1 थिस्सलुनीकियों 4:10 - काँगड़ी

¹⁰ कने सारे मकिदुनिया प्रदेसे दे बसुआसी भाऊआं सौगी ऐदेया ई प्यार होणा चाइदा। अपर हे प्यारे साथी बसुआसियो, अहां तुहां जो समझांदे हन, कि तुहां मसीह दे प्यारे च होर भी बधदे जा।

1 थिस्सलुनीकियों 4:10 Iomraidhean Croise

रोमियो 15:26

क्जोकि मकिदुनिया कने अखाया प्रदेसे दे लोकां जो एह़ करणा खरा लग्गा, कि यरूशलेम सैहरे दे बसुआसियां च गरीबां तांई कुच्छ दान दैन।

इफिसियों 1:15

इसा बज़ाह ते, जाह़लू ते मैं प्रभु यीशु पर तुहां दे बसुआसे कने परमात्मे दे सारे लोकां तांई तुहां दे प्यारे दे बारे च समाचार सुणी नैं,

फिलिप्पियों 1:9

मैं एह़ प्रार्थना करदा ऐ, कि तुहां दा इक्की दूये नैं प्यार, ज्ञान कने पूरिया समझा नैं होर भी बधदा जां,

कुलुस्सियों 1:4

क्जोकि अहां सुणेया ऐ, कि यीशु मसीह पर तुहां दा बसुआस ऐ, कने सारे परमात्मे दे लोकां नैं तुहां प्यार रखदे हन।

1 थिस्सलुनीकियों 1:7

जिसदा नतीजा एह़ होएया कि तुहां मकिदुनिया प्रदेस कने अखाया प्रदेसे दे सारे बसुआसियां तांई इक्क मिसाल बणी गै।

1 थिस्सलुनीकियों 3:12

कने प्रभु इआं करैं कि जिंआं अहां तुहां नैं प्यार रखदे हन, तिंआं ई तुहां दा प्यार भी अप्पु च कने सारे माणुआं सौगी बधदा जां, कने तरक्की करदा जां,

1 थिस्सलुनीकियों 4:1

आखरी च हे प्यारे साथी बसुआसियो, अहां तुहां नैं विणती करदे हन, कने तुहां जो प्रभु यीशु च समझांदे हन, कि तुहां प्रभु दे नांऐ च इस तरीके नैं ज़िन्दगी जीआ, जेह्ड़ी परमात्मे जो खुस करदी ऐ। कने जिंआं अहां तुहां जो सखाया भी ऐ। तुहां पैहल्ले ते ई इआं करदे आएयो हन, कने तिंआं ई होर भी बधदे जा।

2 थिस्सलुनीकियों 1:3

हे प्यारे साथी बसुआसियो, तुहां दे बारे च अहां जो हमेसा परमात्मे दा धन्यावाद करणा चाइदा, कने एह़ ठीक भी ऐ, इसतांई कि तुहां दा बसुआस यीशु मसीह च बड़ा जादा बधी गेआ ऐ, कने तुहां सारेयां दा प्यार अप्पु च बड़ा ई बधदा जा दा ऐ।

2 थिस्सलुनीकियों 3:4

कने अहां जो प्रभु च तुहां पर भरोसा ऐ कि जेह्ड़े हुक्म अहां तुहां जो दिंदे हन, तिन्हां जो तुहां मनदे हन, कने मनदे भी रैंह्गे।

2 पतरस 3:18

अपर तुहां अहां दे प्रभु, कने उद्धार करणे आल़े यीशु मसीह दे अनुग्रह कने ज्ञाने च बधदे जा। तिसदी महिमा हुण भी होयैं, कने जुगा-जुग हुंदी रैंह्। आमीन।