मा दे जरिये पवित्र करणे तांई फैसला लेई लेआ था, तिन्हीं एह़ तां कित्ता कि तुहां यीशु मसीह जो मनन कने तिसदे खूने दे जरिये सुद्ध होन। मैं प्रार्थना करदा ऐ, कि परमात्मा तुहां जो बड़ा जादा अनुग्रह कने सांति दिंदा रैंह्।

1 पतरस 4:2

जिसदा नतीजा एह़ ऐ कि सैह़ माणु अपणी बाक्कि ज़िन्दगी इस संसारे च बुरिआं इच्छां मताबक नीं जींगा, अपर परमात्मे दिया इच्छा मातबक जींगा।

1 यूहन्ना 2:17

संसार कने तिसदियां इच्छां दोयो नास हुंदियां जांदियां हन, अपर जेह्ड़ा परमात्मे दी इच्छा पर चलदा ऐ, सैह़ हमेसा तिस च बणी रैंह्गा।

प्रकाशितवाक्य 21:8

अपर डरफोकां, बेबसुआसियां, कने घिनौनेयां, हत्यारेयां, ब्यभिचारियां, जादू-टूणा करणे आल़ेआं, मूर्तिपूजकां, कने सारे झूठेयां दा हिस्सा तिसा झीला च मिलगा, जेह्ड़ा अग्गी कने गंधका नैं जल़दी रैंह्दी ऐ; सैह़ दूई मौत्त ऐ।”

प्रकाशितवाक्य 22:15

अपर कुत्ते, जादू-टूणा करणे आल़े, ब्यभिचारी, हत्यारे, मूर्ति दी पूजा करणे आल़े, हर इक्क झूठ दा साथ दैणे आल़े, झूठ ग्लाणे आल़े बाहर रैंह्गे।