1 थिस्सलुनीकियों 4:11 - काँगड़ी

¹¹ जिंआं अहां तुहां जो समझाया ऐ, तिंआं ई चुपचाप रैहणे कने अपणा-अपणा कम्मकार करणे, कने अपणे-अपणे हत्थां नैं कम्माणे दी कोसस करा।

1 थिस्सलुनीकियों 4:11 Iomraidhean Croise

मरकुस 13:34

एह़ बग्त तिस माणुये साइआं ऐ, जेह्ड़ा परदेस जांदे बग्त अपणा घरबार छड्डी जां, कने अपणे दासां जो हक्क दे, कने हर इक्क जो तिसदा कम्म दस्सी दैं, कने चौंकीदारे जो जागदे रैहणे दा हुक्म दैं।

प्रेरितां दे कम्म 18:3

पौलुस तिन्हां जो दिक्खणा गेआ, क्जोकि तिसदा कने अक्विला दा इक्क ई बपार था; इसतांई सैह़ तिन्हां सौगी रेह्आ कने सैह़ तम्बू बणाणे दा कम्म करणा लग्गे।

प्रेरितां दे कम्म 20:35

मैं तुहां जो सब कुच्छ करी नैं दस्सेया कि इस तरीके नैं मेहनत करदे-करदे कमजोरेयां जो सम्भाल़णा कने प्रभु यीशुये दे वचन याद रखणा जरूरी ऐ, जेह्ड़ा तिन्हीं अप्पु ई ग्लाया ऐ, ‘लैणे ते दैणा खरा ऐ’।”

रोमियो 12:11

मेहनत करा कने आलसी मत बणा। अपणे पूरे दिले नैं प्रभु दी सेवा करदे रेह्आ।

रोमियो 15:20

मेरे मने दी इच्छा एह़ ऐ, कि यीशु मसीह दे सुसमाचारे दा प्रचार तिन्हां जगांह च होयैं, जित्थु मसीह दे बारे अह्ल्ली सुणेया नीं गेआ, इआं ना होयैं कि दूये दियां नीआं पर घर बणा।

1 कुरिन्थियों 4:12

कने अपणे ई हत्थां नैं कम्म करी नैं मेहनत करदे हन। लोक अहां जो बुरा ग्लांदे हन, अहां तिन्हां जो आशीर्वाद दिंदे हन, सैह़ सतांदे हन, अहां झेलदे हन।

2 कुरिन्थियों 5:9

इसा बज़ाह ते अहां दे मने दी आस एह़ ऐ कि चाहे अहां तिस सौगी सुअर्गे च रैह़न चाहे ऐत्थु धरतिया च रैह़न, अपर अहां प्रभु जो खुस करदे रैह़न।

इफिसियों 4:28

चोरी करणे आल़ा भिरी चोरी ना करैं, अपर तिसियो इमानदारिया नैं कम्म करणा चाइदा, तांजे तिस अल्ल इतणा होयैं कि सैह़ गरीब लोकां दी भी मदत करी सकैं।

1 तीमुथियुस 2:2

सारे राजेयां कने अधिकारी लोकां तांई प्रार्थना करेया करा तांजे अहां सुख-चैन सौगी रेई सकन तांजे अहां परमात्मे दी अराधना करन कने दूये लोकां सौगी खरा बर्ताब रखन।

1 तीमुथियुस 5:13

कने इसदे अलावा तिन्हां जो घर-घर जाई नैं आलसी होणे दी आदत पेई जांदी ऐ, कने सिर्फ आलसी नीं, अपर बक-बक करदियां रैंह्दियां कने दूयेयां दे कम्मे च दखल अंदाजी करदियां हन कने बेकार दियां गल्लां ग्लांदियां हन, जेह्ड़ा तिन्हां जो ग्लाणा नीं चाइदा।

तीतुस 3:14

कने अहां दे लोक भी जरूरतां जो पूरियां करणे तांई खरेयां कम्मां च लग्गी रैहणा सीखन, तांजे कुच्छ कम्माई सकन।

1 पतरस 3:4

अपर अपणे खरे कने सांत मने दे जरिये अंदरे ते खुबसूरत बणां, ऐदई खूबसूरती आखरी तिकर बणी रैंह्दी ऐ, कने परमात्मे दिया नजरा च एह़ बड़ी खास ऐ।

1 पतरस 4:15

अपर तुहां च कोई भी खूनिये, या इक्क चोरे साइआं, बुरे कम्म करणे आल़े साइआं, या दूये दे कम्मां च दखल-अंदाजी आल़े साइआं दुख नीं झेलैं।